Read tsonga Tipisalema 65 Bible Online

Tipisalema 65 - tsonga bible

Tipisalema 65

¹Oho Xikwembu! U ta dzunisiwa hi ku rhula eSiyoni, Ku hlambanya ku ta hetisiwa eka wena.

²Wena la yingisaka mikhongelo! Vanhu hinkwavo va ta ta eka wena!

³Ku tika ka swidyoho ku ndzi hlurile, Kambe wena u ta hi rivalela ku dyoha ka hina.

⁴Ku katekile loyi u n'wi hlawulaka, loyi u n'wi tshinetaka eka wena! U ta tiakela etihubyeni ta wena. Hi ta xurha hi rifuwo ra yindlu ya wena, Ni ku kwetsima ka tempele ya wena.

⁵U hi hlamula hi mitirho leyi chavisaka ya ku lulama ka wena, Xikwembu xa ku hlayiseka ka hina, Wena la nga ku tshemba ka matlhelo hinkwawo ya misava ni ya lwandle!

⁶U tiyisa tintshava hi matimba ya wena, Wena la ambaleke matimba;

⁷U miyeta ku pfuma ka malwandle, Ni ku pfuma ka magandlati ya wona, Ni pongo ra matiko.

⁸Lava akeke emakun'wini ya misava va chava mahlori ya wena; U tsakisa matlhelo ya le vuxeni ni le vupeladyambu.

⁹U endzela misava, u yi cheleta ngopfu, U yi nyika ndzalo leyikulu ngopfu; Xinambyana xa Xikwembu xi tala hi mati; U mirisa mavele loko u lunghisisa misava hi sweswo.

¹⁰U cheleta vurimo bya yona, u fayetela mabuwu ya yona, U yi olovisa hi timpfula, u katekisa mirombo ya mavele.

¹¹U tlhandleka lembe hi harhi ya rifuwo ra wena, Ni mafurha ma tshonela emitileni ya wena;

¹²Ma tshonela emabanyini ya le mananga, Kutani switsunga swi ambele ku tsaka;

¹³Vudyelo byi funengetiwa hi tinyimpfu, Ni mikova yi ambexiwa hi mavele; Swi huwelela hi ku tsaka, swi va swi yimbelela.