Read tsotso 1 VAMI 2 Bible Online

1 VAMI 2 - tsotso bible

1 VAMI 2

¹Lwa Daudi yali nali himbi khukhutsa, yalaanga mwana wewe Solomoni, namuha mivaalo keke kukhumalilikha, navoola,

²“Mwana wanje, ndi himbi khukhutsa khuli mundu wosi akhutsanga. Nyenyanga uve ni tsingulu nende ikholo,

³khandi utsililile khukhola ku Mwami Nyasaye, uli Nyasaye wowo yenyanga ukhole. Ulonde mivaalo keke, mechitso keke nende malako keke koosi, khuli kahandikwa mu Malako ka Musa, nikanyalikha uve nu vuhinda mu shia shindu shiosi, shia wu kholanga khandi shia havundu hosi ha utsitsanga.

⁴Niiva uliitsa khulonda malako keke, Mwami Nyasaye aliitsa khurweshitsa lilaaka lia yalaaka, lwa yambolela ndi vitsukhulu vaanje valiitsa khwamiha Israeli nikava valiitsa khuva vacheli khulonda malako keke, khuvirila mu vusuuvilwa nu mwoyo kwosi nende tsingulu tsiavo tsiosi.

⁵“Khuliho ni shindu shindi. Witsushitsanga ka Yohabu mwana wa Zeruya yakholela inzi, lwa yiira vimilili vavili va vasikali va Israeli, nivali Abuneri mwana wa Neri nende Amasa mwana wa Yetseri. Witsushitsanga khuli yiira vimilili venavo nu khumenyanga mumatukhu ki milembe, navanzilanga shiraano shia valera mumatukhu kiliihe. Yiira vandu vavula vutamanu vwosi; khandi nunundi ninzi njinganga musiko kwenoko shichila ka vakhola, khandi nyakhananga vululu muno khurulana khu kenako.

⁶Khola shia shindu shiosi, shia wenyanga khurulana khu vusitsa vwovwo; navutswa khutukha avuli khukhutsila mu milembe.

⁷“Navutswa uliitsa khukholela vaana vi shiyayi va Barazilai, urulanga mu lusomo lwa Gileadi malahi nu khuvalinda vulahi mu vandu valiitsanga shiukhulia khu mesa yoyo, shichila vambukula vulahi, lwa nali ninzilukhanga amwavo wowo Abisolomu.

⁸“Khuliho khandi na Shimei mwana wa Gera, khurula mu litaala lia Bahurimu lili mu lusomo lwa Benyamini. Yanaama vutamanu muno khulitukhu lia nasimukha ninzia mu litaala lia Mahanahimu. Navutswa lwa yakana ninzi ha Muchela kwa Yorodani, namwisuuhitsila khuvirila mu lira liu Mwami Nyasaye, nimbola, ‘Shinzitsanga khukhwiirwa tawe.’

⁹Navutswa nunundi lekha khumuvukula khuli mundu uvula vutamanu vwosi. Nivi mundu uli nu vusitsa. Nivi umanyi ka wenyekhanga umukhole. Chelitsa khulola ndi wiriilwi, khali niiva wameela tsimbutse.”

¹⁰Daudi yakhutsa mmbili kwekwe nu kuyeveelwa mu shilindwa mu litaala likali lia Daudi.

¹¹Yamiha Israeli khumihika makhomi kane; mihika saba mu litaala lia Heburoni khandi mihika makhomi kavaka na chivaka mu Yerusalemu.

¹²Solomoni yamiha havukono ha tata wewe Daudi, ma vwami vwevwe nu vutsililila khuva ni tsingulu tsinyishi.

¹³Litukhu lindi, Adoniya mwana wa Hagitsi yasimukha natsia khulola Betsisheba mama wa Solomoni. Betsisheba yamureeva, “Unyala khuva uli hanu mu milembe?” Adoniya yamuchipa, “Ndi hanu mu milembe.”

¹⁴Adoniya yatsililila khuvoola, “Ndi ni likhuva lia nyenyanga khukhuvoolela yivi.” Betsisheba yareeva, “Ni likhuva shina lienelo?”

¹⁵Adoniya yachipa, “Wamanya ndi ninzi neye wenyekhanga mbe nindi mwami, khali vandu voosi mu Israeli valindililanga valole nikakholekhanga kario. Navutswa kikholekha lukanu, amwavo wanje nava mwami, shichila liali lienya liu Mwami Nyasaye.

