Read tsotso 2 TSINYINGA 4 Bible Online

2 TSINYINGA 4 - tsotso bible

2 TSINYINGA 4

¹Mwami Solomoni yalomba vwaali khurula khu mukasa; vwaali vwenovo vwali ni tsimita 9 mu tsimbeka tsine khandi tsimita 4 ni tsisentimita 50 khutsia khwikulu.

²Yalomba khandi litanji khurula khu mukasa mukari mwene mwali ni tsimita 2.2, vushiama tsimita 4.4, khandi khuvoyang'ana khundulu khwalio tsimita 13.2.

³Hasi hi litanji lienelo khu tsimbeka tsiosi, khwaliho ni vindu vialolekhanga khuli ni vimuka nivivotokhananga khali himbi khumala tsimita tsi litanji lienelo liosi tsimita 13.2; viali mu tsimbaso tsivili viali nivialombwa khu shindu shilala ni litanji.

⁴Litanji likhalitswa khu vindu vialolekhanga khuli ni tsichilishi; tsivaka tsiaheenzanga khuluveka luli ivuluka, tsivaka khuluveka luli imbo, tsivaka ikuvanda, na tsindi tsivaka ivukwi. Litanji liali liarechekhwa khuvio, navutswa liali ni shibiochi hakari hene.

⁵Tsimbeka tsi litanji tsiali nu vukalamu tsimilimita 75. Shibiochi shiayo shiali khuli shikombe, nishiheenzela ilwanyi khuli viseevu via mawua. Litanji lienelo liavukulanga tsilita 60,000.

⁶Yalomba khandi tsingalayi likhomi tsiu khusavilakhu; yavikha tsiranu khuluveka luli ikuvanda wi Litempeli, khandi tsindi tsiranu khuluveka luli ivuluka. Tsiarumikhanga khukhamulula vitonye vilala vi tsinyama tsi shihanwa shiu khusambwa; vasalisi vasavanga makhono kavo mu litanji.

⁷Mwami Solomoni yalomba vikuru vi tsitaaha likhomi khu itsahabu khuli kenyekhanga ave nalombanga; yatsivikha mu Litempeli, tsiranu khuluveka luli ikuvanda na tsindi tsiranu khuluveka luli ivuluka.

⁸Yalomba khandi tsimesa likhomi, manatsivikha mu Litempeli; tsimesa tsiranu khuluveka luli ikuvanda na tsindi tsiranu khuluveka luli ivuluka. Valomba khandi tsingalayi imia indala khu itsahabu.

⁹Yalomba lwanyi lwa vasalisi, nende lwanyi lukali lwene, halala ni miliango chiu khwinjila mulwanyi lwenolo; yavekha lwanyi lwenolo nu mukasa.

¹⁰Yarenjekha litanji khuluveka luli ikuvanda ivukwi wu mumbeka lwi Litempeli.

¹¹Huramu yalomba khandi tsinyungu, vuuma, nende tsingalayi; namala muhinzilu kwa yali nakholele Mwami Solomoni khu Litempeli lia Nyasaye:

¹²Tsirilu tsivili, tsibakuli tsivili tsialolekhanga khuli ni milondi khwikulu khwi tsirilu tsienetso; vimanyilu vivili vialolekhanga khuli viasiaywa tsibakuli tsivili tsialolekhanga khuli ni milondi.

¹³Matunda ka pomenguraneti tsimia tsine kali kalombwa khu mukasa karenjekhwa mu tsimbaso tsivili khundulu khwa shia mulondi kuli khwikulu khwi tsirilu;

¹⁴vikuru nende tsingalayi tsiavio;

¹⁵litanji nende vindu vialolekhanga khuli ni tsichilishi hasi halio;

¹⁶tsinyungu, vuuma, machembe ku khulia inyama nende vindu vindi viosi via varumishilanga khukhola muhinzilu. Huramu-abi yavekha mukasa khu vindu viosi via yali niyalombela Mwami Solomoni khulu khurumikha mu Litempeli liu Mwami Nyasaye.

¹⁷Mwami Solomoni yahaana lilako vindu vienevo viosi vitsushwi mu tsinyungu tsiali mu lwomera lwa Yorodani hakari ha mataala ka Sukotsi nende Zereda.

¹⁸Mwami Solomoni yalomba vindu vienevo viosi mu vunyishi muno; khali avulakhuho mundu wamanya vulitoho vu mukasa kwarumishilwa.

¹⁹Mwami Solomoni yalomba vindu viosi viali mu Litempeli lia Nyasaye: vindu vienevo viali: vwaali vwalombwa khu itsahabu nende tsimesa tsiu khuvikhakhu mukati mutakatifu;

²⁰vikuru vi tsitaaha nende tsitaaha tsiene vialombwa khu itsahabu inyukhu; tsitaaha tsienetso tsiakhanga imbeli wa Havundu Hatakatifu Hene, khulondokhana khuli malako kenyanga;

²¹mawua, tsitaaha, nende tsingasi tsialombwa khu itsahabu inyukhu;

²²vindu viu khutsiminya tsitaaha, tsibakuli tsiu khumitsila, nende tsisahani tsiu khurakhu vubani, tsinjio tsiu khuchinga mandaa ku mulilu, viosi vialombwa khu itsahabu inyukhu. Miliango chi ilwanyi mu vwinjililu vwi Litempeli nende miliango chiu mukari chiu khwinjila Havundu Hatakatifu Hene chiavekhwa itsahabu inyukhu.