Read tsonga Esaya 4 Bible Online

Esaya 4 - tsonga bible

Esaya 4

¹Kutani hi siku rero vavasati va ntlhanu na vambirhi va ta tikhomelela eka nuna un'we va ta ku eka yena: Hi ta dya vuswa bya hina, hi ta ambala tinguvu ta hina, ntsena hi rhandza ku thyiwa hi vito ra wena, susa ku soriwa ka hina.

²Hi siku rero hluke ra Yehovha ri ta endla xibombiso ni ku kwetsima ka lava poneke Vaisraele, kutani mihandzu ya misava yi ta vangamisa ni ku bombisa vona.

³Kutani un'wana ni un'wana wa lava siyiweke eSiyoni, ni lava seleke eYerusalema, va ta vuriwa vakwetsimi, va nga hinkwavo lava tsariweke ebukwini ya lava hanyaka eYerusalema.

⁴Kutakuloko Hosi yi hlantswile thyaka ra vanhwana va Siyoni, kutani a susile ngati leyi nga exikarhi ka Yerusalema, hi moya wa ku avanyisa ni moya wa ku lovisa,

⁵kavaloko empfhukeni hinkwawo wa ntshava ya Siyoni, ni le henhla ka nhlengeletano ya yena, Yehovha u ta humelerisa papa ni musi ninhlekanhi, hi ku vangama ka malangavi ya ndzilo nivusiku.

⁶Hikuva xisirhelo xi ta funengeta ku vangama hinkwako; kutani ku ta va ni ntsonga lowu sirhelelaka ku hisa ka dyambu ninhlekanhi ni xichavelo ni xisirhelo eka xidzedze ni mpfula.