Read tsonga Yoxuwa 21 Bible Online

Yoxuwa 21 - tsonga bible

Yoxuwa 21

¹Tindhuna ta tindlu ta Valevhi ti tshinelela muprista Eliyazara, na Yoxuwa, n'wana Nuni, ni tindhuna ta tindlu ta tinyimba ta vana va Israele,

²kutani ti vulavula na vona eXilo, etikweni ra Kanana, ti ku: “Yehovha u lerisile hi Muxe leswaku hi nyikiwa miti ya ku aka kona, ni matikwana va yona ya swifuwo swa hina.”

³Kavaloko vana va Israele va nyika Valevhi hi ku lerisa ka Yehovha, miti leyi ni matikwana ya yona, va ma pambula endzhakeni ya vona.

⁴Ku huma tindlu ta va Kohata hi vuhlolotwana; kutani vana va muprista Aroni va Valevhi, va kuma hi vuhlolotwana miti ya 13, Yi ri ya nyimba ya Yuda, ni ya nyimba ya Simiyoni, ni ya rixaka ya Benjamini.

⁵Vana van'wana va Kohata va kuma hi vuhlolotwana miti ya 10, yi nga ya tindlu ta nyimba ya Efrayimi, ni ta nyimba ya Dani, ni ta hafu ya nyimba ya Manase.

⁶Vana va Gerixoni va kuma hi vuhlolotwana miti ya 13, yi ri ya tindlu ta nyimba ya Isakara, ni ta nyimba ya Asere, ni ta nyimba ya Neftali, ni ta hafu ya nyimba ya Manase, eBaxani.

⁷Vana va Merari va kuma hi tinyimba ta vona miti ya 12 ya nyimba ya Rhuveni, ni ya nyimba ya Gadi, ni ya nyimba ya Zebuloni.

⁸Sweswo vana va Israele va nyika Valevhi hi vuhlolotwana, miti leyi, ni matikwana ya yona, hilaha Yehovha a va leriseke hakona hi Muxe.

⁹Hi mukhuva wolowo, va nyika miti leyi yi huma enyimbeni ya vana va Yuda, ni le nyimbeni ya vana va Simiyoni; va vula erivaleni mavito ya yona.

¹⁰Eka vana va Aroni, exikarhi ka tindlu ta va Kohata, exikarhi ka vana va Levhi (hikuva ku averiwa loko sungula a ku ri ka vona),

¹¹va va nyika muti wa Araba, tata wa Anaka (i Hebroni) entshaveni ya Yuda, ni tikwanyana ra wona, ematlhelweni hinkwawo;

¹²loko ma ri masimu ya muti ni swimitana swa wona, va swi nyika Kalebe, n'wana Yefune, swi va swa yena.

¹³Va nyika vana va Aroni, muprista, muti wa xichavelo xa mudlayi, Hebroni, ni tikwanyana ra wona,

¹⁴na Libina ni tikwanyana ra wona, na Yatiri ni tikwanyana ra wona, na Exitemoka ni tikwanyana ra wona,

¹⁵na Holoni ni tikwanyana ra wona, na Debiri ni tikwanyana ra wona, na Ayini ni tikwanyana ra wona,

¹⁶na Yuta ni tikwanyana ra wona, na Beta-Xemexe ni tikwanyana ra wona: miti ya 9 tinyimba timbirhi leti;

¹⁷ni ya nyimba ya Benjamini Gibiyoni ni tikwanyana ra wona, na Geba ni tikwanyana ra wona,

¹⁸na Anatoto ni tikwanyana ra wona, na Alimoni ni tikwanyana ra wona: miti ya mune.

¹⁹Miti hinkwayo ya vana va Aroni, a yi ri miti ya 13.

²⁰Miti ya ku averiwa ka tindlu ta vana va Kohata, va ri Valevhi lava seleke va vana va Kohata, yi hume enyimbeni ya Efrayimi.

