Read tsonga Yeremiya 15 Bible Online

Yeremiya 15 - tsonga bible

Yeremiya 15

¹Kambe Yehovha a ku eka mina: “Hambiloko Muxe na Samiele va nga yima emahlweni ka mina, mbilu ya mina a yi nga tlheri eka tiko leri. U ri hlongola emahlweni ka mina, ri suka.

²Kambe, kutakuloko va ku eka wena: ‘Xana hi ta ya kwihi?’ U va hlamula, u ku: ‘Yehovha u vula a ku: Lava lulameriwaka hi rifu a va ye eku feni, lava lulameriwaka hi tlhari, etlharini; lava lulameriwaka hi ndlala, endlaleni; ni lava lulameriwaka hi vukhumbi, evukhumbini.’

³Ndzi ta veka eka vona makhombo ya tinxaka ta mune, ku vula Yehovha: ri ta va tlhari leri dlayaka, ni timbyana leti handzulaka ni makoti ya tilo, ni swivandzana swa matiko ku dya ni ku onha.

⁴Ndzi ta va nyiketa eku xanisekeni eku fumeni hinkwako ka misava, hikwalaho ka Manase, n'wana Hezekiya hosi ya Yuda, ni hikwalaho ka lexi a xi endleke eYerusalema.

⁵“Hikuva i mani la nga ku tsetselelaka, wee Yerusalema? Kumbe i mani la nga ku twelaka vusiwana, kumbe i mani la nga hambukelaka ku vutisa ta ku rhula ka wena xana?

⁶U ndzi sukerile, ku vula Yehovha, kutani u tlherile hi le ndzhaku; hikwalaho ndzi tshalambuteke voko ra mina ehenhla ka wena, leswaku ndzi ku herisa: ndzi karhele ku ku tsetselela.

⁷Ndzi ta va hlunguhla hi xihlungulo etinyangweni ta misava; ndzi dlaya lavantshwa va tiko ra mina, na rona ndza ri lovisa, hikuva a va tisori emikhuveni ya vona.

⁸Tinoni ta vona ti tlula sava ra lwandle, emahlweni ka mina. Ndzi tisile ku ta lwa na vona, ku ta lwa ni mana wa lavantshwa, e muonhi la onhaka ninhlekanhi; ndzi va wisele ehenhla hi xipuku, eku rhurhumela ni ku tsekatseka.

⁹La velekeke vana va ntlhamu na vambirhi u karhele; u kusuhi ni ku fa; a peleriwa hi dyambu ra yena wa ha ri nhlekanhi, u khomisiwe tingana, u ni gome; kambe nsalo wa vona, ndzi ta va nyika fumu emahlweni ka lava nga valala eka vona,” ku vula Yehovha.

¹⁰Ndzi ni khombo mina, wee manana, hikuva u ndzi velekile, ndzi ri munhu wa timholovo ni wa mitengo eka tiko leri hinkwaro! A ndzi si lomba nchumu, kambe a ndzi si lombiwa; hambiswiritano, va ndzi rhukana hinkwavo!

¹¹Yehovha a ku: “Hakunene ndzi ta ku tumbuluxela vunene, ndzi ta endla leswaku valala va ta ku khongela hi siku ra khombo ni siku ra ku xaniseka.

¹²“Xana nhumbu yi nga tshova nhumbu leyi humaka en'walungwini, na yona koporo xana?

¹³Swilo swa wena ni rifuwo ra wena, ndzi ta swi nyiketa leswaku swi tekiwa, swi nga vi na nxavo, kambe ku va hikwalaho ka ku biha ka wena hinkwako emindzilekaneni ya wena hinkwayo.

¹⁴Kambe ndzi ta va heta kun'we ni lava nga valala va wena etikweni leri u nga ri tiviki, hikuva ndzilo wu pfurhile eku kariheni ka mina, wu mi pfurhelile.”

¹⁵Kambe wena Yehovha, u tiva hinkwaswo, u ri karhi u ndzi anakanya, u ndzi hitekela, kambe u ndzi rihisela eka lava ndzi xanisaka. Eku yingiseleni lokukulu ka wena, u nga tshuki u ndzi susa, wanga anakanya leswaku ndzi sandziwa hikwalaho ka wena.

¹⁶Hikuva marito ya wena, loko ma ndzi kuma, ndzi tidyela wona, hikuva marito ya wena i ku rhula ni ku tsaka ka mbilu ya mina; hikuva ku khongeriwile vito ra wena ehenhla ka mina, wee Yehovha Xikwembu xa tinyimpi!

¹⁷A ndzi tshamangi exikarhi ka vasandzi leswaku ndzi ya titsakela kona; kambe a ndzi tshama ndzi ri swanga hikwalaho ka voko ra wena leri ndzi khomeke, hikuva u ndzi tatile hi vukari.

¹⁸Kambe ku vaviseka ka mina ku kona hilaha ku nga heriki, ni mbanga ya mina a yi ongoriwi ha yini xana? Yi alela yini ku hola? Xana eka mina u ta va xihlovo lexi kanganyisaka, kumbe mati lama phyeke xana?

¹⁹Hikwalaho Yehovha u vula, a ku: “Loko u tlhelela eka mina, hilaha ndzi nga ta ku vuyisa, u ta yima emahlweni ka mina; kambe loko u hlawula leswi lulameke eka leswo biha, u ta fana ni nomu wa mina. Va ta tlhelela eka wena, kambe wena, u nga tshuki u tlhelela eka vona.

²⁰Kambe wena ndzi ta ku endla etikweni leri leswaku u va rirhangu ra koporo lero tiya. Va ta ku pfuka, kambe va nga ka va nga ku hluri, hikuva ndzi ta va na wena ku ku ponisa ni ku ku sirheleta,” ku vula Yehovha.

²¹“Ndzi ta tshama ndzi ku lamulela emavokweni ya lavo biha, kutani ndzi ta ku kutsula emavokweni ya tinhenha.”