Read tsonga Tipisalema 36 Bible Online

Tipisalema 36 - tsonga bible

Tipisalema 36

¹Timhaka to biha ti kona embilwini ya munhu lowo homboloka; Ku chava Xikwembu a ku kona emahlweni ya yena.

²Hikuva u tidzunisa a ri yena, Ku hetisa ku biha ka yena ni ku kombisa ku venga ka yena.

³Marito ya nomu wa yena i ku homboloka ni ku xisa; U tshikile vutlhari ni ku endla leswinene.

⁴U anakanya swo homboloka emasangwini ya yena. U famba hi ndlela leyi nga riki leyinene; A nga fularheli leswo biha.

⁵Yehovha! Tintswalo ta wena tifika ematilweni, Ku tshembeka ka wena ku fika emapapeni.

⁶Ku lulama ka wena ku fana ni tintshava ta Xikwembu; Ku avanyisa ka wena i xidziva lexikulu; Yehovha, u hlayisa vanhu ni swiharhi.

⁷Xikwembu, tintswalo ta wena ti rhandzeka swonghasi! Vana va vanhu va chavela endzhutini wa timpapa ta wena.

⁸Va xurha hi mafurha ya yindlu ya wena, Kutani u va nwisa enambyeni wa mati yo nandziha ya wena;

⁹Hikuva nseledyana ya vutomi yi na wena, Kutani eku vonakaleni ka wena hi vona ku vonakala.

¹⁰Engeta tintswalo ta wena eka lava ku tivaka, Ni ku lulama ka wena eka vanhu va timbilu to lulama!

¹¹Milenge ya lava tikurisaka yi nga tshuki yi ndzi fikela, Ni mavoko ya lavo biha ma nga tshuki ma ndzi hlongorisa!

¹²Vona, va wile ehansi lava endlaka swo biha; Va wisiwile, va nge swi koti ku pfuka.