Read tsotso EZIRA 6 Bible Online

EZIRA 6 - tsotso bible

EZIRA 6

¹Mwami Dario yahaana lilako liu khurunishitsa mu vitabu viahandikwamu makhuva khulondokhana khu inzu yu vwami viali niviavikhwa mu litaala lia Babilonia.

²Navutswa vanyola shitabu mu litaala lia Ekibatana mu lusomo lwa Media; yaka nako makhuva kali kahandikwamu:

³“Khumuhika ku khuraanga muliamiha liu Mwami Kureeshi, Mwami Kureeshi mwenoyo yahaana lilako ndi Litempeli lia Nyasaye mu Yerusalemi liumbakhwi vuyia. Lienyekhanga live havundu ha vanyala khukholela misango khandi ha vihanwa viu khusambwa viliitsa khulerwa. Vuraambi vwi Litempeli khutsia ikulu vulava khandi tsimita 27 nende vukalamu tsimita 27.

⁴Masisi kalumbakhwa muvikha vivaka via machina, ni shikha shilala shi misala. Mirungu chiosi chiliitsa khurungwa khurula mu livishilu lia vandu vi inzu yu vwami;

⁵Vindu viosi vialombwa khu itsahabu nende ifetsa, viu Mwami Nebukadineza yali niyavukula mu Litempeli lia Yerusalemi, manahila mu litaala lia Babilonia vienyekhanga khukalushitswa mu Litempeli lia Nyasaye mu Yerusalemi, shia shindu khuvikhwa ha shiarulitswa.”

⁶Mwami Dario yahaana mivaalo yaka: “Mbandikanga khu Tatenai, nali gavana wu lusomo khuluveka luli imbo wu Muchela kwa Efurate, Shetsari-bozenai nende veshie halala na varumishi vandi khuluveka luli imbo wu Muchela kwa Efurate. “Muve ihale wene khurula khu Litempeli

⁷khandi muleshe khwinjilila vumbashi valio. Leshi gavana wa Yuda nende vimilili va Vayahudi vumbashe vuyia Litempeli lia Nyasaye havundu ha liali niliumbakhwa khale.

⁸Khulwa yako, mbananga lilako ndi muvakhonye muhinzilu ku khumbakha vuyia Litempeli lia Nyasaye. Mirungu chiavo chiosi chienyekhanga chirunjwi khurula khu vushuru vwa ndungwangwa mu lusomo khuluveka luli imbo wu Muchela kwa Efurate, khu muhinzilu kwenoko kuvuli khusinjila.

⁹Shia vuli litukhu, mwenyekhanga muhe vasalisi vali mu Yerusalemi shia shindu shiosi shia vamureeva, vuchila khucheleva. Muliitsa khuvaha vihuunwa, mamiiko nende vimeme via makondi khuli vihanwa viu khusambwa khu Nyasaye wu mwikulu. Mulavaha khandi inganu, ichumbi, idivai, na makura ku musayituni, via venyanga shia litukhu;

¹⁰khu vakhole misango chiyaanzitsanga Nyasaye uli mwikulu, khandi vasaalilikhu inzi mwami halala na vaana vaanje.

¹¹Meetanga lilako ndi niiva mundu aliitsa khwambakhana khulonda lilako lienelo, mukuulu kuliitsa khupomolwa khurula khu inzu yeye; khandi aliitsa khulivirwa khukwo, khu inzu yeye ikholwi khuva shituma shi indakala.

¹²Nyasaye warovola Yerusalemi khuva havundu hehe, ha vasaala khuye khulu khutivitsa mwami inoho shivala shiosi shihinganyinya lilako yili, khandi shichelitsanga khutivitsa Litempeli lia Nyasaye lili mu Yerusalemi yili. Inzi Dario, mbani lilako yili. Lienyekhanga lilondwi vuchila mahingani koosi.”

¹³Khulwa yako, Tatenai wali gavana wu lusomo khuluveka luli imbo wu Muchela kwa Efurate, Shetsari-bozenai, nende veshie vakhola ka vanyala khurweshitsa muhinzilu ku Mwami Dario yali niyavoola vakhole.

¹⁴Vimilili va Vayahudi vatsililila vulahi nu muhinzilu ku khumbakha Litempeli, nivatinyilitswa na vaprofeti Hagai nende Zakaria. Vamala khumbakha Litempeli khuli Nyasaye wa Israeli yali niyavavoolela vakhole, khandi khuli Mwami Kureeshi, Mwami Dario, nende Mwami Aratashasita, nivali vami va Perisia vali nivavavoolela.

¹⁵Vamala khumbakha Litempeli khulitukhu lia khavaka liu mweli kwa Adari, khumuhika kwa sita muliamiha liu Mwami Dario.

¹⁶Nalwo lwa Vaisraeli, vasalisi, vandu vu lwivulu lwa Levi, nende vandi voosi vali nivakalukha nivarula mu vuhaambe vakhola Litempeli lia Nyasaye khuva litakatifu nu vuyaanzi.

¹⁷Khulitukhu liu mulukha ku khukhola Litempeli lia Nyasaye khuva litakatifu, vahaana vihuunwa imia indala, mamiiko tsimia tsivili nende vimeme via makondi tsimia tsine khuli vihanwa viu musango. Tsimbuli likhomi na tsivili viahaanwa khuli vihanwa viu khurulitsaho vwoni shichila tsimbia likhomi na tsivili tsia Israeli.

¹⁸Khu, vasalisi nende vandu vu lwivulu lwa Levi vakavulwa khulondokhana khu mikaanda chiavo khukhola mihinzilu mu Litempeli lia Nyasaye mu Yerusalemi, khulondokhana khu mivaalo koosi kahandikwa mu shitabu shia Musa.

¹⁹Khulitukhu lia makhomi kavili na lilala khu mweli ku khuraanga, vandu vali nivakalukha nivarula mu vuhaambe vikhoyela Mulukha kwa Pasaka.

²⁰Vasalisi nende vandu vu lwivulu lwa Levi voosi vali vitakasi vene, voosi nivakwili vanihu. Vandu vuluhia lwa Levi vasinza miruku chiu khukhola Mulukha kwa Pasaka shichila vandu voosi vali nivakalukha nivarula mu vuhaambe, vasalisi veshie, khali shichila vo vene.

²¹Nalwo lwa Vaisraeli vali nivakalukha nivarula mu vuhaambe valia shiukhulia shiu musango kwenoko; khali yavo voosi vali nivalekhana ni miima mitamanu chia vandu vi tsimbia tsindi khulu khusaala khu Mwami Nyasaye, uli Nyasaye wa Israeli.

²²Vikhoyela Mulukha Kukhulia Mukati kwalombwa vuchila Mamela khumatukhu saba. Vandu vali nu vuyaanzi vunyishi mu shivala shienesho, shichila Mwami Nyasaye yakalukhanyinya liiva liu Mwami wa Ashuria, navakhonya khumbakha vuyia Litempeli lia Nyasaye wa Israeli.