Read tsotso 2 SAMWELI 24 Bible Online

2 SAMWELI 24 - tsotso bible

2 SAMWELI 24

¹Mwami Nyasaye yalolela vurima khandi Israeli, natsuva Daudi khuvalerela vutiinyu. Mwami Nyasaye yavoolela Mwami Daudi, “Rula utsi, khuvalitsa vunyishi vwa vandu vamenyanga mu Israeli nende Yuda.”

²Mwami Daudi yavoolela Yohabu, wali nali mwimilili wa mukaanda kwa vasikali, “Simukha utsi mu vandu vi tsimbia tsiosi tsia Israeli, khuraanjila khuluveka lulala lwi shivala khutsia khutukha khuluveka lundi, khuvalitsa vunyishi vwa vandu. Nyenyanga khumanya vunyishi vwa vandu voosi.”

³Navutswa Yohabu yachipa Mwami Daudi, “Yivi mwami, Mwami Nyasaye akhole Vaisraeli khwivulana khuva vanyishi, khali mu tsimia khuvira khuli vali nunundi, khandi yivi mwene uliitsa khulola ni tsimoni tsiotsio ni kakholekhanga. Navutswa shichila shina wenyanga khukhola ndio?”

⁴Navutswa Mwami Daudi yavoolela Yohabu nende vasikali veve valonde ka vavoolele. Varula ha Mwami Daudi yali nali, nivatsia khuvalitsa Vaisraeli.

⁵Lwa vali nivamali khwambukha Muchela kwa Yorodani, vasimiikha maheemo ku khumenyamu himbi mu litaala lia Aroheri, khuluveka luli ikuvanda wi litaala lili hakari mu luhoongo. Vakhalakanyila mu lusomo lwa Gadi, khutsia khutukha mu litaala lia Yazeri.

⁶Vasimukha nivatsia mu lusomo lwa Gileadi nende mu lusomo lwa Tahitimu Hodishi, nivatsililila khutsia khutukha mu litaala lia Dani Yahani, nivashiama khutsia Sidoni.

⁷Vasimukha nivatsia khuluveka luli ikuvanda wi litaala liali ni imbinga yi litaala lia Tiro, nivatsililila khutsia mu mataala koosi ka Vaahivi nende Vakanaani, nivamalilishila mu litaala lia Beresheba, khuluveka luli ikuvanda wa Yuda.

⁸Lwa vali nivakhamala mieli tisa na matukhu makhomi kavili, vakalukha Yerusalemu, nivamali khukhalakanyila shia havundu hosi mu shivala shienesho.

⁹Yohabu yatsia navoolela Mwami Daudi, vunyishi vwa vasikali vavalitswa. Vali vasikali tsiheelefu tsimia munane mu Israeli, khandi tsiheelefu tsimia tsiranu mu Yuda.

¹⁰Navutswa lwa Daudi yali namali khuvalitsa vasikali, yanyakhana muno mu mwoyo, navoolela Mwami Nyasaye, “Mali khukhola vwoni vunyishi, lwa kholi kenako! Nuyaanza semeha inzi murumishi wowo. Kholele mu vuyiingwa.”

¹¹Lwa Daudi yali nashili khuvukha mu tsindolo khulitukhu lialondakhu, Mwami Nyasaye yavoolela Muprofeti Gadi, wali nali muloli wa Daudi,

¹²“Simukha utsi khuvoolela Daudi, ‘Mwami Nyasaye avoolanga, Khuheetsanga vindu vivaka urovolakhu. Rovola shilala, ninzi khukholele.’ ”

¹³Nalwo lwa Gadi yasimukha natsia khu Mwami Daudi, namuvoolela makhuva ku Mwami Nyasaye yali namuvoolele; nareeva, “Ni shina? Mihika chivaka inzala khuva shia havundu hosi, inoho mieli chivaka chiu khwilukha khurula khu vatsiku vovo, inoho matukhu kavaka ku lukhutsa lutamanu khuva mu shivala shioshio? Khulwa yako, kanakanakhu, umbolele kanzia khuvoolela Mwami Nyasaye, wali nandumi.”

