Read tsotso 2 VAMI 12 Bible Online

2 VAMI 12 - tsotso bible

2 VAMI 12

¹Khumuhika kwa saba lwa Mwami Yehu wa Israeli yamihanga, Yohashi yakwa Mwami wa Yuda. Yamiha mu Yerusalemi khumihika makhomi kane. Mama wewe yalaangwangwa Zibia khurula mu litaala lia Beresheba.

²Yohashi yakhola likhola liu vulunji imbeli wu Mwami Nyasaye, mumatukhu keke koosi ka yali nashili mwoyo, shichila musalisi Yehohada yamwivaalilanga ka kenyekhanga akhole.

³Navutswa, havundu ha vandu vasaalilanga, hali nashili khusambulanyinywa. Vandu vatsililila khukholelaho misango, nu khusambilaho vubani.

⁴Yohashi yalaanga vasalisi navavoolela varumishile vulahi tsisenti tsia varungwangwa khulondokhana khu misango chia kholekhanilanga mu Litempeli, khali vushuru vwarungwang'wa shichila misango chia kholekhanga shia khase khosi nende tsisenti tsia vandu virulitsanga khuhaana nu mwoyo mulala khuli vihanwa.

⁵Shia musalisi wosi, neye wasinjililanga tsisenti tsia yavo vakholelanga muhinzilu vahaananga. Tsisenti tsienetso, natsio tsia varumishila khulomba vuyia litempeli, khuli kenyekhanga.

⁶Navutswa khumuhika kwa makhomi kavili na chivaka, lwa Mwami Yohashi yali niyamihanga, vasalisi vali nivashili khali khulomba vuyia shia havundu hosi mu Litempeli.

⁷Yohashi yalaangamu musalisi Yehohada nende vasalisi vandi, navareeva, “Shichila shina muvulanga khulomba vuyia Litempeli? Khuraanjila nunundi muvuli khutsililila khuvikha tsisenti tsia munyolanga; khutukha muhaane, khu vatsililile khulomba vuyia Litempeli.”

⁸Vasalisi vahuchilila khusolola tsisenti khurula khu vandu, khandi khulomba vuyia Litempeli.

⁹Nalwo lwa musalisi Yehohada yavukula lisanduku, nalomba induhu mushikhunikho, navikha lisanduku lienelo himbi khu vwaali, khuluveka lu mukhono musatsa, lwa shia mundu wosi yinjilanga mu Litempeli. Vasalisi vali nivali khu muhinzilu kwavo kwa shia khase khosi, vavikha tsisenti tsiosi tsia vandu vasaalanga, nivahaana mu lisanduku.

¹⁰Isaa yosi ya valolanga tsisenti ni tsimali khwitsula mu lisanduku, mukarani wu Mwami Yohashi nende Mukali wa vasalisi voosi vitsanga, mavavalitsa; khandi vavoha mu misiko tsisenti tsia vanyolanga mu Litempeli liu Mwami Nyasaye.

¹¹Lwa vavetsanga nivakhamanya ni tsisenti tsianga, vavukulanga vaha vandu varovolwa khusinjilila muhinzilu mu Litempeli. Varumishilanga tsisenti tsienetso khurunga vandu vakholanga muhinzilu mu Litempeli liu Mwami Nyasaye -- Vafundi vi tsimbaho nende vumbashi,

¹²vumbashi va machina nende vavatsi vakhonganga machina. Vakuula tsimbaho khandi nivakhonga machina ku khulomba vuyia Litempeli liu Mwami Nyasaye; khandi nivarumishila khukuula vindu vindi viosi, vienyekhananga khulomba Litempeli khulolekha vulahi.

¹³Valekha khurumishilakhu tsisenti tsia vali nivahaani mu Litempeli khulomba tsingalayi khu ifetsa, tsindambi tsi tsitaaha, tsibakuli, visiliva, inoho shindu shindi shiosi khu itsahabu inoho ifetsa, shichila Litempeli liu Mwami Nyasaye.

¹⁴Varumishila khurunga vahinzili, khandi khukuula vindu vienyekhanga, khulu khulomba vuyia Litempeli lienelo.

¹⁵Vandu vasinjililanga muhinzilu kwenoko vali vandu vatoto; vambakhana khurunishitsa ni tsisenti tsianga tsia vali nivali natsio mu livishilu.

¹⁶Tsisenti tsia vali nivahaani, shichila vihanwa viu khurulitsaho vwoni nende vihanwa viu khuvasa shitsiavikhwangwa mu lisanduku tawe; natsio tsiali tsia vasalisi.

¹⁷Mumatukhu kenako, Mwami Hazaheli wa Siria yakwana litaala lia Gatsi, khandi navukula litaala lienelo; nakanakana khutsia khukwana Yerusalemi.

¹⁸Mwami Yohashi wa Yuda yavukula vihanwa viosi, viu Mwami Yehoshafati, Mwami Yehoramu, nende Ahazia vali nivakhola khuva vitakatifu khu Mwami Nyasaye. Yameeta khuvio vihanwa vievie mwene nende itsahabu yosi yavetsanga mu livishilu li Litempeli khandi mu inzu yu vwami. Yaruma viosi khuli shihanwa khu Mwami Hazaheli, warulitsa vasikali veve mu Yerusalemi.

¹⁹Shia shindu shindi shiosi, shiu Mwami Yohashi yakhola viahandikwa mu Shitabu shi Tshinyanga shia Vami va Yuda.

²⁰Varumishi veve vakhava khuli vanyala khumwiira, nivamwiira munzu yumbakhwa havundu ha vali nivililitsa malova, khuluveka luli ivukwi wa Yerusalemi, khu muhaanda kukholomokhanga nu kutsia havundu halaangwangwa Sila.

²¹Varumishi viira Mwami Yohashi vali Yozabadi mwana wa Shimehatsi nende Yehozabadi mwana wa Shomeri. Mwami Yohashi yakhutsa, mmbili kwekwe nu kuyeveelwa mu vilindwa via vandu vi inzu yu vwami mu litaala likali lia Daudi. Mwana wewe walaangwangwa Amazia, yamiha havukono hehe khuli mwami.