Read tsonga Tipisalema 17 Bible Online

Tipisalema 17 - tsonga bible

Tipisalema 17

¹Yehovha! Yingisa ku lulama, u yingisela ku huwelela ka mina; U ndzi twa loko ndzi khongela hi nomu lowu nga riki na ku xisa!

²Ku lulama ka mina a ku humelele emahlweni ka wena, Mahlo ya wena a ma langute vunene bya mina!

³U kambile mbilu ya mina, u yi lavisise nivusiku; U ndzi ringile, kambe a ku kumanga nchumu: Ku anakanya ka mina a ku tluli rito ra mina.

⁴Loko ndzi anakanya mitirho ya vanhu hi rito ra wena, Ndzi ku, ndzi ta chava tindlela ta lava pfukelaka matimba.

⁵Milenge ya mina yi tiyile emitileni ya wena, Mikondzo ya mina a yi tsekatseki.

⁶Oho Xikwembu! Ndzi vitana ka wena, hikuva wa ndzi hlamula! Ndzi yingise hi tindleve ta wena, u yingisa rito ra mina!

⁷Kombisa tintswalo ta wena, wena la hlayisaka lava chavelaka ka wena; Hi voko ra xinene ra wena, u va lwela eka valala va vona.

⁸Ndzi hlayise kukota xanga ya tihlo, U ndzi fihla ehansi ka timpapa ta wena,

⁹Hikwalaho ka lavo biha lava ndzi pfukelaka matimba, Ni ka valala va mina lava ndzi rhendzelaka exikarhi hi ku wonga.

¹⁰Va tipfalela timbilu ta vona leti noneke, Hi milomu ya vona va vulavula hi ku tikurisa.

¹¹Va rhendzele ku famba ka hina exikarhi; Mahlo ya vona ma hiteka ku hi wisela ehansi.

¹²Va kotisa nghala leyi rhandzaka ku handzula, Ni xinghalana lexi etlelaka enceleni wa xona.

¹³Pfuka, Yehovha, u va rhangela emahlweni, u va wisa! U ponisa moya wa mina hi tlhari ra wena eka lavo homboloka;

¹⁴Hi voko ra wena, Oho Yehovha! U ndzi ponisa eka vanhu va misava leyi, Va ni ku averiwa ka vona evutomini lebyi; U tatile swifuva swa vona hi rifuwo ra wena; Vana va vona va xurhile, Kambe va siyela vatukulu va vona leswi salaka.

¹⁵Loko ndzi ri mina eku lulameni ka mina, ndzi ta hlalela mombo wa wena; Loko ndzi pfuka evurhongweni, ndzi ta xurha xivumbeko xa wena.