Read tsotso 2 VAMI 16 Bible Online

2 VAMI 16 - tsotso bible

2 VAMI 16

¹Khumuhika kwi likhomi na saba kwa Mwami Peka yamihanga Israeli, Ahazi mwana wa Yotsamu yakwa Mwami wa Yuda

²nali ni mihika makhomi kavili. Yamiha mu Yerusalemi khumihika likhomi na sita. Shiyalondakhu mwiima mulahi kwa kuuka wewe Mwami Daudi tawe; nikhali yakhola vindu vikhayaanzitsanga Mwami Nyasaye, uli Nyasaye wewe

³nalonda mwiima kwa vami va Israeli vakholanga. Khali yakholela mwana wewe wi shiyayi musango, khuli shihanwa shiu khusambwa khu misambwa nalondanga mwiima kwi tsisoni kwa vandu vi tsimbia tsindi vu Mwami Nyasaye yali niyakhunga khurula mu shivala shienesho, lwa Vaisraeli visuundamu.

⁴Ahazi yakhola misango, khandi nasamba vubani havundu ha vasaalilanga, khu vikulu, khandi hasi hi shiniikha shi misala.

⁵Mwami Rezini wa Siria nende Mwami Peka wa Israeli vakwana litaala likali lia Yerusalemi nivalivotokhana, navutswa vakhaywa khukuura Mwami Ahazi.

⁶Mumatukhu kenako, Mwami Rezini wa Siria yakalushitsa litaala lia Elatsi khu Siria niyakhakhunga vandu va Yuda khurulamu. Vaedomu visuunda khumenya mu litaala lia Elatsi khandi vashimenyangayo nunundi.

⁷Ahazi yaruma varumwa khutsia khu Mwami Tigilatsi Pileseri wa Ashuria, ni likhuva yili, “Ninzi murumishi wowo wirulitsa. Hamba umbonyinyi khurula khu Mwami wa Siria nende Mwami wa Israeli, vangwananga.”

⁸Mwami Ahazi yavukula ifetsa nende itsahabu yavetsanga mu Litempeli liu Mwami Nyasaye khandi mu livishilu lia vandu vi inzu yu vwami manarumila Mwami wa Ashuria khuli shihanwa.

⁹Mwami wa Ashuria yamukholela kali malahi lwa yakwana litaala lia Damasika khandi nalikumila ni tsingulu. Yahila vandu vamenyanga mu litaala lienelo mu litaala lia Kiri khuva khuli vavohe niyiira Mwami Rezini.

¹⁰Mwami Ahazi yasimukha, natsia mu litaala lia Damasika, khutsia khwakana nu Mwami Tigilatsi Pileseri wa Ashuria. Mwami Ahazi yalola vwaali mu litaala lia Damasika, manarumila musalisi Uria shimanyilu shiu vwaali, ni livaala liraambi khuli vunyala khumbakhwa.

¹¹Musalisi Uria yumbakha vwaali khulondokhana khu livaala liu Mwami Ahazi, yali namurumili khurula mu litaala lia Damasika, namala khuliumbakha khali Mwami Ahazi nashili khukalukha.

¹²Lwa Mwami Ahazi yakalukha narula mu litaala lia Damasika, nalola vwaali, yisuunda khuvwo, khandi nahaana khuvwo vihanwa.

¹³Yakholela khu vwaali vwenovo shihanwa shiu khusambwa, khandi narakhu shihanwa shi imu, nasuundulakhu shihanwa shi idivai, namitsa masahi ki shihanwa shiu khulera milembe khuvwo.

¹⁴Vwaali vwalombwa khu mukasa vwakholwa khuva vutakatifu vwali hakari wu vwaali vuyia nende Litempeli liu Mwami Nyasaye; khulwa yako, Mwami Ahazi yavusuunda khuluveka luli ivuluka wu vwaali vuyia.

¹⁵Mwami Ahazi yahaana lilako khu musalisi Uria: “Urumishile vwaali vwanje vukali yuvu khukholelakhu vihanwa viu khusambwa viu mu mavwevwe nende vihanwa vi imu via halukolovo, vihanwa viu khusambwa nende vihanwa vi imu viu mwami wi shivala nende vandu, khandi shihanwa shi idivai ya vandu. Uliitsa khusuundula khuvwo masahi ki miruku chia vakholele misango. Navutswa uliitsa khumbishila vwaali vwalombwa khu mukasa ndumishile khukhola vukhumu.”

¹⁶Musalisi Uria yakhola khuli Mwami Ahazi yali namuvoolele akhole.

¹⁷Mwami Ahazi yavikha haluveka makaare kalombwa khu mukasa karumikhanga mu Litempeli liu Mwami Nyasaye khandi narulitsa tsingalayi tsia vetsanga khutsio. Yavukula khandi litanji lialombwa khu mukasa khurula khu mikongo chi vihuunwa likhomi na vivili vialombwa khu mukasa, navikha khu musinji kwi lichina.

¹⁸Mwami Ahazi yarulitsa khandi shindu shia vasinjilakhu shi inzu yi shisoko shiu vwami, maniyikala vwinjililu vu mwami yinjililaamu mu Litempeli liu Mwami Nyasaye mu vwivisi.

¹⁹Shia shindu shindi shiosi shiu Mwami Ahazi yakhola, viahandikwa mu Shitabu shi Tsinyinga shia Vami va Yuda.

²⁰Ahazi yakhutsa, mmbili kwekwe nu kuyeveelwa mu vilindwa via vami vayeveelwamu mu litaala likali lia Daudi; ma mwana wewe Hezekia, niyamiha havukono hehe khuli mwami.