Read tsotso 2 VAMI 25 Bible Online

2 VAMI 25 - tsotso bible

2 VAMI 25

¹Khumuhika kwa tisa, kwa Zedekia yali nali mwami, khulitukhu li likhomi, Mwami Nebukadineza wa Babilonia yitsa na vasikali veve voosi, khukwana litaala likali lia Yerusalemi. Yalivotokhana khandi niyumbakha khundulu khwalio tsimbinga tsiu khulishinga.

²Litaala likali liavotokhanwa khutukha khumuhika kwi likhomi nu mulala kwa Zedekia yamihanga.

³Khulitukhu lia tisa, liu mweli kwa khane khumuhika kwenoko, lwa inzala yali indulu, khali vandu nivavula shiukhulia shia vanyala khulia,

⁴vinjila khuvirila mu masisi ki litaala likali kali nikapomolwa. Khali niiva Vababilonia vali nivavotokhananga litaala likali, vasikali voosi vilukha mu vutukhu. Vilukha nivavirila khu muhaanda kuli himbi khu mulimi ku vwami, nivatsia khuvirila mu vwinjililu vwi shilivwa shili hakari ha masisi kavili, nivilushila khuluveka lu Luhoongo lwa Yorodani.

⁵Navutswa vasikali Va Babilonia vahitsanyinya Mwami Zedekia, nivamukumila ni tsingulu mu lwomera luli mu litaala lia Yeriko; vasikali veve voosi nivamwilukha.

⁶Mwami Zedekia yahilwa khu Mwami Nebukadineza, wali nali mu litaala lia Ribula. Naho wu Mwami Nebukadineza yamukhalachila likhutsa.

⁷Lwa Zedekia yali nashiheenzanga, vaana veve vi shiyayi viirwa. Vahutuula tsimoni tsia Zedekia, nivamuvoha ni minyololo, nivamuhila mu litaala lia Babilonia.

⁸Khulitukhu lia saba liu mweli kwa kharanu, khumuhika kwi likhomi na chiranu, kwa Mwami Nebukadineza wa Babilonia yamihanga, Nebuzaradani, wali nali mwimilili wa vasikali, khandi murumishi wu Mwami Nebukadineza wa Babilonia yatukha mu Yerusalemi.

⁹Yasamba nu mulilu Litempeli liu Mwami Nyasaye, inzu yu vwami, nende tsinzu tsia vandu voosi vali nivaheelwa luyali mu Yerusalemi.

¹⁰Mukaanda kwa vasikali veve voosi, vapomolanyinya masisi ki litaala likali.

¹¹Nalwo lwa Nebuzaradani yavukula vandu vali nivarikale mu litaala likali, vandu vali nivechela mihinzilu, halala na yavo vali nivilushi khutsia khwiyunga nu Mwami wa Babilonia, navahila Babilonia.

¹²Navutswa yalekha vandu vamanani mu lusomo lwa Yuda, vali nivavula miandu, navakhola khukhola mihinzilu mu milimi chi misabibu nende milimi chindi.

¹³Vababilonia vatong'olanyinya mu vitonye tsirilu tsiali ni tsili mu Litempeli liu Mwami Nyasaye, vikuru vi tsitaaha nende litanji liali ni lialombwa khu mukasa. Yavukula vindu vienevo, navihila mu litaala lia Babilonia.

¹⁴Vavukula khandi vuuma nende vindu vi likooshe lia vikhwakhu via varumishilanga khwochitsa vwaali, vindu viarumikhanga khuhaambitsila tsitaaha, tsibakuli tsiarumikhanga khwinulila masahi khurula mu misango, tsibakuli tsiarumikhanga khusamba vubani, nende vindu vindi viosi viali ni vialombwa khu mukasa viarumikhanga khukhola muhinzilu mu Litempeli.

¹⁵Vavukula khandi luucho nende tsibakuli tsia varumishilanga khumitsa -- tsiosi tsiali ni tsialombwa khu itsahabu indahi inoho ifetsa.

¹⁶Vindu viali ni vialombwa khu mukasa viu Mwami Solomoni yali niyalomba mu Litempeli -- tsirilu tsivili, vikuru nende litanji likali -- viali nu vulitoho khuvira shichelo.