²¹Va va nyika Xikeme, muti wa xichavelo xa mudlayi ni tikwanyana ra wona, entshaveni ya Efrayimi, na Gezere ni tikwanyana ra wona,

²²na Kibisayimi ni tikwanyana ra wona, na Bet-Horoni ni tikwanyana ra wona: miti ya mune;

²³ni ya nyimba ya Dani, Eliteke ni tikwanyana ra wona, na Gibetoni ni tikwanyana ra wona,

²⁴na Ayaloni ni tikwanyana ra wona, na Gati-Rimoni ni tikwanyana ra wona: miti ya mune;

²⁵ni ya hafu ya nyimba ya Manase, Taanaka ni tikwanyana ra wona, na Gati-Rimoni ni tikwanyana ra wona: miti mimbirhi.

²⁶Miti hinkwayo ya vana lava seleke va Kohata, a yi ri ya khume, ni matikwana ya yona.

²⁷Va nyika vana va Gerixoni, va ri va tindlu ta Valevhi, Golani wa Baxani, muti wa xichavelo xa mudlayi, ni tikwanyana ra wona, na Bexetera ni tikwanyana ra wona, yi hume enyimbeni ya Manase;

²⁸ni ya nyimba ya Isakara, Kixiyoni ni tikwanyana ra wona, na Daberata ni tikwanyana ra wona,

²⁹na Yaramutu ni tikwanyana ra wona, na Eni-Ganimi, ni tikwanyana ra wona: miti ya mune;

³⁰ni ya nyimba ya Asere, Mixala ni tikwanyana ra wona, na Abidoni ni tikwanyana ra wona,

³¹na Helikati ni tikwanyana ra wona, na Rehobo ni tikwanyana ra wona: miti ya mune;

³²ni ya nyimba ya Neftali, Kedexe wa Galeliya, muti wa xichavelo xa mudlayi, ni tikwanyana ra wona, na Hamoti-Dori ni tikwanyana ra wona, na Karitana ni tikwanyana ra wona: miti minharhu.

³³Miti hinkwayo ya va Gerixoni, hi tindlu ta vona, a yi ri ya 13, ni matikwana ya yona.

³⁴Va nyika tindlu ta vana va Merari, va ri Valevhi lava saleke, Yokineyama ni tikwanyana ra wona, na Karita ni tikwanyana ra wona,

³⁵na Dimina ni tikwanyana ra wona, na Nahalala ni tikwanyana ra wona: miti ya mune ya nyimba ya Zebuloni,

³⁶ni ya nyimba ya Rhuveni, Beseri ni tikwanyana ra wona, na Yahasi ni tikwanyana ra wona,

³⁷na Kedemoto ni tikwanyana ra wona, na Mefata ni tikwanyana ra wona; miti ya mune;

³⁸ni ya nyimba ya Gadi, Ramoto wa Giliyadi, muti wa xichavelo xa mudlayi, ni tikwanyana ra wona, na Mahanayimi ni tikwanyana ra wona,

³⁹na Hexiboni ni tikwanyana ra wona, na Yazere ni tikwanyana ra wona: miti hinkwayo yi ri mune.

⁴⁰Hi yona miti hinkwayo ya vana va Merari hi tindlu ta vona, va ri lava saleke va tindlu ta Valevhi; ku averiwa ka vona a yi ri miti ya 12.

⁴¹Miti hinkwayo ya Valevhi, exikarhi ka ndzhaka ya vana va Israele, yi ri miti ya 48 ni matikwana ya yona.

⁴²Hi yona miti yoleyo; muti wun'wana ni wun'wana wu ri ni tikwanyana ra wona leri wu rhendzeleke; a swi ri sweswo eka miti leyi hinkwayo.

⁴³Yehovha a nyika Israele tiko hinkwaro leri a hlambanyeleke vatata wa vona ku va nyika rona, kutani va ri fuma, va aka eka rona.

⁴⁴Yehovha a va nyika ku wisa hi matlhelo hinkwawo, hilaha a hlambanyeleke vatata wa vona hakona; a ku vanga na un'we wa valala va vona la kotaka ku tiya emahlweni ka vona, Yehovha a va nyiketa hinkwavo emavokweni ya vona.

⁴⁵A ku wanga na rito rin'we ra marito hinkwawo yo saseka lawa Yehovha a ma byeleke yindlu ya Israele: hinkwaswo swi humelele.