Read tsonga Tipisalema 140 Bible Online

Tipisalema 140 - tsonga bible

Tipisalema 140

¹Yehovha ndzi lamulele eka vanhu lavo biha! Ndzi lwele ka vanhu va tihanyi.

²Lava kanelaka swo biha etimbilwini ta vona, Va pfuxaka madzolonga hi masiku!

³Va karihisa tindzimi ta vona ku fana ni ta tinyoka, Vuxungu bya timhiri byi le hansi ka milomu ya vona.

⁴Yehovha, ndzi sirhelele emavokweni ya lavo biha! U ndzi lwela eka vanhu va tihanyi, Lava kanelaka ku wisa milenge ya mina!

⁵Vatikurisi va ndzi fihlele ntlhamu ni tingoti, Va rhiya vurimba ematlhelweni ya ndlela, Va ndzi rhiyile hi marindzi.

⁶Ndzi te eka Yehovha: “U Xikwembu xanga!” U yingisa rito ra mikhongelo ya mina!

⁷Yehovha, Hosi, u matimba ya ku hlayiseka ka mina! U lwela nhloko ya mina hi siku ra nyimpi.

⁸Yehovha, u nga nyiki lowo biha leswi a swi navelaka, U nga katekisi makungu ya yena, leswaku a nga tshuki a tikurisa.

⁹Lava ndzi rhendzelaka xikarhi A va weriwe etinhlokweni hi lunya ra milomu ya vona!

¹⁰Makala lama vavamelaka ma hlahlekele ehenhla ka vona! A va hoxiwe endzilweni ni le makheleni, leswaku va nga tlheli va pfuka!

¹¹Munhu wa mavunwa a nga ka a nga tiyi emisaveni; Kutani munhu wa tihanyi u ta kokelwa emakhombyeni, a lahleka.

¹²Ndza tiva leswaku Yehovha u lamulela vaxaniseki, U lulamisela vapfumari.

¹³Ina, lava lulameke va ta dzunisa vito ra wena, Vanhu vo lulama va ta tshama emahlweni ka wena.