Read tsonga Tipisalema 123 Bible Online

Tipisalema 123 - tsonga bible

Tipisalema 123

¹Ndzi tlakusile mahlo ya mina ka wena La fumaka ematilweni!

²Vonani! Tanihi mahlo ya malandza lama langutaka voko ra n'wini va wona, Tanihi mahlo ya nandza wa wansati lama langutaka voko ra n'wini wa yena, Mahlo ya hina ma langutisa sweswo eka Yehovha, Xikwembu xa hina, A kondza a hi twela vusiwana.

³Hi twele vusiwana, Yehovha, hi twele vusiwana! Hikuva hi xurhile tingana.

⁴Moya wa hina wu karhele Hi xisandzu xa vatikurisi, ni xisolo xa vatikukumuxi.