Read tsonga Swirilo 5 Bible Online

Swirilo 5 - tsonga bible

Swirilo 5

¹Tsundzuka, wena Yehovha, leswi hi humeleriweke hi swona, Kutani u vona xisandzu xa hina.

²Ndzhaka ya hina yi yile eka vamatiko, Ni tindlu ta hina eka lava nga ehandle.

³Hi endliwile swisiwana leswi nga hava tatana; Vamana wa hina va fana ni tinoni.

⁴Hi nwile mati ya hina hi ku xava hi mali; Tihunyi ta hina hi ti kuma hi ku xava.

⁵Va hi tsutsumele hi ri karhi hi rhwele hi tinhamu ta hina; Hi karhele, kambe a hi kumi ku wisa.

⁶Hi tshambulute mavoko eka Vaegipta ni ka Vaaxuru Ku xurha hi vuswa.

⁷Vatata wa hina va dyohile, kutani a va ha ri kona, Kutani hina hi rhwala makhombo ya ku dyoha ka vona.

⁸Hi fumiwa hi makhumbi; Ku hava loyi a hi lwelaka emavokweni ya vona.

⁹Hi rholela vuswa bya hina hi ku tiveka ehansi ka rifu, Emahlweni ka tlhari ra le mananga.

¹⁰Nhlonge ya hina yi hisa kukota xitiko Hi vukari bya ndlala.

¹¹Va onhile vavasati va le Siyoni, Ni vanhwanyana emitini ya ka Yuda.

¹²Tihosi tin'wana ti hayekiwile hi mavoko ya tona; Mimombo ya vakulukumba a yi xiximiwanga.

¹³Majaha ma byarisiwile maribye yo sila, Lavantshwa va wele ehansi ka mirhwalo ya tihunyi.

¹⁴Lavakulu va lan'wile tihuvo, Ni majaha ma tshikile magubu ya wona.

¹⁵Ku tsaka ka timbilu ta hina ku herile; Ku cina ka hina ku hundzukile nkosi,

¹⁶Misingasoro yi wile etinhlokweni ta hina; Hi ni khombo hina, hikuva hi dyohile!

¹⁷Timbilu ta hina ta hela hikwalaho ka sweswo, Ni mahlo ya hina a ma ha voni,

¹⁸Hikuva ntshava ya Siyoni yi onhakile, Kutani timhungubye ti tifambela ehenhla ka yona.

¹⁹Wena, Yehovha u fuma hilaha ku nga heriki, Xiluvelo xa wena xi kona hi masiku ni le mikarhini hinkwayo.

²⁰Xana u nga hi rivala hilaha ku nga heriki? Xana u nga hi lan'wa hi malembe ya ku tala xana?

²¹U hi hundzuluxela eka wena Yehovha, hi ta tlhela hi vuya; Endla leswaku masiku ya hina ma va lamantshwa, tanihi le ku sunguleni.

²²Xana u hi tshikele makumu xana? Xana u hi hlunamele ku tlurisisa xana?