Read tsonga Amosi 1 Bible Online

Amosi 1 - tsonga bible

Amosi 1

¹Hi wona marito ya Amosi, un'wana wa varisi va le Tekowa, ti nga timhaka leti a ti voneke hikwalaho ka Israele emikarhini ya Uziya, hosi ya Yuda, ni le mikarhini ya Yerobuwamu, n'wana Yowasi, hosi ya Israele, loko ku ta hundza malembe mambirhi ku ta va ni ku tsekatseka ka misava.

²A ku: “Yehovha u ta dzumadzuma le Siyoni, a tlakusa rito ra yena a ri Yerusalema, madyelo ya varisi ma ta va ni tingana, ni nhlohlorhi ya Karmele yi ta oma.”

³Yehovha u ri: “Hikwalaho ka milandzu minharhu, kumbe ya mune ya Damaska, ndzi nga ka ndzi nga hundzuki, hikuva va kandziyile Giliyadi hi swileyi leswi tlhavaka swa tinsimbhi,

⁴ndzi ta hoxa ndzilo endlwini ya Hazaele, wu ta hisa ni tindlu ta vukosi ta Bene-Hadada.

⁵Ndzi ta tshova tinghole ta Damaska, ndzi herisa lava akeke erivaleni ra Avene, ni la tamelaka nhonga ya vuhosi eBet-Edeni; kutani vanhu va Siriya va ta yisiwa evukhumbini eKiri,” ku vula Yehovha.

⁶Yehovha u ri: “Hikwalaho ka milandzu minharhu, kumbe ya mune ya Gaza â€” ndzi nga ka ndzi nga hundzuki, hikuva va fambile ni makhumbi layo tala ku va nyiketa Vaedomu,

⁷ndzi ta hoxa ndzilo exikarhi ka rihlampfu ra Gaza, wu ta hisa tindlu ta kona ta vukosi.

⁸Ndzi ta herisa lava akeke eAxidodo, ni la tamelaka nhonga ya vuhosi le Axikeloni. Ndzi ta tlhela ndzi tshambuluta voko ra mina ehenhla ka Ekroni, kutani Vafilista lava seleke va ta hela,” ku vula Yehovha Xikwembu.

⁹Yehovha u ri: “Hikwalaho ka milandzu minharhu, kumbe ya mune ya Tiri ndzi nga ka ndzi nga hundzuki, hikuva va nyiketile Edomu makhumbi layo tala, va nga anakanyi xinakulobye xa vuxaka,

¹⁰ndzi ta hoxa ndzilo exikarhi ka rihlampfu ra Tiri, wu ta hisa tindlu ta kona ta vukosi.”

¹¹Yehovha u ri: “Hikwalaho ka milandzu minharhu, kumbe ya mune ya Edomu â€” ndzi nga ka ndzi nga hundzuki, hikuva u hlongorile makwavo hi tlhari, a cukumeta tintswalo hinkwato, vukari bya yena byi nga tshiki ku handzula, kambe a hlayisa vukari bya yena hi masiku,

¹²ndzi ta hoxa ndzilo, le Temani, wu ta hisa tindlu ta vukosi ta Bosira.”

¹³Yehovha u ri: “Hikwalaho ka milandzu minharhu, kumbe ya mune ya vana va Amoni â€” ndzi nga ka ndzi nga hundzuki, hikuva va handzule makhwiri ya vavasati lava tikeke va Giliyadi leswaku va kurisa tiko ra vona,

¹⁴ndzi ta lumeka ndzilo exikarhi ka rihlampfu ra Rhaba, wu ta hisa tindlu ta kona ta vukosi exikarhi ka nkosi esikwini ra nyimpi, exikarhi ka mheho esikwini ra xidzedze.

¹⁵Hosi ya vona yi ta ya evukhumbini swin'we ni tindhuna ta yona,” ku vula Yehovha.