Read tsotso 1 VAMI 12 Bible Online

1 VAMI 12 - tsotso bible

1 VAMI 12

¹Rehobohamu yasimukha natsia mu litaala lia Shekemu, shichila Vaisraeli voosi vakanila mu litaala lienelo, khumwamihitsa khuva mwami.

²Lwa Yerobohamu mwana wa Nebati, wali niyilukha Mwami Solomoni khutsia mu shivala shia Misri, yahulila makhuva kenako, yakalukha khurula mu shivala shia Misri.

³Nalwo lwa vandu vi tsimbia tsili khuluveka luli ivuluka varumana likhuva venyanga Yerobohamu, ma voosi nivatsia khulola Rehobohamu. Vamuvoolela,

⁴“Tata wowo Solomoni yakhusalilitsa vululu muno, khandi nakhutiukha misiko militoho. Niiva unyala khukhwanguhitsila misiko militoho chienecho, khandi ukhukhole khumenye limenya lilahi, khutsitsanga khukhurumishila.”

⁵Rehobohamu yavavoolela, “Ruli hanu mutsi khumala matukhu kavaka. Numumali matukhu kenako, mukalushi khwinzi.” Khulwa yako, vandu venavo vasimukha nivarulaho.

⁶Nalwo lwa Mwami Rehobohamu yasimukha, natsia khureeva vasakhulu vakhonyanila tata wewe Solomoni inganakani. Rehobohamu yavareeva, “Ninganakani shina ya munyala khukhonya yanzia khuchipa vandu yavo?”

⁷Vasakhulu venavo vachipa, “Niiva wenyanga khurumishila vulahi vandu yavo, nu vulahi nulomolome khuvo makhuva malahi, navo valiitsa khukhurumishila shia khase khosi nu mwoyo kwosi.”

⁸Navutswa Rehobohamu yambakhana khulonda inganakani ya vasakhulu vali nivamukhonyi, navutswa yasimukha natsia khureeva vasatsa vavukha vi likhula lielie vamukhonyanga inganakani.

⁹Rehobohamu yavareeva, “Ninganakani shina ya munyala khukhonya nayo? Ni shina shianyala khuvoolela vandu venyanga vanguhitsili misiko chiavo militoho?”

¹⁰Vasatsa vavukha venavo vamuchipa, “Khutukha uvavoolele, ‘Shitere shianje shitititi shiakhomeela khuvira shisiindi shia tata wanje!’ ”

¹¹Vavoolele, “Khali niiva toto tata wanje yamutiukhanga misiko militoho; khali inzi niitsa khumulitohitsila misiko mulitoho chienecho. Tata wanje yamushutanga ni shivoko; navutswa inzi niitsa khumushuta ni shivoko shiu mu shialiti!”

¹²Lwa matukhu kavaka kali nikakhavira, Yerobohamu nende vandu voosi vakalukha khu Mwami Rehobohamu, khuli yali niyavavoolela.

¹³Mwami Rehobohamu yambakhana khulonda inganakani ya vasakhulu vamukhonya nayo, nalomolomela vandu nu vululu,

¹⁴khuli vasatsa vavukha vali nivamuvoolele. Rehobohamu yavavoolela, “Tata wanje yamutiukhanga misiko militoho; navutswa inzi niitsa khumutiukha misiko militoho muno. Yamushiutanga ni shivoko; navutswa inzi niitsa khumushuta ni shivoko shiu mu shialiti!”

¹⁵Nalwo lwa Mwami Rehobohamu yambakhana khuhulishitsa ka vandu; shichila Mwami Nyasaye neye yenyanga kakholeshe munjila yeneyo, khurweshitsa likhuva lielie lia yali niyavoolela Yerobohamu mwana wa Nebati, khuvirila khu Muprofeti Ahiya wi litaala lia Shilo.

¹⁶Lwa Vaisraeli voosi valola ndi Mwami Rehobohamu wambakhane khuvahulishitsa, valaanjilila, nivavoola, “Khuvulakhu shia khusanganga na Daudi! Shindu shivulakhuho shia khunyala khunyola khu Daudi mwana wa Yese! Muyi Vaisraeli, chendi khutsi ingo! Leshi Rehobohamu yiyamihi mwene!” Khali ndio, Vaisraeli vahingana,

¹⁷nivalekha Rehobohamu natsililila khwamiha Vaisraeli vali nivamenyanga mu mataala ka Yuda.

