Read tsonga Tipisalema 143 Bible Online

Tipisalema 143 - tsonga bible

Tipisalema 143

¹Yehovha, yingisa xikhongelo xa mina; U rhiya ndleve, u yingisa ku khongela ka mina! Ndzi hlamule hikwalaho ka vutshembeki bya wena, ni ku lulama ka wena.

²U nga tengisani na nandza wa wena! Hikuva a ku na munhu eka lava hanyaka, La nga kumiwaka a lulamile emahlweni ka wena.

³Nala u xanisa moya wa mina, U kandziyile vutomi bya mina ehansi; U ndzi susumetele emunyameni kukotisa lava feke khale.

⁴Moya wa mina wu ni gome endzeni ka mina, Kutani mbilu ya mina yi kanakaneka endzeni ka mina.

⁵Ndzi ehleketa mikarhi ya khale, Ndzi anakanya hinkwaswo leswi u swi endleke, Ndzi tsundzuka hinkwaswo leswi mavoko ya wena ma swi endleke.

⁶Ndzi tlakusa mavoko ya mina eka wena, Moya wanga wu ni torha hikwalaho ka wena, kukota misava leyi omeke.

⁷Yehovha, hatlisa u ndzi hlamula! Moya wa mina wa titivala. U nga tshuki u ndzi fihlela mombo wa wena, Leswaku ndzi nga fani ni vanhu lava xikelaka esirheni.

⁸Ndzi nantswise rito ra tintswalo ta wena wa ha ri mixo! Hikuva ndzi tshembile wena. Ndzi kombise ndlela leyi ndzi fanelaka ku famba ha yona! Hikuva ndzi tlhandlukisela moya wa mina eka wena.

⁹Yehovha, ndzi kutsule ka valala va mina! Ndzi chavela eka wena.

¹⁰Ndzi letele ku endla leswi rhandziwaka hi wena! Hikuva u Xikwembu xa mina. Moya wa wena lowa vunene a wu ndzi fambise endleleni ya ku lulama!

¹¹Yehovha, ndzi hanyise, hikwalaho ka vito ra wena! Hi ku lulama ka wena, humesa moya wa mina ekhombyeni.

¹²Hi tintswalo ta wena, lovisa valala va mina, Herisa hinkwavo lava xanisaka moya wa mina! Hikuva ndzi nandza wa wena.