Read tsonga Tipisalema 3 Bible Online

Tipisalema 3 - tsonga bible

Tipisalema 3

¹Oho Yehovha, lava nga valala eka mina va tele swonghasi! Lava ndzi pfukelaka matimba, va tele ngopfu!

²Va tele ngopfu lava nge ka moya wa mina: “A wu nga ha ri na ku hlayiseka eka Xikwembu!”

³Kambe wena Yehovha, u xitlhangu xa mina, U ku kwetsima ka mina ni loyi a yimisaka nhloko ya mina.

⁴Ndzi vitana eka Yehovha hi rito ra mina, Kutani u ndzi hlamula a ri entshaveni ya yena ya ku kwetsima.

⁵Ndza sivama, ndzi etlela, Ndzi tlhela ndzi pfuka, hikuva Yehovha wa ndzi tiyisa.

⁶A ndzi chavi vanhu va madzana ya madzana, Lava ndzi rhendzeleke hi matlhelo hinkwawo.

⁷Pfuka Yehovha! U ndzi ponisa, Xikwembu xanga! Hi wena la baka marhama ya valala va mina hinkwavo, U tshova meno ya lavo homboloka.

⁸Ku hlayiseka ku huma eka Yehovha; Ku kateka ka wena a ku ve ehenhla ka tiko ra wena.