Read tsotso 1 TSINYINGA 15 Bible Online

1 TSINYINGA 15 - tsotso bible

1 TSINYINGA 15

¹Lwa Daudi yali namali khumbakha mwene tsinzu tsietsie mu litaala likali lia Daudi, yalombela Lisanduku li Lilakano lia Nyasaye, havundu halivikhwa, khali naliumbashila liheemo.

²Nalwo lwa Daudi yavoola, “Vandu vuluhia lwa Levi vonyene vutswa, navo valiitsa khuchinga Lisanduku li Lilakano liu Mwami Nyasaye, shichila Mwami Nyasaye neye wa varovola khuchinga Lisanduku li Lilakano lielie, nu khumurumishila mihika ni mihika.”

³Daudi yalaanga halala Vaisraeli mu Yerusalemi, khutsia khulera Lisanduku li Lilakano liu Mwami Nyasaye, havundu ha yali niyalilombela.

⁴Daudi yalaanga halala vitsukhulu va Haruni, halala na vandu vu lwivulu lwa Levi:

⁵Elieli khurula mu indala khu tsinzivulu tsia vandu vu lwivulu lwa Levi neye witsa. Yimililanga vandu imia indala na makhomi kavili, khurula mu vandu vu lwivulu lwelwe;

⁶Asaya khurula mu vandu vu lwivulu lwa Merari neye witsa. Yimililanga vandu tsimia tsivili na makhomi kavili;

⁷Yoeli warulanga mu vandu vu lwivulu lwa Gerishoni neye witsa. Yimililanga vandu imia indala na makhomi kavaka, khurula mu vandu vu lwivulu lwelwe;

⁸Shemaya khurula mu vandu vu lwivulu lwa Elizafani neye witsa. Yimililanga vandu tsimia tsivili;

⁹Elieli khurula mu vandu vu lwivulu lwa Heburoni neye witsa. Yimililanga vandu makhomi munane;

¹⁰khandi Aminadabu khurula mu vandu vu lwivulu lwa Uzieli neye witsa. Yimililanga vandu imia indala likhomi na vavili.

¹¹Daudi yalaanga musalisi Zadoko nende musalisi Abiatsari nende vandu sita, khurula mu vandu vu lwivulu lwa Levi, nivali Elieli, Asaya, Yoeli, Shemaya, Elieli nende Aminadabu.

¹²Yavavoolela, “Munyi navo vimilili vi tsinzivulu, tsia vandu vu lwivulu lwa Levi. Munyi halala na vamwavo venyu, vuluhia lwa Levi mwitakase vene, ma mulere Lisanduku li Lilakano liu Mwami Nyasaye, uli Nyasaye wa Israeli havundu ha nalomba livishwi.

¹³Mwami Nyasaye, uli Nyasaye weru yakhusalilitsa, shichila khwalekha khulichinga lukhuraanga lwene; khali nu khuvula khulilinda khuli kenyekhanga.”

¹⁴Vasalisi nende vandu vu lwivulu lwa Levi, vinihitsa vene, khutsia khulera Lisanduku li Lilakano liu Mwami Nyasaye wa Israeli.

¹⁵Vandu vuluhia lwa Levi valichinjila khu misala khu maveeka kavo, khuli Mwami Nyasaye yali niyavoolela Musa vakhole.

¹⁶Daudi yavoolela vimilili va vandu vu lwivulu lwa Levi varovole viikho vavo, khuva vandu vu kwimba tsinyimbo tsiu vuyaanzi, nivarumishilanga vukhana, vilili, tsindulelo nende manyanga.

¹⁷Vandu vuluhia lwa Levi varovola Hemani mwana wa Yoeli; mwiikho wewe Asafu mwana wa Berekia; mwiikho wavo Etsani mwana wa Kushaya khurula mu vandu vu lwivulu lwa Merari.

¹⁸Varovola vandu vu lwivulu lwa Levi, khuvakhonyanila mu vwiyangu vwa khavili. Vandu venavo vali Zakaria, Yahazieli, Shemiramotsi, Yeheli, Uni, Eliabu, Benaya, Mahaseya, Matitsia, Elifelehu nende Mikineya; halala na valindi vi vilivwa, nivali Obedi-edomu nende Ye-hiheli.

¹⁹Vandu vu khwimba tsinyimbo vali Hemani, Asafu nende Etsani. Varovolwa khukhuva manyanga kali nikalombwa khu mukasa.

²⁰Zakaria, Azieli, Shemiramotsi, Yeheli, Uni, Eliabu, Mahaseya, nende Benaya, varovolwa khukhuva vukhana vu mwoyo munyelele kwene;

²¹navutswa Matitsia, Elifelehu, Mikinehiha, Obedi-edomu, Ye-hiheli nende Azazia, navo vimililanga vandu nivakhuva vilili viu mwoyo mukali.

²²Kenania yarovolwa khusinjilila tsinyimbo mu vandu vu lwivulu lwa Levi, shichila yali wayechela tsinyimbo.

²³Berekia nende Elikana, halala na Obedi-edomu nende Yehiha, varovolwa khuva valindi vi Lisanduku li Lilakano lia Nyasaye. Vasalisi Shebania, Yoshafati, Netsaneli, Amasai, Zakaria, Benaya, nende Eliezeri, varovolwa khukhuva visiliva imbeli wi Lisanduku li Lilakano lia Nyasaye.

²⁵Mwami Daudi, vimilili va Israeli, nende vimilili vimililanga vasikali, vasimukha nivatsia khwinjila mu inzu ya Obedi-edomu, khuvukula Lisanduku li Lilakano liu Mwami Nyasaye, nivikhoya mu vunyishi.

²⁶Vasinza tsichilishi saba nende makondi saba khukholela musango, khu Nyasaye akhonye vandu vu lwivulu lwa Levi, vachinganga Lisanduku li Lilakano.

²⁷Daudi yali wifwali ikaanzu yanaavwa khumachoro ki tsinguvu malahi muno; khali vandu vimbanga tsinyimbo, halala nu mwimilili wavo Kenania, nende vandu vu lwivulu lwa Levi, vachinganga Lisanduku li Lilakano. Daudi yali wifwali khandi shiambala shialombwa khurula khu machoro malahi.

²⁸Nalwo lwa Vaisraeli voosi vaheeleshitsa Lisanduku li Lilakano khutukha Yerusalemi niliyooko khwikhoya, muhumu kwi visiliva, tsinzika, nende manyanga, nende vukhana vwi vilili.

²⁹Lwa vali nivinjilitsanga Lisanduku li Lilakano liu Mwami Nyasaye mu litaala likali lia Daudi, mwana wi shikhana wa Saulu walaangwangwa Mikali, yaheenzela nali mu litirisha. Lwa yalola Daudi nasievanga khandi niyikhoyanga muno, yasiinyikha mu mwoyo kwekwe.