Read tsonga Tipisalema 121 Bible Online

Tipisalema 121 - tsonga bible

Tipisalema 121

¹Ndzi tlakusela mahlo ya mina etintshaveni ... Ku pfuniwa ka mina ku ta huma kwihi?

²Ku pfuniwa ka mina ku ta huma eka Yehovha La endleke tilo ni misava.

³A nga ka a nga pfumeri leswaku nenge wa wena wu rhetemuka, A nga khudziheri, muhlayisi wa wena!

⁴Ina a nga khudziheri, a nga ka a nga etleri Muhlayisi wa Israele!

⁵Yehovha i muhlayisi wa wena, Yehovha i ndzhuti wa wena evokweni ra xinene ra wena.

⁶Ninhlekanhi, dyambu ri nga ka ri nga ku bi, Hambi yi ri n'weti nivusiku.

⁷Yehovha u ta ku sirhela eku biheni hinkwako, U ta hlayisa moya wa wena.

⁸Yehovha u ta ku sirhelela eku sukeni ni le ku fikeni ka wena, Ku sungula sweswi, ni ku fika ni makumu.