Read tsonga Swivuriso 5 Bible Online

Swivuriso 5 - tsonga bible

Swivuriso 5

¹N'wananga, yingisa vutlhari bya mina, U rhiyela tidyondzo ta mina ndleve,

²Leswaku u tihlayisela mano, Ni milomu ya wena yi hlayisa vutivi;

³Hikuva milomu ya nsati wa mbiri yi tshonisa vulombe, Malaka ya yena ya olova kukotisa mafurha;

⁴Kambe eku heteleleni, timhaka ta yena ti bava kukota nkaka, Ti tlhava kukotisa tlhari lero kariha ematlhelo mambirhi.

⁵Milenge ya yena yi ngirimela eku feni, Mikondzo ya yena yi helela exivandleni xa vafi.

⁶A nga anakanyi ndlela ya vutomi, Tindlela ta yena ta rhendzeleka, a nga tivi laha a yaka kona.

⁷Sweswi, vana vanga, ndzi yingiseni, Mi nga hambuki etimhakeni ta nomu wa mina.

⁸Ndlela ya wena a yi hundze ekule na yena, U nga tshineleli nyangwa ya yindlu ya yena,

⁹U nga ti nyika van'wana vuntshwa bya wena, Ni malembe ya wena eka munhu lowa lunya;

¹⁰Leswaku rixaka rin'wana ri nga ti xurha hi rifuwo ra wena, Mitirho leyi u yi hlengeleteke yi hundzela etindlwini ta lava nga tiviwiki;

¹¹Hikuva emakumo u ta dzumadzuma, Loko ku onhaka nyama ya miri wa wena,

¹²U ku: “Xana ndzi arisile ku yini ku layiwa? Mbilu ya mina yi andzele yini ku tshinyiwa?

¹³Xana a ndzi yingiselanga ha yini marito ya vadyondzisi va mina? Ni ku rhiya ndleve eka vafundhisi vanga?

¹⁴Yo! Ndzi lavile ku wela eku biheni loku tlurisaka, Exikarhi ka vunyingi bya nhlengeletano.”

¹⁵Nwana mati ya khele leri u ri celeke, Mati lama humaka exihlobyeni xa wena.

¹⁶Xana swihlovo swa wena swi nga hangalakisa ku yini erivaleni? Ni swinambyana swa wena swi nga khulukela emitsendzeleni xana?

¹⁷A ri ve rifuwo ra wena swaku, U nga hlengeli ni van'wana.

¹⁸Xihlovo xa wena a xi katekisiwe, U tsakela nsati wa vuntshwa bya wena.

¹⁹Mhunti leyi rhandzekaka, ntshembe ya ku saseka, Vumbhurhi bya yena a byi ku tsakise hi masiku, Rirhandzu ra yena a ri tate mbilu ya wena hi masiku.

²⁰N'wananga, u nga kokisiwa ku yini hi nsati wa mbiri? U nga tikhumbarhetisa ku yini exifuveni xa nghwavavana xana?

²¹Hikuva mafambele ya munhu ma le mahlweni ka Yehovha. Hi yena la tivaka mitila ya yena hinkwayo.

²²Muxisi u ta phasiwa hi ku biha ka yena, U ta bohiwa hi mapindza ya ku dyoha ka yena.

²³U ta fa hi ku ka a nga dyondzanga, U ta lahleka hi vukulu bya vuhunguki bya yena.