Read tsonga Swivuriso 20 Bible Online

Swivuriso 20 - tsonga bible

Swivuriso 20

¹Vhinyo i musandzi, byalwa i pongo, Hinkwavo lava tinyiketaka ka swona a va na vutlhari.

²Vukari bya hosi byi kotisa ku dzumadzuma ka nghala, La yi karihelaka u dyohela moya wa yena.

³Ku tshika mitengo i ku tidzunisa ka munhu, Kambe xihunguki xin'wana ni xin'wana xi tinyiketa vukari.

⁴Lolo a ri rimi loko ku ri ni xirhami; Hi nkarhi wa ku tshovela ra kombela, kambe a ri na nchumu.

⁵Makungu embilwini ya munhu i xihlovo xa ku enta, Wa ku twisisa u tiva ku ya ka xona.

⁶Lava tivulaka vunene va tele, Kambe munhu la tshembekaka a nga kumiwa hi mani?

⁷Munhu wo lulama u famba eku lulameni ka yena, Ku katekile vana va yena lava n'wi landzaka.

⁸Hosi yi tshamisa exitshan'weni xa ku avanyisa, U hlela swo biha hinkwaswo hi ku languta ka yena.

⁹I mani la nga ta ku: “Ndzi tibasisile mbilu, Ndzi hlantswekile swo biha swa mina”?

¹⁰Maribye mambirhi ya ku pima lama hambaneke, ni tiefa timbirhi leti hambaneke I manyala eka Yehovha.

¹¹Swi tsandza ni wandzisanyana, u tiviwa hi ku endla ka yena Loko mafambele ya yena ma ta saseka ni ku lulama.

¹²Ndleve ya twa, ni tihlo ra vona, Yehovha u endlile vumbirhi bya swona.

¹³U nga rhandzi vurhongo, kumbexana u kumisiwa u pfumala, Hanyanya, u ta xurha swakudya.

¹⁴“Swi bihile! Swi bihile!” ku vula Muxavi; Kutani a tifambela, a tidzunisa.

¹⁵Nsuku wu kona, ni tidayimani leto tala, Kambe xa risima lerikulu i milomu leyi dyondzeke.

¹⁶N'wi tekeleni nguvu, hikuva u tibohile hi nandzu wa van'wana, N'wi rihiseni hikwalaho ka va le handle.

¹⁷Vuswa byo dyelela bya xawula eka munhu, Kambe ndzhaku, nomu wa yena wu tele maribye.

¹⁸Makungu ma tiyisiwa hi ku tsundzuxiwa, Hikwalaho u huma nyimpi u kanerile hi ku anakanya.

¹⁹Muhlevi u famba a hleva, a boxa swihundla; Chava ku tolovetana na loyi a dyelelaka hi nomu wa yena.

²⁰La rhukanaka tata wa yena ni mana wa yena, Rivoni ra yena ri ta timeka emunyameni lowukulu.

²¹Ndzhaka leyi kumiwaka hi ku dyoha eku sunguleni, Yi nga ka yi nga katekisiwi eku heleni.

²²U nga vuri: Ndzi ta tlherisela swo biha hi swo biha, Tshemba Yehovha, hi yena la nga ta ku ponisa.

²³Maribye mambirhi ya ku pima lama hambaneke i manyala eka Yehovha, Ni xikalo xa ku dyelela a hi xilo lexo lulama.

²⁴Milenge ya munhu yi lerisiwa hi Yehovha, Loko swi ri tano i mani munhu la twisisaka tindlela ta yena?

²⁵I xirimbana eka munhu ku hlawulela Yehovha xilo hi ku hatlisa, Ni ku kanakana loko a tibohile.

²⁶Hosi yo tlhariha yi hlela vadyohi, Yi va hula hi xihulo.

²⁷Moya wa munhu i rivoni ra Yehovha, Wu lavisisa leswi enteke ka yena.

²⁸Tintswalo ni ku tshembeka swi tiyisa hosi, Hi tintswalo yi ta tiyisa xitshamo xa yona.

²⁹Ku kwetsima ka lavantshwa i matimba ya vona, Vubombi bya swikoxa i misisi leyo basa.

³⁰Mipfembeti ni timbanga, i murhi wo hlantswa ku biha, Na kona ku biwa loku nghenaka emarhumbyini.