Read tsonga Tipisalema 86 Bible Online

Tipisalema 86 - tsonga bible

Tipisalema 86

¹Oho Yehovha rhiya ndleve, u ndzi yingisa! Hikuva ndzi le ku vavisekeni ni le vusiwaneni. Hlayisa moya wa mina, hikuva ndzi mutshembeki wa wena!

²Oho Xikwembu xanga, ponisa nandza wa wena la ku tshembaka!

³U ndzi twela vusiwana, oho Yehovha! Hikuva ndzi huwelela eka wena siku hinkwaro.

⁴U tsakisa moya wa nandza wa wena, Hikuva ndzi tlakusela moya wa mina eka wena, Yehovha.

⁵Hikuva wena, Yehovha, u lonene, la rivalelaka; Tintswalo ta wena ti tala eka lava ku khongelaka.

⁶Oho Yehovha, yingisa ku khongela ka mina, Yingisa rito ra ku huwelela ka mina!

⁷Ndza ku khongela hi siku ra mina, Hikuva wa ndzi yingisa.

⁸A ku na la ringanaka na wena exikarhi ka swikwembu, wee Yehovha, A ku na mitirho leyi fanaka ni ya wena.

⁹Matiko hinkwawo lawa u ma endleke ma ta ta, Ma ta ku khinsamela, wena Yehovha, Ma ta twarisa vito ra wena.

¹⁰Hikuva u lonkulu, u tirha masingita; U Xikwembu u le swa ku.

¹¹Oho Yehovha, ndzi dyondzise ndlela ya wena! Ndzi ta famba eku tshembekeni ka wena. Byisa mbilu yanga ku chava vito ra wena.

¹²Ndzi ta ku dzunisa hi mbilu hinkwayo ya mina, wee Hosi, Xikwembu xanga! Ndzi ta dzunisa vito ra wena hi masiku.

¹³Hikuva vunene bya wena eka mina, byikulu, U ponisile moya wa mina exivandleni xa vafi.

¹⁴Oho Xikwembu, vakanganyisi va ndzi pfukele, Vandla ra vanhu lava hlundzukaka va lava vutomi bya mina; Meehleketo ya vona a yi kongomi eka wena.

¹⁵Kambe wena, Yehovha, u Xikwembu lexi twelaka vusiwana, lexa tintswalo, La hlwelaka ku kariha, la teleke tintswalo ni vunene.

¹⁶Ndzi langute, u ndzi twela vusiwana; Nyika matimba eka nandza wa wena. U ponisa n'wana wa nandza wa wena wa wansati!

¹⁷U ndzi endlela xikombiso xa vunene bya wena! Leswaku lava ndzi vengaka va swi vona, va khomiwa hi tingana. Hikuva u ndzi pfunile, Yehovha, u va u ndzi chavelela.