¹⁷Tsirilu tsivili tsienetso tsiasasananga; shia indala yali ni tsimita 2.8 khutsia khwikulu, halala ni shindu shiali ni shialombwa khu mukasa ikulu wa shia irilu. Khwikulu khwa shia shindu shienesho khwalikhu ni shindu shiali ni shialombwa vulahi muno, khandi vindu viasasanga matunda ka pomenguraneti kali nikalombwa khu mukasa.

¹⁸Khumeeta khu vindu vienevo, Nebuzaradani, nali mwimilili wa valindi yavukula Mukali wa vasalisi voosi Seraya, Zefania, wali nali musalisi wa khavili khulonda khuye nende valindi vavaka vi miliango.

¹⁹Yavukula khurula mu litaala likali mwimilili wimililanga mukaanda kwa vasikali, vandu varanu khurula mu shikhaalo shiu Mwami Nebukadineza vali nivali mu litaala likali; muhandichi wu mwimilili wu mukaanda kwa vasikali wali nalaanji vandu vi shivala shienesho; khandi vandu makhomi sita vali nivamanyikhana mu litaala likali.

²⁰Nebuzaradani, wali nali mwimilili wa valindi yavavukula, navahila voosi khu Mwami wa Babilonia, wali nali mu litaala lia Ribula

²¹lili mu lusomo lwa Hamaatsi. Mwami Nebukadineza yahaana lilako liu khurumulwa khandi khwiirwa. Khulwa yako, vandu va Yuda varulitswa mu shivala shiavo, nivahilwa mu vuhaambe.

²²Mwami Nebukadineza wa Babilonia yarovola Gedalia mwana wa Ahikamu khandi mukuuka wa Shafani khuva gavana wa Yuda. Yamuha vunyali vu khusinjilila vandu voosi vali nivarikala mu lusoomo lwa Yuda.

²³Lwa vimilili voosi vi mikaanda chia vasikali nende vasikali vavo vahulila ndi Mwami wa Babilonia umali khurovola Gedalia khuva gavana, vasimukha nivatsia mu litaala lia Mizipa khulola Gedalia. Vimilili venavo vali Ishimaeli mwana wa Netsania, Yohanani mwana wa Kareha, Seraya mwana wa Tanihumetsi wi litaala lia Netofa nende Yazania wi litaala lia Maaka.

²⁴Gedalia yavisuuhila, navavoolela, “Leshi khuria shichila vimilili va Vababilonia. Mumenye mu shivala shienesho, murumishile Mwami wa Babilonia, muve ni limenya lilahi.”

²⁵Navutswa khu mweli kwa saba khumuhika kwenoko, Ishimaeli mwana wa Netsania khandi mukuuka wa Elishama, mulala khu vandu vi inzu yu vwami, yasimukha natsia mu litaala lia Mizipa, halala na vandu likhomi, khutsia khukwana Gedalia, khutukha lwa vamwiira. Yiira khandi Vaisraeli nende Vababilonia, vali ni vamenyayo naye.

²⁶Nalwo lwa Vaisraeli voosi, khali vahinda nende vamanani, halala na vimilili vi mikaanda chia vasikali vilukha nivatsia mu shivala shia Misri, shichila varia Vababilonia.

²⁷Khumuhika kwa Evilumerodaki yakwa Mwami wa Babilonia, yakholela Mwami Yehoyakini kali malahi, lwa yamuvoholola khurula mucheela. Yaka kikholekha khulitukhu lia makhomi kavili na saba, mweli kwi likhomi na chivili, khumuhika kwa makhomi kavaka na saba, lwa Yehoyakini yali navukulwi khutsia muvuvohe.

²⁸Evilumerodaki yamuvukula vulahi, khandi namuha muhinzilu ku luyali khuvira kwa yali niyaha vami vandi voosi mu litaala lia Babilonia vali nivamenya naye mu vuhaambe.

²⁹Yehoyakini yahuchililwa khunavula tsinguvu tsietsie tsiu mucheela. Yali wamenya naliitsanga khu imesa yu Mwami Evilumerodaki.

³⁰Shia litukhu, Mwami Evilumerodaki yali wamenya naheetsanga Yehoyakini tsisenti tsiu khurumishila mu limenya lielie, khu via mwene yenyanga.