Read tsotso 1 TSINYINGA 3 Bible Online

1 TSINYINGA 3 - tsotso bible

1 TSINYINGA 3

¹Mwami Daudi yivula vaana vi shiyayi, lwa yamenyanga mu litaala lia Hebroni. Yivula Amunoni, wali mwana mukhulundu wewe khu mukhali wewe Ahinohamu wi litaala lia Yezireli. Yivula mwana wa khavili walaangwangwa Danieli khu mukhali wewe Abigaili wi litaala lia Karameli.

²Yivula mwana wa khavaka walaangwangwa Abisolomu khu mukhali wewe Maaka, wali mwana wi shikhana wu Mwami Talumai wa Geshuri. Yivula mwana wa khane walaangwangwa Adoniya khu mukhali wewe Hagitsi.

³Yivula mwana wa kharanu walaangwangwa Shefatia khu mukhali wewe Abitali; khandi niyivula mwana wa sita walaangwangwa Itsurehamu khu mukhali wewe Egula.

⁴Daudi yivula vaana vi shiyayi sita venavo, namenyanga mu litaala lia Hebroni. Yamiha litaala lienelo khumihika saba ni mieli sita. Daudi yamiha mu Yerusalemi khumihika makhomi kavaka na chivaka.

⁵Yivula vaana vandi, namenyanga mu Yerusalemi. Yivula Shimeya, Shobabu, Natsani, khu mukhali wewe Betsisheba, wali mwana wi shikhana wa Amieli.

⁶Daudi yivula khandi vaana vandi vi shiyayi tisa, nivali Ibuhari, Elishuha, Elifeleti,

⁷Noga, Nefegi, Yafia,

⁸Elishama, Eliada nende Elifeleti.

⁹Voosi navo vali vaana vi shiyayi va Daudi yivula, khumeeta khu vaana vi shiyayi, va yali niyivula khu vakhali veve vamenyinywa. Mbotso wavo yalaangwangwa Tamara.

¹⁰Mwami Solomoni yivula Rehobohamu; Rehobohamu niyivula Abiya. Abiya yivula Asa; Asa niyivula Yehoshafati.

¹¹Yehoshafati yivula Yehoramu; Yehoramu niyivula Ahazia. Ahazia yivula Yohashi.

¹²Yoashi yivula Amazia; Amazia niyivula Azaria. Azaria yivula Yotsamu;

¹³Yotsamu niyivula Ahazi. Ahazi yivula Hezekia; Hezekia niyivula Manaase.

¹⁴Manaase yivula Amoni; Amoni niyivula Yosia.

¹⁵Yosia yivula vaana vi shiyayi vane. Mwana mukhulundu yalaangwangwa Yohanani; wa khavili Yehoyakimu; wa khavaka Zedekia; wa khane Shalumu.

¹⁶Yehoyakimu yivula vaana vi shiyayi vavili, nivali Yehoyakini nende Zedekia.

¹⁷Yava navo vitsukhulu vu Mwami Yehoyakini, wa Vababilonia vali nivahila mu vuhaambe. Yehoyakini yivula vaana vi shiyayi saba, nivali Shalitieli,

¹⁸Malukiramu, Pedaya, Shenazari, Yekamia, Hoshama nende Nedabia;

¹⁹Pedaya yivula vaana vi shiyayi vavili, nivali Zerubabeli nende Shimei. Zerubabeli yivula vaana vi shiyayi vavili, nivali Meshulamu nende Hanania, nende mbotso wavo walaangwangwa Shelomitsi;

²⁰nende vaana vandi varanu, nivali Hashuba, Oheli, Berekia, Hasadia, nende Yushabu Hesedi.

²¹Hanania yivula vaana vi shiyayi vavili, nivali Pelatia nende Yeshaya. Yeshaya yivula Refaya; ma Refaya niyivula Arunani. Arunani yivula Obadia; Obadia niyivula Shekania.

²²Shekania yivula mwana wi shiyayi mulala walaangwangwa Shemaya; Shemaya yivula vaana vi shiyayi varanu, nivali Hatushi, Igali, Baria, Neharia, nende Shafati.

²³Neharia yivula vaana vi shiyayi vavaka, nivali Eliohenai, Hizikia, nende Azurikamu.

²⁴Eliohenai yivula vaana vi shiyayi saba, nivali Hodavia, Eliashibu, Pelaya, Akubu, Yohanani, Delaya, nende Anani.