Read tsonga Tinhlayo 33 Bible Online

Tinhlayo 33 - tsonga bible

Tinhlayo 33

¹Hi yona mimpfhuka ya vana va Israele lava humeke etikweni ra Egipta, hi mavandla ya vona, va ri karhi va fambisiwa hi Muxe na Aroni.

²Muxe a tsala mimpfhuka ya vona, hi magovela ya vona, hi ku lerisa ka Yehovha; kutani hi leyi mimpfhuka ya vona hilaha va fambeke hakona.

³Va suka eRamsese hi n'hweti yo sungula, hi siku ra 15 ra n'hweti yo sungula. Siku leri tlhandlamaka Paseka, vana va Israele va huma va hlomile emahlweni ka tiko ra Egipta hinkwaro.

⁴Vaegipta a va ri karhi va lahla lava Yehovha a va dlayeke exikarhi ka vona, ma ri mativula hinkwawo; hikuva Yehovha a avanyisile na swona swikwembu swa vona.

⁵Kutani vana va Israele va suka eRamsese, va ya gova eSukoti.

⁶Va suka eSukoti, va ya gova eEtamu, lowu nga endzilakaneni wa mananga.

⁷Va suka eEtamu, va tlhelela ePi-Hahiroto lowu langutaneke na Baala-Sefoni, va ya gova ekusuhi na Migidolo;

⁸va suka emahlweni ka Hahiroto, va hundza exikarhi ka lwandle, tlhelo ra mananga, kutani va famba masiku manharhu emananga ya Etamu, va ya gova eMara.

⁹Va suka eMara, va ya fika eElimi; a ku ri ni swihlovo swa 12 eElimi, ni mimpfun'wana ya 70, kutani va gova kona.

¹⁰Va suka eElimi, va ya gova ekusuhi ni Lwandle ro Tshwuka.

¹¹Va suka eLwandle-ro-Tshwuka, va ya gova emananga ya Sina;

¹²va suka emananga ya Sina, va ya gova eDofika;

¹³va suka eDofika, va ya gova eAluxi;

¹⁴va suka eAluxi, va ya gova eRefidimi, laha ku nga riki na mati ya ku nwisa tiko;

¹⁵va suka eRefidimi, va ya gova emananga ya Sinayi.

¹⁶Va suka emananga ya Sinayi, va ya gova eKibroti-Hatavha;

¹⁷va suka eKibroti-Hatavha, va ya gova eHaseroti;

¹⁸va suka eHaseroti, va ya gova eRitima;

¹⁹va suka eRitima, va ya gova eRimoni-Perese,

²⁰va suka eRimoni-Perese, va ya gova eLibina;

²¹va suka eLibina, va ya gova eRisa;

²²va suka eRisa, va ya gova eKehelata;

²³va suka eKehelata, va ya gova entshaveni ya Xefere;

²⁴va suka entshaveni ya Xefere, va ya gova eHarada,

²⁵va suka eHarada, va ya gova eMakeloto;

²⁶va suka eMakeloto, va ya gova eTahata;

²⁷va suka eTahata, va ya gova eTera;

²⁸va suka eTera, va ya gova eMiteka;

²⁹va suka eMiteka, va ya gova eHaximona;

³⁰va suka eHaximona, va ya gova eMaseroto;

³¹va suka eMaseroto, va ya gova eBene-Yakani;

³²va suka eBene-Yakani, va ya gova ebakweni ra Gidigada;

³³va suka ebakweni ra Gidigada, va ya gova eYotibata;

³⁴va suka eYotibata, va ya gova eAbrona;

³⁵va suka eAbrona, va ya gova eEsiyoni-Gebere;

³⁶va suka eEsiyoni-Gebere, va ya gova emananga ya Sini (i Kadexe);

³⁷va suka eKadexe, va ya gova entshaveni ya Hori, endzilakaneni wa Edomu.

³⁸Kutani Aroni, muprista, a tlhandlukela entshaveni ya Hori, hi ku lerisa ka Yehovha, kutani a fa kona, hi lembe ra 40 ra ku huma ka vana va Israele etikweni ra Egipta, hi n'hweti ya vuntlhanu, hi siku ro sungula ra n'hweti.

³⁹Aroni a a ri ni malembe va 123, loko a fa entshaveni ya Hori.

⁴⁰Mukanana, hosi ya Aradi, la akeke edzongeni ka tiko ra Kanana, a twa leswaku vana va Israele va ta;

⁴¹kutani va suka entshaveni ya Hori, va ya gova eSalimona,

⁴²va suka eSalimona, va ya gova ePunono;

⁴³va suka ePunono, va ya gova eOboto;

⁴⁴va suka eOboto, va ya gova erhumbini ra Abarimi, endzilakaneni wa Mowabu;

⁴⁵va suka erhumbini ra Abarimi, va ya gova eDiboni-Gadi;

⁴⁶va suka eDiboni-Gadi, va ya gova eAlimoni-Diblatayimi:

⁴⁷va suka eAlimoni-Diblatayimi, va ya gova etintshaveni ta Abarimi, va langutene na Nebo;

⁴⁸va suka etintshaveni ta Abarimi, va ya gova erivaleni ra Mowabu, kusuhi na Yordani na Yeriko:

⁴⁹va gova ekusuhi na Yordani, ku suka eBeta-Yeximoto ku fika eAvele-Xitimi, erivaleni ra Mowabu.

⁵⁰Kutani Yehovha a byela Muxe erivaleni ra Mowabu, ekusuhi na Yordani na Yeriko, a ku:

⁵¹“Byela vana va Israele, u ku eka vona; kutakuloko mi nghenile etikweni ra Kanana, mi perile Yordani,

⁵²mi ta hlongola emahlweni ka n'wina vaaki hinkwavo va tiko, mi onha swifaniso hinkwaswo swa vona, mi heta swifaniso hinkwaswo swa vona leswi chuluriweke; mi hlanhla swivandla swa vona hinkwaswo leswi tlakukeke.

⁵³Mi ta teka tiko, mi aka kona, hikuva ndzi mi nyikile tiko ku ri fuma.

⁵⁴Mi ta avanyisa tiko hi vuhlolotwana, hi tinyimba ta n'wina: mi nyika ndzhaka leyikulu eka lava taleke; eka lava nga talangiki, mi va nyika ndzhaka leyitsongo. Un'wana ni un'wana u ta fuma lexi a nga ta averiwa xona hi vuhlolotwana, mi ta amukela ndzhaka ya n'wina hi tinyimba ta vatata wa n'wina.

⁵⁵Kambe loko mi nga hlongoli emahlweni ka n'wina vaaki va tiko, lava mi nga ta va tshika exikarhi ka n'wina, va ta va kukotisa mitwa emahlweni ya n'wina, ni risungunhu ematsheveni ya n'wina va ta mi endla valala va vona etikweni leri mi nga ta aka eka rona.

⁵⁶Kutani leswi ndzi tiyiseke ku swi endla eka vona, ndzi ta swi endla eka n'wina.”