¹⁶Ndi ni shindu shilala nunundi, shia nyenyanga uyaanze ukholele; uvuli khunzambakhanila.” Betsisheba yamureeva, “Ni shindu shina?”

¹⁷Adoniya yamuchipa, “Nuyaanza voolela Mwami Solomoni ambuchilile mbukuli Abishagi, mwana wi shikhana wi litaala lia Shunemu, khuva mukhali wanje, shichila ndi ni lisuuvila ndi anyala khuvula khukhwambakhanila.”

¹⁸Betsisheba yachipa, “Ni kilikali. Niitsa khuvoolela Mwami Solomoni akhukholele ka wenyanga khukholelwa.”

¹⁹Lwa Betsisheba yasimukha natsia khu Mwami Solomoni, khumuvoolela makhuva ka Adoniya yenyanga. Mwami Solomoni yasinjila khumwakanila, namwinamila, khandi niyikhala khu shisoko shieshie shiu vwami. Yavoola valerele mama wewe shisoko, mama wewe niyikhala khuluveka lu mukhono musatsa ku Mwami Solomoni.

²⁰Nalwo lwa Betsisheba yavoolela Mwami Solomoni, “Ndi ni shindu shia wenyekhanga ukholele; uvuli khunzambakhanila.” Mwami Solomoni yachipa, “Mama wanje, ni shindu shina? Nyala khuvula khukhwambakhanila.”

²¹Betsisheba yamuvoolela, “Lekha amwavo wowo Adoniya ahile Abishagi wi ltaala lia Shunemu khuva mukhali wewe.”

²²Mwami Solomoni yareeva mama wewe, “Shichila shina wenyanga Abishagi khuva mukhali wa Adoniya? Kalolekhanga unyala khumbolela muhe khandi shisoko shianje shiu vwami. Khali ndio, ye ni amwavo wanje mukhulundu; khali musalisi Abiatsari nende Yohabu mwana wa Zeruya vali khuluveka lwelwe!”

²³Nalwo lwa Mwami Solomoni yisuuha khuvirila mu lira liu Mwami Nyasaye, navoola, “Nyasaye anziiri, niiva Adoniya atsitsanga khuvula khwiirwa, khulondokhana khu ka mwene areevi khukholelwa!

²⁴Mwami Nyasaye uli mwoyo, neye wamba tsingulu tsiu khwikhala khu shisoko shia tata wanje Daudi, khandi neye urweshitsi lilaaka lielie, lwa yamba inzi nende vitsukhulu vaanje vwami. Nzisuuhanga khuvirila mu lira liu Mwami Nyasaye uli mwoyo ndi khutukha Adoniya yiirwi khulitukhu linu!”

²⁵Mwami Solomoni yahaana lilako khu Benaya mwana wa Yehohada, wasimukha natsia khwiira Adoniya.

²⁶Mwami Solomoni yavoolela musalisi Abiatsari, “Simukha utsi ingo wowo mu litaala lia Anatsotsi; shichila utushili khwiirwa, navutswa nzitsanga khulekha khukhwiira, shichila nivi wasinjililanga Lisanduku li Lilakano liu Mwami Nyasaye, lwa wali nushili na tata wanje Daudi, khandi nusanga naye mu vutiinyu vwevwe vwosi.”

²⁷Mwami Solomoni yarulitsa Abiatsari khu muhinzilu kwa yakholanga, khuli musalisi wu Mwami Nyasaye. Nalwo lwa yarweshitsa ku Mwami Nyasaye yali niyavoola mu litaala lia Shilo, khulondokhana khu musalisi Eli nende vitsukhulu veve.

²⁸Yohabu yahulila kali nikakholeshe. (Yali ukhonyi Adoniya, navutswa yambakhana khukhonya Abisolomu.) Nalwo lwa Yohabu yilukha natsia mu Liheemo Litakatifu liu Mwami Nyasaye, nakumila tsimbeka tsiu vwaali.

²⁹Lwa Mwami Solomoni yahulila makhuva ndi Yohabu wayilukha ali mu Liheemo Litakatifu, khandi ali himbi khu vwaali, Mwami Solomoni yaruma Benaya khutsia khwiira Yohabu.

³⁰Benaya yasimukha natsia mu Liheemo Litakatifu liu Mwami Nyasaye, navoolela Yohabu, “Mwami Solomoni avoolanga, ‘Rulamu!’ ” Navutswa Yohabu yamuchipa, “Shinyala khurula munu tawe. Niitsa khukhutsila hanu.” Benaya yakalukha khu Mwami Solomoni, namuvoolela makhuva ka Yohabu yali navooli.

