Read tsotso EZIRA 5 Bible Online

EZIRA 5 - tsotso bible

EZIRA 5

¹Mumatukhu kenako, vaprofeti vavili, mulala nali Hagai na wundi Zakaria, wali mwana wa Ido, vaprofetela Vayahudi vali nivamenya mu lusomo lwa Yuda nende Yerusalemi, khuvirila khu lira lia Nyasaye wa Israeli.

²Lwa Zerubabeli mwana wa Shalitieli nende Yeshwa, wali mwana wa Yozadaki vahulila vuprofeti vwavo, varaanga khumbakha vuyia Litempeli lia Nyasaye mu Yerusalemi. Vaprofeti va Nyasaye vavili venavo vavakhonya khukhola muhinzilu kwenoko.

³Mumatukhu kenako, gavana Tatenai wu lusomo khuluveka luli imbo wu Muchela kwa Efurate, Shelitsari-bozenai, nende veshie vatsia khuvo; nivareeva, “Ni viina umuheele vunyali vu khumbakha vuyia Litempeli yili nu khulimalila?”

⁴Vavareeva khandi, “Khuvooleli mira ka vandu vamukhonyanga khumbakha mumbakho yuku?”

⁵Navutswa shichila Nyasaye yavalindanga, vimilili va Vayahudi shivavikalila khutsililila nu muhinzilu ku khumbakha tawe. Vali vavikalila niiva likhuva liakhatushili Mwami Dario, naye avavoolele ka yenyi kakholeshe.

⁶Gavana Tatenai wu lusomo khuluveka luli imbo wu Muchela kwa Efurate, Shetsari-bozenai nende veshie vahandika ibarwa khu Mwami Dario.

⁷Khuhandikanga ibarwa iyi khu Mwami Dario, “Nyola milembe.

⁸Yivi mwami, khwenyanga khukhuvoolela ndi khwasimukha nu khutsia mu lusomo lwa Yuda, manukhunyola Litempeli lia Nyasaye wi tsingulu ni liu mbakhwangwa vuyia, na machina makali nende tsirilu nitsisimiishwi mu masisi. Muhinzilu kwenoko kwa kholekhanga ni tsingulu khandi kwatsilililanga vwangu.

⁹“Khwareeva vimilili va vandu, ‘Ni viina wamuha vunyali vu khumbakha vuyia Litempeli yili khandi khulimalishitsa?’ ”

¹⁰Khwenya vakhuvoolele mira kavo, khu khukhuvoolele ni vimilili shina vakholanga muhinzilu kwenoko.

¹¹“Vakhuchipa, ‘Khutsi khuli varumishi va Nyasaye wu mwikulu nu khulilova; khandi khumbakhanga vuyia Litempeli liali niliumbakhwa hanu mihika minyishi chiavira nu Mwami wi tsingulu wa Israeli.

¹²Navutswa shichila vakuuka veru vachila Nyasaye wu mwikulu navalolela vurima, yalekha Mwami Nebukadineza wa Babilonia, wamihanga Vababilonia khuvamiha. Litempeli liativitswa, ma vandu nivahilwa mu vuhaambe Babilonia.

¹³Navutswa khumuhika ku khuraanga muliamiha liu Mwami Kureeshi wa Babilonia, Mwami Kureeshi mwenoyo yahaana lilako ndi Litempeli lia Nyasaye liumbakhwi vuyia.

¹⁴Yarulitsa mu litempeli lia Babilonia vindu vialombwa khu itsahabu nende ifetsa, via Nebukadineza yali niyarulitsa mu Litempeli lia Nyasaye mu Yerusalemi; khandi via yali niyavikha mu litempeli lia Babilonia. Mwami Kureeshi yavukula vindu vienevo naha Sheshibazari, wa yali narovole khuva gavana.

¹⁵Mwami Kureeshi yamuvoolela: Vukula vindu yivi; simukha ukalushitsi mu Litempeli lili mu Yerusalemi, ma uleshe Litempeli lia Nyasaye liumbakhwi havundu ha liali ni liumbakhwa khale.

¹⁶Nalwo lwa Sheshibazari mwenoyo yitsa naraanjitsa musinji kwi Litempeli lia Nyasaye mu Yerusalemi; khandi khuraanjila mumatukhu kenako, lishitsilililanga khumbakhwa, khali muhinzilu kushili khuvwa.’

¹⁷“Khulwa yako, nikava ka yaanzitsanga yivi mwami, lekha varunishitsi mu vitabu viahandikwamu makhuva ka vandu vi inzu yu vwami khulole niiva toto nivi wahaana lilako Litempeli lia Nyasaye yili liumbakhwi vuyia mu Yerusalemi. Nu vulahi nukhuvoolele khutsi ka wenyanga kakholeshe khulondokhana khu makhuva yaka.”