Read tsotso ESITA 3 Bible Online

ESITA 3 - tsotso bible

ESITA 3

¹Lwa vindu vienevo viakholekha, Mwami Ahaseru yachinguula Hamani nali mwitsukhulu wa Agagi khu muhinzilu ku vunyali; Hamani yali mwana wa Hamedatsa. Mwami Ahaseru yamuha shisoko shiu luyali lukali khuvira vimilili vandi voosi va yamihanga navo.

²Varumishi voosi vu Mwami Ahaseru vali nivali ha shilivwa vasikama manivinamila Hamani khulu khumuha luyali; shichila Mwami Ahaseru yahaana lilako vakhole kenako. Navutswa Modekai yambakhana khusikama inoho khumwinamila khulu khumuha luyali.

³Nalwo lwa varumishi vu Mwami Ahaseru vali nivali ha shilivwa shiu Mwami Ahaseru vareeva Modekai, “Shichila shina wambakhane khulonda lilako liu Mwami Ahaseru?”

⁴Shia litukhu vali vamenya nivalomolomanga khuye; navutswa yambakhana khuvahulishitsa. Khulwa yako, vavoolela Hamani makhuva kenako khwenya khulola niiva anyala khutsililila khwikhutsila mwiima kwa Modekai; shichila Modekai yali uvavoolele ndi nu Muyahudi.

⁵Lwa Hamani yalola ndi Modekai wambakhane khusikama inoho khumwinamila khulu khumuha luyali; yali mululu muno.

⁶Navutswa Hamani yali ni lienya liu khusalilitsa Modekai wonyene vutswa. Khulwa yako, lwa yavoolelwa vandu va Modekai yivulwamu, Hamani yakhava khuli anyala khwiira Vayahudi voosi, shia havundu hosi mu shivala shiu Mwami Ahaseru yamihanga.

⁷Khumweli ku khuraanga, nu kuli mweli kwa Nisani, khumuhika kwi likhomi na chivili kwa Mwami Ahaseru yamihanga, shia litukhu Hamani yahaananga lilako ikura ikhuvwi (Vachilaanganga, “Puri”). Vali vamenya nivachikhuvanga shia khu mweli khutukha khu mweli kwi likhomi na chivili, nu kuli mweli kwa Adari.

⁸Nalwo lwa Hamani yavoolela Mwami Ahaseru, “Vandu vandi vali munu vasalana khandi vayiyahula haluveka mu tsisomo tsiosi mu shivala shia wamihanga. Vali na malako lukanu vutswa khurula khu malako ka vandu vi tsimbia tsindi, khandi vambakhananga khulonda malako koko yivi Mwami Ahaseru. Khulwa yako, vulava vutamanu nutsililila khwikhutsila ka vakholanga.

⁹Niiva ka khuyaanzitsanga yivi Mwami Ahaseru, haana lilako liu khuvativitsa; khandi ninzi urunga ifetsa inyishi khuvira tsikilo 10,000 khurula mu livishilu liu vwami khu vandu vakhola muhinzilu kwenoko.”

¹⁰Mwami Ahaseru yanavula ipete yeye ya yarumishilanga yu muhuuli khu shitere shieshie, naha Hamani mwana wa Hamedatsa, wali mwitsukhulu wa Agagi, wali nali mutsiku wa Vayahudi.

¹¹Mwami Ahaseru yavoolela Hamani, “Uheelelwi tsisenti nende vandu, wu vakhole ka khuyaanzitsanga.”

¹²Nalwo lwa vakarani vu Mwami Ahaseru valaanga halala khulitukhu li likhomi na khavaka liu mweli kukhuraanga. Likhuva liahandikwa khu vamihi vu Mwami Ahaseru, vagavana vi tsisomo, khandi khu vimilili va vandu voosi, khu shia lusomo mululomolomo lwa vandu vamenyanga mulwo, khandi khu shia mundu mululomolomo lwelwe, khulondokhana khuli Hamani yali navooli. Likhuva lienelo liahandikwa khuvirila khu lira liu Mwami Ahaseru, manilituuywakhu muhuuli kwi ipete yeye.

¹³Vilukhachi vahila lilako lienelo mu tsisomo tsiosi tsiu mu shivala shienesho. Lialimu na mivaalo ndi khulitukhu lilala, nilili litukhu li likhomi na khavaka liu mweli kwa Adari, Vayahudi voosi -- vatititi nende vahindila, vakhali nende vaana -- kenyekhanga viirwi. Venyekhanga vasinzwi, vuchila khuvelwa tsimbavasi, mavavanuuli miandu chiavo.

¹⁴Makhuva kahandikwa kahaanwa kasomwi shia havundu hosi mu tsisomo tsi shivala shienesho, khwenya shia mundu yirecheshele litukhu lialaakwa.

¹⁵Vandu vilukhaka nivatsia khulanditsa likhuva lienelo khulondokhana khu lilako liu Mwami Ahaseru yahaana; lilako lienelo liahaanilwa mu lwanyi lwi litaala lia Susa. Mwami Ahaseru nende Hamani vikhala hasi manivang'wa; navutswa shileeche shiraanjitswa mu litaala lia Susa.