Read tsonga Tipisalema 136 Bible Online

Tipisalema 136 - tsonga bible

Tipisalema 136

¹Dzunisani Yehovha, hikuva u lulamile, Hikuva tintswalo ta yena hi leti nga heriki!

²Dzunisani Xikwembu xa swikwembu, Hikuva tintswalo ta xona hi leti nga heriki!

³Dzunisani Hosi ya tihosi, Hikuva tintswalo ta yona hi leti nga heriki!

⁴Hi yena la endleke swihlamariso leswikulu, a ri swakwe, Hikuva tintswalo ta yena hi leti nga heriki!

⁵La endleke matilo hi vutlhari, Hikuva tintswalo ta yena hi leti nga heriki!

⁶La andlaleke misava ehenhla ka mati, Hikuva tintswalo ta yena hi leti nga heriki!

⁷La endleke mavoningo lamakulu, Hikuva tintswalo ta yena hi leti nga heriki!

⁸Dyambu, ku fuma nhlekanhi Hikuva tintswalo ta yena hi leti nga heriki!

⁹N'weti ni tinyeleti, ku fuma vusiku, Hikuva tintswalo ta yena hi leti nga heriki!

¹⁰Hi yena la nga ba mativula ya Vaegipta, Hikuva tintswalo ta yena hi leti nga heriki!

¹¹Kutani a humesa Israele kona, Hikuva tintswalo ta yena hi leti nga heriki!

¹²Hi xandla xa matimba ni voko leri tshambulutiweke, Hikuva tintswalo ta yena hi leti nga heriki!

¹³Hi yena la avanyiseke Lwandle ro Tshwuka hi le xikarhi, Hikuva tintswalo ta yena hi leti nga heriki!

¹⁴Kutani a perisa Israele exikarhi ka rona, Hikuva tintswalo ta yena hi leti nga heriki!

¹⁵A susumetela Faro ni nyimpi ya yena eLwandle-ro-Tshwuka, Hikuva tintswalo ta yena hi leti nga heriki!

¹⁶A tsemakanyisa tiko ra yena emananga, Hikuva tintswalo ta yena hi leti nga heriki!

¹⁷A lovisa tihosi letikulu, Hikuva tintswalo ta yena hi leti nga heriki!

¹⁸Kutani a dlaya tihosi leta matimba, Hikuva tintswalo ta yena hi leti nga heriki!

¹⁹Sihoni, hosi ya Vaamori, Hikuva tintswalo ta yena hi leti nga heriki!

²⁰Na Ogo, hosi ya Baxani, Hikuva tintswalo ta yena hi leti nga heriki!

²¹A nyiketa tiko ra vona Hikuva tintswalo ta yena leswaku yi va ndzhaka, Hikuva tintswalo ta yena hi leti nga heriki!

²²Ndzhaka ya Israele, nandza wa yena, Hikuva tintswalo ta yena hi leti nga heriki!

²³Kambe hi yena la hi tsundzukeke eku tsongahatiweni ka hina, Hikuva tintswalo ta yena hi leti nga heriki!

²⁴Kutani a hi lamulela eka valala va hina, Hikuva tintswalo ta yena hi leti nga heriki!

²⁵Wa ha ri yena la nyikaka swivumbiwa hinkwaswo swakudya swa swona, Hikuva tintswalo ta yena hi leti nga heriki!

²⁶Dzunisani Xikwembu xa matilo, Hikuva tintswalo ta yena hi leti nga heriki!