Read tsonga Yoxuwa 19 Bible Online

Yoxuwa 19 - tsonga bible

Yoxuwa 19

¹Ku averiwa ka vumbirhi ku humeseriwa Simiyoni, nyimba ya vana va Simiyoni, hi tindlu ta vona: ndzhaka ya vona yi ve exikarhi ka ndzhaka ya vana va Yuda.

²Endzhakeni ya vona a va ri na Berexeba, Xeba, Molada;

³Hasari-Xuwala, Bala, Esemu;

⁴Elitolada, Betuli, Horma;

⁵Sikilaga, Beta-Marikaboto, Hasari-Susa;

⁶Beta-Lebawoto; Xaruheni; miti ya 13 ni swimitana swa yona;

⁷Ayini, Rimoni, Etere, Axani: miti ya mune ni swimitana swa yona; ni swimitana hinkwaswo leswi rhendzelaka miti leyi ku fika

⁸eBaalata-Bere, lowu nga Rhama wa le dzongeni. Hi yona ndzhaka ya nyimba ya vana va Simiyoni, hi tindlu ta vona.

⁹Ndzhaka ya vana va Simiyoni yi humesiwile etikweni ra vana va Yuda, hikuva ku averiwa ka vana va Yuda a ku ri lokukulu ku tlurisa vona; hikwalaho vana va Simiyoni va kumile ndzhaka ya vona exikarhi ka ndzhaka ya Yuda.

¹⁰Ku averiwa ka vunharhu ku humeseriwa vana va Zebuloni, hi tindlu ta vona. Ndzilakana wa ndzhaka ya vona wu ya fika eSaridi.

¹¹Wu khandziya vupeladyambu etlhelweni ra Mariyala, wu fika eDabexeti ni xinambyana lexi langutaneke na Yokineyama.

¹²Kutani wu suka eSaridi, wu tlhela evuxeni, eku humeni ka dyambu, endzilakaneni wa Kisiloti-Taboro, wu huma etlhelweni ra Daberata, kutani wu khandziya Yafiya;

¹³wu suka kona, kutani wu hundza evuxeni, eGati-Hefere na Eti-Kasini kutani wu huma eRimoni, wu ya fika eNeya;

¹⁴ndzilakana wu rhendzeleka en'walungwini hitlhelo ra Hanatoni, kutani wu ya hela enkoveni wa Yifita-Eli.

¹⁵Kambe a ku ri na Katati, Nahalala, Ximroni, Yidala na Betlehema: miti ya 16 ni swimitana swa yona.

¹⁶Hi yona ndzhaka ya vana va Zebuloni, hi tindlu ta vona: miti yoleyo ni swimitana swa yona.

¹⁷Ku averiwa ka vumune ku humeseriwa vana va Isakara, hi tindlu ta vona.

¹⁸Ndzilakana wa vona a wu ri Yizriele, Kesuloto, Xuneme;

¹⁹Hafarayimi, Xiyoni, Anaharati;

²⁰Rabiti, Kixiyoni, Ebeze;

²¹Remete, Eni-Ganimi, Eni-Hada na Beta-Pasese;

²²ndzilakana wu fika eTaboro eXahasuma na Beta-Xemexe; kutani wu ya fika eYordani: miti ya 16 ni swimitana swa yona.

²³Hi yona ndzhaka ya nyimba ya vana va Isakara, hi tindlu ta vona: yi ri miti yoleyo ni swimitana swa yona.

²⁴Ku averiwa ka vuntlhanu ku humeseriwa nyimba ya vana va Asere, hi tindlu ta vona.

