Read tsotso 1 TSINYINGA 28 Bible Online

1 TSINYINGA 28 - tsotso bible

1 TSINYINGA 28

¹Mwami Daudi yalaanga halala vimilili voosi va Israeli, khwitsa khwakanila mu Yerusalemi. Khulwa yako, vimilili voosi va vandu vi tsimbia, vimilili vasinjililanga mihinzilu mu shivala shienesho, vimilili vi tsinzivulu, vasinjilili vi miandu nende miruku chiu Mwami Daudi nende vaana veve. Katoto, vimilili vi inzu yu vwami, vimilili va vasikali, nende vimilili vandi voosi, vakanila halala mu Yerusalemi.

²Daudi yasinjila imbeli wavo navoola, “Valina vaanje, mumbulishitsi. Nzikombanga nu mwoyo kwanje, khumbakha inzu yi Lisanduku li Lilakano liu Mwami Nyasaye, linyala khuvikhwamu khumatukhu koosi, havundu wu Mwami Nyasaye, uli Nyasaye weru anyala khuseena. Mali khwirecheshitsa shia shindu shiosi, shiu khumbakha Litempeli khumuha luyali,

³navutswa wangaya mbuli khukhola ndio, shichila ndi musikali khandi nasuundula shisahi shinyishi.

⁴Mwami Nyasaye, uli Nyasaye wa Israeli, yandovola inzi nende vitsukhulu vaanje, khwamiha Israeli mihika ni mihika. Yarovola luhia lwa Yuda khuva vimilili. Khurula mu vandu vuluhia lwa Yuda, yarovolamu vandu vi inzu ya tata wanje. Khurula mu vandu vi inzu yeneyo, yalola nu vulahi navukuli inzi khandi nakholi khuva Mwami wa Vaisraeli voosi.

⁵Yachila ninzivula vaana vanyishi. Khurula muvo voosi, yarovola Solomoni khwamiha Israeli, nuvuli vwami vu Mwami Nyasaye.

⁶“Mwami Nyasaye yambolela, ‘Mwana wowo Solomoni, neye utsitsanga khunzumbashila Litempeli lianje. Mali khumurovola khuva mwana wanje, ninzi nava tata wewe.

⁷Niitsa khukhola vwami vwevwe khuvaho mihika ni mihika, niiva alatsililila khulonda malako kaanje nende makhuva kaanje koosi, khuli akholanga nunundi.’

⁸“Khulwa yako, munyi vandu vaanje, imbeli wa Nyasaye weru, khandi imbeli wi shituma shia Vaisraeli voosi, ni vali vandu vu Mwami Nyasaye, musuuvilitsanga muve vacheli mulonde shia shindu shiosi shiu Mwami Nyasaye, uli Nyasaye weru yakhuvoolela khukhole, khu mutsililile khumenya mu shivala shilahi shinu; khandi khu mulihaana khu vandu vi likhula liliitsa khuvaho vamenyemu mihika ni mihika.”

⁹“Na yivi, mwana wanje Solomoni, ulonde makhuva ka Nyasaye wa tata wowo; nu khurumishila nu mwoyo kwokwo kwosi khandi ni tsinganakani tsiu khwirulitsa, shichila Mwami Nyasaye wamanya ka khukanakananga koosi khandi ka khwikombanga khukhola. Niiva ulisuunda khuye, alakhuhuchilila; navutswa niiva ulamwambakhana, aliitsa khukhulekha mihika ni mihika.

¹⁰Khutukha umanye ndi Mwami Nyasaye, umali khukhurovola khumbakha Litempeli litakatifu lielie. Uve ni tsingulu, ukhole muhinzilu kwenoko.”

¹¹Daudi yaloshitsila Solomoni makhuva, khulondokhana khuli miumbakho chi Litempeli chiumbakhwa, miumbakho chi tsinzu tsia vavikhamu vindu nende tsinzu tsindi tsiosi, khandi Havundu Hatakatifu Hene, havundu ha vwoni vusemehwangwa.

¹²Yamuloshitsila khandi makhuva khulondokhana khuli yakanakananga lwanyi, nende tsinzu tsiuluvotokhananga kenyekhanga tsive, khandi khulondokhana khu tsinzu tsia vavikhamu vindu vi Litempeli nende vihanwa viatakaswa khu Mwami Nyasaye.

¹³Daudi yavivaalila makhuva khulondokhana khuli vasalisi nende vandu vu lwivulu lwa Levi, vanyala khukhola mihinzilu chiavo, khukhola muhinzilu mu Litempeli liu Mwami Nyasaye, nu khulinda vulahi vindu viu mu Litempeli.

¹⁴Yahaana mivaalo khulondokhana khuli varumishila ifetsa nende itsahabu khulomba vindu vienevo,

¹⁵khu shia itaaha nende shikuru shi itaaha;

¹⁶khu tsimesa tsialombwa khu ifetsa, khandi khu shia imesa yalombwa khu itsahabu, khwa vali nivavikha mukati mutakatifu.

¹⁷Yahaana khandi mivaalo khulondokhana khu vunyishi vwi itsahabu inyukhu, inyala khurumikha khulomba vuuma, tsibakuli, nende tsichupa, vunyishi vwi ifetsa nende itsahabu, inyala khurumikhwa khulomba tsisahani;

¹⁸khandi vunyishi vwi itsahabu inyukhu yonyene inyala khurumikha khulomba vwaali vu khusambilakhu vubani, khandi khulomba likaare lia li vilombe vi tsimbaha tsikhunikhanga Lisanduku li Lilakano liu Mwami Nyasaye ni tsimbaha tsiatsio.

¹⁹Mwami Daudi yavoola, “Yaka koosi kahandikwa khuli kenyekhanga kave, khulondokhana khu mivaalo ka Nyasaye mwene yambolela khole.”

²⁰Mwami Daudi yavoolela mwana wewe Solomoni, “Uve ni tsingulu nende ikholo, ukhole muhinzilu. Uvuli khuriakhu inoho khukhutsakhu mwoyo, shichila Mwami Nyasaye, uli Nyasaye wanje, wandumishila ali nivi. Shianyala khukhulekha vutswa tawe; navutswa alatsililila khuva nivi khutukha lwa muhinzilu kwosi kwenyekhanga khukholwa khu Litempeli lielie, kuliitsa khuvwa.

²¹Vasalisi nende vandu vu lwivulu lwa Levi vamali khuheelwa mihinzilu chiavo chiu khukhola mu Litempeli lia Nyasaye. Vahinzili vali nu vucheli vundi lukanu, vikombanga vakhukhonye; khali vandu voosi nende vimilili vavo, valiitsa khulonda lilako liolio.”