Read tsonga Yonasi 2 Bible Online

Yonasi 2 - tsonga bible

Yonasi 2

¹Kutani Yehovha a rhuma nhlampfi leyikulu ku mita Yonasi;

²kutani Yonasi a tshama ekhwirini ra nhlampfi masiku manharhu ni vusiku byinharhu. Kutani Yonasi a khongela Yehovha, Xikwembu xa yena, a ri ekhwirini ra nhlampfi,

³a ku: “Ndzi huwelele eka Yehovha enhlomulweni wa mina, kutani u ndzi yingisile, ndzi huwelele ndzi ri ekhwirini ra xivandla xa vafi, kambe u yingisile rito ra mina.

⁴U ndzi cukumetile exidziveni, embilwini ya malwandle nambu wu ndzi rhendzele; mavimbi hinkwawo ya wena ni magandlati ya wena ma ndzi hundzele ehenhla.

⁵Mina a ndzi ku: ‘Ndzi hlongoriwe ekule ni mahlo ya wena; kambe ndzi ta tlhela ndzi vona tempele ya ku kwetsima ka wena!’

⁶Mati ma ndzi rhendzele, ma fika ni le moyeni wa mina; a ndzi tsondzeriwa hi xidziva; mabyanyi ya lwandle ma damarele nhloko ya mina.

⁷A ndzi xikile ku ya fika etimitswini ta tintshava; misava yi ndzi pfalerile makumu hi mipfungura ya yona kambe wena Yehovha, Xikwembu xa mina u ta tsavula vutomi bya mina esirheni!

⁸Kakuloko moya wa mina wu hlala endzeni ka mina ndzi tlhela ndzi ehleketa Yehovha, kutani ku khongela ka mina ku fikile eka wena, etempeleni ya ku kwetsima ka wena.

⁹Lava tinyiketaka eka leswa hava, va titsonela tintswalo.

¹⁰Kambe mina ndzi ta ku tisela mhamba ya mina, ndzi vula ku dzuneka ka wena; ndzi va ndzi hetisisa leswi ndzi swi hlambanyeke. Ku hlayiseka ku huma eka Yehovha.”

¹¹Kavaloko Yehovha a lerisa nhlampfi, kutani yi ya hlanta Yonasi laha ku omeke.