³¹Mwami Solomoni yavoolela Benaya, “Khutukha ukhole ka Yohabu avooli. Ulamwiira nu khumuyeveela. Nalwo lwa inzi inoho khali mulala khu vitsukhulu vandi va Daudi valiitsa khuvula khuvukulwa, khuli navo vachila Yohabu nakhola ndio, lwa yiira vandu vavula vutamanu vwosi.

³²Mwami Nyasaye aliitsa khusalilitsa Yohabu, shichila yasuundula shisahi, vuchila khuvoolelakhu tata wanje Daudi. Yohabu yiira vandu vavili vavula vutamanu vwosi, vali valahi muno khuvira ye, nivali Abuneri wali mwimilili wa vasikali va Israeli nende Amasa wali mwimilili wa vasikali va Yuda.

³³Yohabu nende vitsukhulu veve, valiitsa khusalilitswa mihika ni mihika, shichila shisahi shia yasuundula. Navutswa Mwami Nyasaye aliitsa khuchila vitsukhulu va Daudi vikhalanga khu shisoko shieshie shiu vwami, vatsililile khumenya mu milembe mihika ni mihika.”

³⁴Benaya yasimukha natsia mu Liheemo Litakatifu liu Mwami Nyasaye, niyiira Yohabu. Yohabu yayeveelwa ingo wewe mwichendanyama.

³⁵Mwami Solomoni yarovola Benaya khuva mwimilili wa vasikali, havukono ha Yohabu. Yarovola musalisi Zadoko khuva musalisi, havukono wu musalisi Abiatsari.

³⁶Mwami Solomoni yarumana likhuva liu khutsia khulaanga Shimei, namuvoolela, “Yumbakha mwene inzu yoyo mu Yerusalemi, umenyeyo. Uvuli khutsiakhu havundu handi hosi.

³⁷Niiva uliitsa khurulamu utsi khwambukha Muchela kwa Kiduroni, ni kilikali uliitsa khwiirwa; yivi mwene neye uliitsa khuva nuwilerele likhutsa.”

³⁸Shimei yamuchipa, “Yivi mwami, nu vulahi muno. Niitsa khukhola khuli uvooli.” Nalwo lwa Shimei yamenya khumatukhu manyishi mu Yerusalemu.

³⁹Navutswa lwa mihika chivaka chiali nichimali khuvira, vavili khu varukwa va Shimei vilukha, nivatsia khu Mwami Akishi mwana wa Maaka, wamihanga litaala lia Gatsi. Lwa Shimei yahulila ndi varukwa veve vali mu litaala lia Gatsi,

⁴⁰yanina khu ipunda yeye, natsia khu Mwami Akishi wamihanga litaala lia Gatsi, khukhava varukwa veve. Yavanyola, navakalushitsa ingo.

⁴¹Lwa Mwami Solomoni yahulila ndi Shimei yali warula Yerusalemi, watsia mu litaala lia Gatsi khandi ukalushi,

⁴²yarumana mundu khutsia khumulaanga. Mwami Solomoni yamuvoolela, “Ninzi wakhwisuuhitsa khuvirila mu lira liu Mwami Nyasaye uvuli khurula mu Yerusalemu. Ninzi wakhuchelihitsa ndi niiva uliitsa khurulayo, ni kilikali uliitsa khwiirwa. Shikali katoto wahuchilila khandi nuvoola ulalonda malako kaanje?

⁴³Khulwa yako, shichila shina numeneka lilaaka liolio, khandi nuvula khulonda malako kaanje?

⁴⁴Wamanya vulahi shia shindu shiosi shitamanu shia wakholela tata wanje Daudi. Mwami Nyasaye atsitsanga khukhusalilitsa yivi, shichila vindu vitamanu via wakhola vienevo.

⁴⁵Navutswa aliitsa khungasitsa inzi nu khukhola vwami vwa tata wanje Daudi, vutsililile khuva ni tsingulu tsinyishi mihika ni mihika.”

⁴⁶Nalwo lwa Mwami Solomoni yavoolela Benaya mwana wa Yehohada atsi khwiira Shimei, ma Benaya natsia khumwiira. Solomoni neye wali ni yamihanga shivala shienesho, ni tsingulu tsinyishi.