¹⁴Daudi yachipa, “Ndi khuvutiinyu muno! Nu vulahi Mwami Nyasaye, khukhusalilitsa khuvira vandu khusalilitsa inzi; shichila neye wi tsimbavasi tsinyishi muno.”

¹⁵Nalwo lwa Mwami Nyasaye, yarumila Vaisraeli lukhutsu, khuraanjila khulitukhu lienelo mu mavwevwe, khutukha khulitukhu lia yali narovole. Vandu tsiheelefu makhomi saba vakhutsa khuraanjila mu litaala lia Dani, khutukha mu mataala lia Beresheba.

¹⁶Lwa injelosi yu Mwami Nyasaye yali nili himbi khutivitsa vandu vi litaala likali lia Yerusalemi, Mwami Nyasaye yakalukhanyinya ka yali niyenyanga khukhola, navoolela injelosi yali nitivitsanga vandu, “Lekha khwiira vandu! Luvwele.” Injelosi yeneyo yalolekha nili himbi havundu ha vilulilanga imu, ha mundu walaangwangwa Arahuna, wali nali Muyeebusi.

¹⁷Lwa Daudi yalola injelosi yali nitivitsanga vandu, yavoolela Mwami Nyasaye, “Lola! Ninzi ukholi vwoni khandi shindu shitamanu. Vandu yava vavula vutamanu vwosi vwa vakholi, navutswa vali khuli makondi vutswa. Ni shina shia vakholi? Usalilitsi inzi nende vandu vi inzu yanje.”

¹⁸Khulitukhu lienelo, Gadi yasimukha natsia khulola Daudi, namuvoolela, “Rula utsi khumbashila Mwami Nyasaye vwaali havundu ha vilulilanga imu, ha Arahuna Muyeebusi.”

¹⁹Daudi yasimukha natsia, khuli Mwami Nyasaye yali navoolele Gadi amuvoolele.

²⁰Lwa Arahuna yaheenza nalola Mwami Daudi nende vandu veve, nivitsanga khumulola, yarula natsia ilwanyi, khwinamila Mwami Daudi.

²¹Arahuna yavoola, “Yivi mwami, shichila shina nu witsa hanu?” Daudi yamuchipa, “Nitsi khukuula havundu hoho, ha wilulilanga imu, khumbashilaho Mwami Nyasaye vwaali, khu lukhutsu lutivitsanga vandu yulu lukore.”

²²Arahuna yavoolela Daudi, “Vukula, uhaane khu Nyasaye shia shindu shiosi, shia wenyanga khumuha. Tsihili tsili hanu tsiu khuhaana khuli shihanwa shiu khusambwa; michochi chiatsio nende tsimbaho tsiu khwilulilakhu tsili hanu. Natsio tsiliitsa khurumishilwa, khuli tsikhuyi tsiu khusamba.”

²³Arahuna yavukula vindu vievie viosi, naha Mwami Daudi, namuvoolela, “Mwami Nyasaye ahuchilile shihanwa shioshio.”

²⁴Navutswa Mwami Daudi yachipa, “Shikali kario tawe! Nzitsanga khukhurunga vindu vienevo. Shinzitsanga khukholela Mwami Nyasaye misango kwi vihanwa viu khusambwa, ni vindu via nakhakuula ni tsisenti tsianje tawe.” Nalwo lwa Mwami Daudi yakuula havundu ha vilulilanga imu nende tsihili ni ifetsa vitonye makhomi karanu.

²⁵Yumbashila Mwami Nyasaye vwaali havundu henaho, nahaana vihanwa viu khusambwa nende vihanwa viu khulera milembe. Nalwo lwa Mwami Nyasaye yachipa lisaala lielie, lukhutsu nu lukora mu Israeli.