Read tsonga Risimu Ra Tinsimu 7 Bible Online

Risimu Ra Tinsimu 7 - tsonga bible

Risimu Ra Tinsimu 7

¹Tlhela, tlhela, wena Muxulama, Tlhela, tlhela leswaku hi ku languta. Mi langutela yini Muxulama Kukotisa mijato ya mitlawa mimbirhi?

²Milenge ya wena yi sasekile swonghasi etintanghwini ta wena, n'wana hosi! Swirhendzevutana swa ndzhumbi wa wena swi fana ni masindza, Lowu nga ntirho wa tintlhari.

³Nkava wa wena i ndzheko lowu sasekisiweke, Lowu teleke hi vhinyo leyo nandziha; Khwiri ra wena i nhulu ya koro Leyi rhendzeriweke hi makhon'wa.

⁴Mavele ya wena ma fana ni timhala letitsongo, Ma kotisa mahahla ya ntswele ya mbavala.

⁵Nhamu ya wena yi fana ni khokholo ra tino ra ndlopfu. Mahlo ya wena ma fana ni mativa ya le Hexiboni, Ekusuhi ni nyangwa ya Beta-Rabimi; Nhompfu ya wena yi fana ni khokholo ra Lebanoni, Leri langutaka tlhelo ra Damaska.

⁶Nhloko ya wena yi tlakukile ku fana na Karmele, Misisi ya nhloko ya wena yi fana ni xivunguvungu; Hosi yi phasiwile hi mihoro ya yona.

⁷U sasekile swonghasi, u rhandzeka ngopfu, Oho murhandziwa wanga! Exikarhi ka mitsakiso!

⁸Xiyimo xa wena xi fana ni xa ncindzu, Ni mavele ya wena ma fana ni swichocho swa wona.

⁹A ndzi ku: Ndzi ta khandziya murhi wa ncindzu, Ndzi ta khoma marhavi ya wona! Mavele ya wena a ma ve tani hi swidzumba swa vhinya, Ni ku nun'hwela ka ku hefemula ka wena, tani hi ku nun'hwela ka maapula!

¹⁰Nomu wa wena a wu fane ni vhinyo leyo nandziha, Leyi lulamelaka murhandziwa wa mina, Leyi rhetemukaka emilon'wini ya lava khudzihelaka!

¹¹Ndzi wa murhandziwa wa mina, Kutani ku navela ka yena ka ndzi kongoma.

¹²Tana, murhandziwa wa mina a hi hume hi ya emasin'wini, Hi ya tshama nivusiku emitini!

¹³Ni mixo hi ta ya etivhinyeni, Hi ta vona vhinya loko yi hlukile, ni loko yi balekile swiluva, Hi vona mirhi ya girenada loko yi baleke swiluva. Hi kona ndzi nga ta ku nyika rirhandzu ra mina.

¹⁴Mirhi ya mandragora yi hangalasa ku nun'hwela ka wona. Kambe etinyangweni ta hina hi ni mihandzu hinkwayo leyo nandziha, Leyintshwa ni leya khale. Ndzi ku hlayisele yona, murhandziwa wanga.