¹⁸Nalwo lwa Mwami Rehobohamu yaruma Adoniramu, wali nali mwimilili wasinjililanga muhinzilu kukhunikwa khukhola, navutswa Vaisraeli voosi vamulesa na machina nakhutsa. Nivamali khukhola kenako, Rehobohamu yanina vwangu mu likaare lielie liliihe niyilukha natsia Yerusalemu.

¹⁹Khali ndio, Vaisraeli vashitsilililanga nunundi khuhinganyinya vandu vi inzu ya Daudi.

²⁰Lwa Vaisraeli voosi vahulila ndi Yerobohamu umali khukalukha khurula mu shivala shia Misri, vamulaanga mu shikhaalo shia vandu, nivamwamihitsa khuva Mwami wa Israeli. Vandu vuluhia lwa Yuda navo vonyene vatsililila khwamihwa na vitsukhulu va Daudi.

²¹Lwa Rehobohamu yatukha mu Yerusalemu, yalaanga halala vasikali vi tsingulu tsiheelefu imia indala na makhomi munane khurula mu vandu vi tsimbia tsia Yuda nende Benyamini. Yenyanga khutsia khukwana, khwamiha khandi vandu vi tsimbia tsia Israeli khuluveka luli ivuluka.

²²Navutswa Nyasaye yavoolela Muprofeti Shemaya

²³atsi khuvoolela Rehobohamu mwana wa Solomoni, khandi vandu voosi vi tsimbia tsia Yuda nende Benyamini,

²⁴“Muvuli khutsia khukwana viikho venyu, nivali Vaisraeli. Munyi voosi, mukalushi ingo. Makhuva kikholeshe, shichila lienya lianje inzi Mwami Nyasaye.” Khulwa yako, voosi valonda malako ku Mwami Nyasaye, nivakalukha ingo wavo.

²⁵Nalwo lwa Mwami Yerobohamu yumbakha vuyia litaala lia Shekemu, mu shivala shi vikulu shia Efurahimu, namenyayo. Yarulayo natsia khumbakha litaala lia Penieli.

²⁶Mwami Yerobohamu yireevana mwene, “Vwami vuliitsa khukalukha nunundi khu vandu vi inzu ya Daudi.

²⁷Niiva vandu yavavalitsa khutsia khukhola misango mu Litempeli liu Mwami Nyasaye mu Yerusalemu, valiitsa khukalukhana khuva vasuuvilwa khu mwami wavo, nali Mwami Rehobohamu wa Yuda. Valiitsa khunziira, valikalukha khu Mwami Rehobohamu.”

²⁸Lwa Yerobohamu yali namali khukanakana khulondokhana khu makhuva kenako, yalomba vifwanani vivili vi vimoli khu itsahabu. Yerobohamu yavoolela vandu veve, “Mwamenya numutsitsanga Yerusalemu khuluhono. Munyi Vaisraeli, yava navo vanyasaye venyu vamurulitsa mu shivala shia Misri.”

²⁹Yerobohamu yasinjilitsa shifwanani shi shihunwa shialombwa khu itsahabu mu litaala lia Betseli, na shindi navikha mu litaala lia Dani.

³⁰Vandu vakhola vwoni, lwa vasimukhanga nivatsia khusaala mu mataala ka Betseli nende Dani.

³¹Yerobohamu yumbakha khandi havundu ha vasaalila ikulu wi vikulu, khandi narovola vasalisi khurula mu vandu vi tsinzu tsindi, navutswa vuchila khurovolakhu mu vandu vu lwivulu lwa Levi.

³²Yerobohamu yaraanjitsa khandi mulukha kwi idini, khulitukhu li likhomi na kharanu, liu mweli kwa munane, khuli mulukha kwa vakholanga mu Yuda. Yakholela vifwanani vi vihuunwa via yali nalombi khu itsahabu, misango khu vwaali vuli mu litaala lia Betseli; khandi navikhayo vasalisi varumikhanga havundu ha vasaalilanga, ha yali niyumbakha.

³³Khulitukhu li likhomi na kharanu, liu mweli kwa munane, litukhu lia mwene yali narovole, yakhola misango khu vwaali vwa yali niyumbakha mu litaala lia Betseli. Khulwa yako, Yerobohamu yraanjitsila Vaisraeli mulukha, natsia khuhaana vihanwa khu vwaali vwenovo.