²⁵Ndzilakana wa vona wu va Helikati, Hali, Beteni, Akixafa;

²⁶Alameleke, Amadi na Mixala; wu ya fika eKarmele evupeladyambu na Xihoro-Libinata;

²⁷kutani wu tlhela evuxeni, ekusuhi na Beta-Dagoni wu fika eZebuloni ni le nkoveni wa Yifita-Eli, en'walungwini ka Beta-Emeke na Neyiele, kutani wu huma ekusuhi na Kabulu en'walungwini,

²⁸ni le kusuhi na Ebrona, na Rehobo, na Hamoni na Kana, ku fika eSidoni lowukulu;

²⁹ndzilakana wu tlhela eRhama, wu ya fika emutini wa khokholo wa Tiri; kutani ndzilakana wu tlhela eHosa, wu ya hela elwandle, ku suka eMahalabu, ku fika eAkizibi.

³⁰Va nyikiwa na Uma, Afeke na Rehobo: miti ya 22 ni swimitana swa yona.

³¹Hi yona ndzhaka ya nyimba ya vana va Asere, hi tindlu ta vona: miti yoleyo ni swimitana swa yona.

³²Ku averiwa kantlhanu na kan'we ku humeseriwa vana va Neftali, hi tindlu ta vona.

³³Ndzilakana wa vona wu suka eHelefa, enkuhlwini ekusuhi na Saananimi, wu hundza eAdaminekeba, ni le Yabinele, ku fika eLakumi kutani wu ya hela eYordani.

³⁴Ndzilakana wu tlhela evupeladyambu eAzinoto-Tabori, wu humela eHukoko, wu fika eZebuloni edzongeni, wu fika eka Asere evupeladyambu, ni le ka Yuda eYordani, evuxeni.

³⁵Va kuma ni miti ya makhokholo: Sidimi, na Sere, na Hamata, na Rakata, na Kinereta;

³⁶na Adama, na Rhama, na Hasoro;

³⁷Kedexe, na Edreyi, na Eni-Hasori;

³⁸na Yironi, na Migidali-Ele, na Horeme, na Beta-Anati, na Beta-Xemexe; miti ya 19 ni swimitana swa yona.

³⁹Hi yona ndzhaka ya nyimba ya vana va Neftali, hi tindlu ta vona; miti yoleyo ni swimitana swa yona.

⁴⁰Ku averiwa kantlhanu ni kambirhi ku humeseriwa nyimba ya vana va Dani, hi tindlu ta vona.

⁴¹Ndzilakana wa ndzhaka ya vona a wu ri Sora; na Exitawulu, na Yiri-Xemexe;

⁴²na Xaalabini, na Ayaloni, na Yitila;

⁴³na Elone, na Timina, na Ekroni;

⁴⁴na Eliteke, na Gibetoni, na Baalata;

⁴⁵Yehudi, na Bene-Beraka, na Gati-Rimoni;

⁴⁶na Me-Yarikona, na Rakoni, ni tikwanyana emahlweni ka Yopa.

⁴⁷Ndzilakana wa vana va Dani wu hume ehandle ka rikwavo, hikuva vana va Dani va humile va ya hlasela Lexeme, va wu teka, va wu heta hi vukari bya tlhari, kutani wu va wa vona, va aka kona; kavaloko va thya Lexeme Dani, hi vito ra Dani, tata wa vona.

⁴⁸Hi yona ndzhaka ya nyimba ya vana va Dani, hi tindlu ta vona; miti voleyo ni swimitana swa yona.

⁴⁹Kuteloko va hetile ku avanyisa tiko hi mindzilekana ya rona, vana va Israele va nyika Yoxuwa, n'wana Nuni, ndzhaka exikarhi ka vona.

⁵⁰Hi ku lerisa ka Yehovha, va n'wi nyika muti lowu a wu kombeleke, eTiminata-Sera, entshaveni ya Efrayimi; a aka muti, kutani a tshama eka wona.

⁵¹Hi tona tindzhaka leti averiweke hi Eliyazara, muprista, na Yoxuwa, n'wana Nuni, ni tihosi ta vatata va tinyimba ta vana va Israele, hi vuhlolotwana, eXilo, emahlweni ka Yehovha, enyangweni ya tabernakela ya nhlengeletano; kutani va heta ku avanyisa tiko.