Read tsonga Rhuti 4 Bible Online

Rhuti 4 - tsonga bible

Rhuti 4

¹Kutani Bowazi a ya ehubyeni, a tshama kona. Kutani, waswivo, mudyandzhaka loyi Bowazi a n'wi vuleke a hundza. Bowazi a ku eka yena: “Wena nasikana, tana haleno, tshama la.” Tatani a ta, a tshamisa.

²Kavaloko Bowazi a rhamba vavanuna va khume, vakulukumba va muti, a ku eka vona: “Tshamani la,” kutani va tshamisa.

³Kutani a ku eka mudyandzhaka: “Nahumi, la vuyeke etikweni ra Mowabu, a xavisa ndzima ya nsimu leyi ngi yi ri ya Elimeleke, makwerhu wa hina.

⁴Kutani ndzi anakanyile ku ku tivisa, ndzi ku: ‘Yi xave emahlweni ka lava tshamaka kona, ni le emahlweni ka vakulukumba va tiko ra mina, loko u rhandza ku yi xava, u va mudyandzhaka, yi xave. Kambe loko u nga rhandzi ku xava, ndzi tivise, leswaku ndzi swi tiva. Hikuva a ku na munhu la swi kotaka ku yi sava, a ri mudyandzhaka, loko a nga ri wena, kambe mina ndza ku landza.’ ”

⁵A hlamula, a ku: “Ndzi ta yi xava, ndzi va mudyandzhaka.” Kutani Bowazi a ku: “Siku u nga ta xava nsimu evokweni ra Nahumi na Rhuti wa Mowabu, nsati wa loyi a feke, u ta xava Rhuti, na yena, ku hlayisa vito ra loyi a feke, endzhakeni ya yona.”

⁶Kutani mudyandzhaka a ku: “A ndzi swi koti ku yi xava leswaku kumbe ndzi nga ta lahlekeriwa hi ndzhaka ya mina. Wena, u nga tixavela ematshan'weni ya mina, hikuva a ndzi swi koti ku xava.”

⁷Kambe a ku ri ni mukhuva wun'wana wa khale eIsraeleni emhakeni ya ku kutsula, hileswaku loko munhu a tshike ndzhaka, a a tiyisa mhaka hi ku susa ntanghu ya yena a yi nyika makwavo, byi ri vumbhoni eIsraeleni leswaku a tshikile ndzhaka.

⁸Kakuloko mudyandzhaka a byela Bowazi a ku: “Xava, wena, nsimu!” A susa ntanghu.

⁹Kutani Bowazi a ku eka vakulukumba ni ka tiko hinkwaro: “Mi timbhoni namuntlha leswaku ndzi xavile evokweni ra Nahumi, hinkwaswo leswi ngi swi ri swa Elimeleke, ni swa Kiliyoni, ni swa Mahaloni.

¹⁰Ndzi xavile na Rhuti wa Mowabu, nsati wa Mahaloni, leswaku ndzi hlayisa rixaka ra loyi a feke, ri nga tshuki ri lova exikarhi ka vamakwavo, ni le hubyeni ya rikwavo. Mi timbhoni namuntlha.”

¹¹Kutani tiko hinkwaro na huvo, ni vakulukumba va ku: “Hi timbhoni! Yehovha a a endle leswaku nsati loyi a nghenaka endlwini ya wena a va kukota Rahele na Leya lava akeke havambirhi yindlu ya Israele. Tiyisa mbilu emutini wa Efrata, vito ra wena a ri twakale eBetlehema!

¹²Hi vana lava Yehovha a nga ta ku nyika hi nsati loyi, yindlu ya wena a yi ve kukota yindlu ya Perese, loyi Tamara a nga n'wi velekela Yuda.”

¹³Sweswo Bowazi a teka Rhuti a va nsati wa yena, kutani a ta eka yena: “Yehovha a n'wi endla hi tintswalo, a n'wi nyika nyimba. Kutani a veleka n'wana wa wandzisanyana.

¹⁴Vavasati va ku eka Nahumi: Yehovha a a khensiwe, loyi a nga rhandzangiki ku ku tshika u pfumala mudyandzhaka, loyi vito ra yena ri nga ta twakala eIsraeleni!

¹⁵U ta chavelela moya wa wena, u ta ku tiyisa eku dyuhaleni ka wena! Hikuva u velekiwe hi n'wingi wa wena, la ku rhandzaka, yena la tlulaka eka wena, vana va xinuna vanthlanu na vambirhi.”

¹⁶Kutani Nahumi a teka xihlangi, a xi vukarha, a va muhlayisi wa yena.

¹⁷Kutani vavasati lava akeke na yena, va n'wi thya vito, va ku: “N'wana wa wandzisanyana u velekiwele Nahumi.” Kutani va n'wi thya Obede. Yena a va tata wa Yese, tata wa Davhida.

¹⁸Hi rona rixaka ra Perese: Perese a veleka Hesironi;

¹⁹Hesironi a veleka Rhamu; Rhamu a veleka Aminadaba;

²⁰Aminadaba a veleka Nahaxoni, Nahaxoni a veleka Salmoni;

²¹Salmoni a veleka Bowazi; Bowazi a veleka Obede:

²²Obede a veleka Yese; Yese a veleka Davhida.