Read tsonga Tipisalema 20 Bible Online

Tipisalema 20 - tsonga bible

Tipisalema 20

¹Yehovha a a ku hlamule hi siku ra nhlomulo, Vito ra Xikwembu xa Yakobo, a ri ku sirhelele!

²A a ku rhumele ku pfuna ka yena loku humaka evukwetsimelweni, A ku nyika ku tiya a ri Siyoni!

³A a anakanye timhamba ta wena hinkwato, A va a amukela magandzelo ya wena!

⁴A a ku nyike leswi rhandziwaka hi mbilu ya wena, A hetisa ni makungu ya wena hinkwawo!

⁵Hi ta ba mikulungwana hikwalaho ka ku hlayiseka ka wena, Kutani hi tlakusa mujeko hi vito ra Xikwembu xa hina; Yehovha u ta ku nyika hinkwaswo leswi u swi kombelaka.

⁶Ni sweswi, ndza swi tiva leswaku Yehovha u hlayisa muhlawuriwa wa yena, U ta n'wi hlamula a ri ematilweni ya ku kwetsima ka yena, Hi mitirho ya ku lwela ka voko ra yena ra xinene.

⁷Van'wana va tidzunisa hi tigolonyi ta vona, van'wana hi tihanci; Kambe hina hi tidzunisa hi vito ra Yehovha, Xikwembu xa hina.

⁸Vona va oveka va wa ehansi, Kambe hina hi ta pfuka, hi yima hi tiya kona.

⁹Yehovha, hlayisa! Hosi a yi hi yingise siku hi huwelelaka eka yona!