Read tsotso 2 TSINYINGA 17 Bible Online

2 TSINYINGA 17 - tsotso bible

2 TSINYINGA 17

¹Mwana wa Asa walaangwangwa Yehoshafati yamiha havukono ha tata wewe, nava ni tsingulu tsiu khukwana Israeli.

²Yavikha mikaanda chia vasikali mu mataala koosi ki tsimbinga kali mu shivala shia Yuda, khandi mu mataala ka tata wewe Asa yali niyavukula ni tsingulu mu lusomo lwa Efurahimu.

³Mwami Nyasaye yakasitsa Yehoshafati shichila, lwa yali nashili muvukha yalonda mwiima kwa kuuka wewe Daudi yali niyalonda. Yambakhana khureeveshitsa vukhonyi khurula khu musambwa kwa Baali;

⁴navutswa yareevishitsa vukhonyi khurula khu Nyasaye wa tata wewe, nalonda malako ka Nyasaye khuvira khulonda miima chia Vaisraeli valondanga.

⁵Mwami Nyasaye yaha Yehoshafati tsingulu tsiu khwamiha Yuda; ma vandu voosi va Yuda nivamulerela vihanwa. Yali ni miandu minyishi, khandi naheelwa luyali lunyishi muno.

⁶Yihaana nu mwoyo kwosi khurumishila Mwami Nyasaye. Khali ndio, yasambulanyinya havundu ha vasaalilanga khu misambwa, nende vimanyilu viu musambwa kwa Ashera khurula mu Yuda.

⁷Khumuhika kwa khavaka, Mwami Asa yaruma vimilili vamukhonyanga muhinzilu kwekwe, nivali Benihaili, Obadia, Zakaria, Natsaneli, nende Mikaya khutsia khwechitsa mu mataala ka Yuda.

⁸Vimilili venavo vali na vandu valala vuluhia lwa Levi, nivali Shemaya, Netsania, Zebadia, Asaheli, Shemiramotsi, Yehonatsani, Adoniya, Tobia nende Tobadoniya; khali vasalisi Elishama nende Yehoramu vali halala na vandu vu lwivulu lwa Levi.

⁹Vechitsa khurula mu shitabu shia Malako ku Mwami Nyasaye, shia vali nivali nashio shia havundu hosi mu shivala shia Yuda. Vachenda shia havundu hosi mu mataala ka Yuda, niveechitsanga vandu.

¹⁰Mwami Nyasaye yachila vamihi vi vivala vindi viosi, vili himbi khu shivala shia Yuda khuria; khali nivavula khukwana Mwami Yehoshafati.

¹¹Vafilisti valala valerela Mwami Yehoshafati vihanwa, nende ifetsa khuli vushuru. Vaharabu vamulerela mamiiko tsiheelefu saba ni tsimia saba nende tsimbuli tsiheelefu saba ni tsimia saba.

¹²Mwami Yehoshafati, yatsililila khuva ni tsingulu tsinyishi muno. Yumbakha tsimbinga nende mataala ku khuvikhamu vindu mu shivala shia Yuda,

¹³nava ni vindu mu vunyishi mu mataala ka Yuda. Yali khandi na vasikali vi tsingulu vechela khukwana mu Yerusalemi.

¹⁴Yava navo vasikali varovolwa khulondokhana khu vandu vi tsinzivulu tsiavo tsia varulamu. Muluhia lwa Yuda, khwali na vimilili vimililanga mukaanda kwa vasikali iheelefu indala; Adina neye wali mwimilili wavo. Yali na vasikali tsiheelefu tsimia tsivaka;

¹⁵ulondakhu yali mwimilili Yehohanani. Yali na vasikali tsiheelefu tsimia tsivili na makhomi munane;

¹⁶wa khavaka yali Amasia mwana wa Zikuri. Yali wayirulitsa mwene khukhola muhinzilu ku Mwami Nyasaye. Yali na vasikali tsiheelefu tsimia tsivili.

¹⁷Eliada neye warulanga mu vandu vuluhia lwa Benyamini. Yali musikali wi tsingulu tsinyishi muno. Yali na vasikali tsiheelefu tsimia tsivili, niviyavaale tsingavo nende vura.

¹⁸Ulondakhu yali Yehozabadi. Yali na vasikali tsiheelefu imia indala na makhomi munane, niviyavaale viuchi viu khukwanila.

¹⁹Navo vandu varumishilanga Mwami Yehoshafati, khumeeta khu yavo va yali niyavikha mu mataala ki tsimbinga shia havundu hosi mu shivala shia Yuda.