Read tsotso KHURULA 21 Bible Online

KHURULA 21 - tsotso bible

KHURULA 21

¹“Ha Vaisraeli mivaalo yaka,

²Niiva muliitsa khukuula murukwa Muhebrania, aliitsa khumukholela muhinzilu khumihika sita. Navutswa khumuhika kwa saba, aliitsa khukholwa khuva muvoholole, vuchila khurungwakhu shindu shiosi.

³Niiva yali nashili khuhila mukhali lwa yali niyakhakwa murukwa wenyu, aliitsa khuvula khuvukulakhu mukhali, lwa aliitsa khuva nahuyanga. Navutswa niiva yali wahila mukhali, lwa yali niyakhakwa murukwa wenyu, aliitsa khuhuya nu mukhali wewe.

⁴Niiva muruchi wewe aliitsa khumuha mukhali, ma mukhali mwenoyo yivuli khuye vaana vi shiyayi inoho vi shikhana, mukhali mwenoyo nende vaana veve, valiitsa khuva vu muruchi mwenoyo. Mundu mwenoyo aliitsa khurulaho makhono mele.

⁵Navutswa niiva murukwa mwenoyo aliitsa khuvoola havulavu ndi wayaanza muruchi wewe, mukhali wewe nende vaana veve, khandi yenyanga khuvula khukholwa khuva muvoholole,

⁶muruchi wewe aliitsa khumuvukula amuhile havundu ha vasaalilanga. Aliitsa khumuvoolela naliyo yitiili khu muliango inoho khu ifulemu yu muliango nu khumuhutuula liroyi lielie. Nalwo lwa aliitsa khuva murukwa wewe, khumatukhu koosi ka aliitsa khuva nashili mwoyo.

⁷“Niiva mundu aliitsa khukuulitsa mwana wi shikhana wewe khuli murukwa, mwana wi shikhana mwenoyo, aliitsa khuvula khukholwa khuva muvoholole, khuli vandu vasatsa varukwa vakholwangwa khuva vavoholole.

⁸Niiva aliitsa khukuulitswa khu mundu wundi wenyanga khumuhila ave mukhali wewe, navutswa wayambakhana khumuyaanza, aliitsa khukuulitswa khandi khu tata wewe. Muruchi wewe shianyala khumukuulitsa khu vandu vacheni tawe, shichila aliitsa khuva namwihonele.

⁹Niiva mundu musatsa aliitsa khukuula murukwa mukhali khuveshela mwana wi shiyayi wewe, aliitsa khumuvukula khuli mwana wewe wi shikhana.

¹⁰Niiva mundu aliitsa khuhila mukhali wa khavili, alatsililila khuha mukhali wewe, wali wu khuraanga shiukhulia shia yamuheetsanga nende tsinguvu; aliitsa khumukhola khandi khuva nu vunyali vwa yavetsanga navwo.

¹¹Niiva aliitsa khuvula khumuha vindu vivaka vienevo, aliitsa khukholwa khuva muvoholole, vuchila khurungwakhu tsisenti tsiosi.

¹²“Mundu uliitsa khurumula wundi nu khumwiira, aliitsa khwiirwa.

¹³Navutswa niiva aliitsa khwitsukhana namwiiri, vuchila khwenya khumwiira, aliitsa khwilukha atsi havundu ha murovolela; naye aliitsa khuva mu milembe.

¹⁴Navutswa lwa mundu aliitsa khuva nu vurima nu khwiira wundi kalalani, mundu mwenoyo aliitsa khwiirwa, khali niiva aliitsa khwilukha atsi khu vwaali vwanje, atsililile khuva mu milembe.

¹⁵“Mundu uliitsa khurumula mama wewe inoho tata wewe, aliitsa khwiirwa.

¹⁶“Mundu uliitsa khukumila mundu ni tsingulu, kave yenyanga khumukuulitsa inoho khumuvikha khuli murukwa wewe, aliitsa khwiirwa.

¹⁷“Mundu uliitsa khulaama tata wewe inoho mama wewe, aliitsa khwiirwa.

¹⁸“Niiva vandu vavili valiitsa khuva nivakwananga, ma mulala khuvo arumuli wundi ni lichina inoho shikhusi, nikhali avuli khukhutsa, navutswa amenye mu shitali ni yalwalilamu,

¹⁹mundu wamurumula aliitsa khuva wakhola shindu shitamanu, niiva mundu wa yali niyarumula mwenoyo aliitsa khusosa, machendele indovoshi. Navutswa aliitsa khurunga mundu wa yasalilitsa mwenoyo, shichila wamumalila vwiyangu vwevwe; khandi achelitsi khumulinda vulahi vwene khutukha lwa aliitsa khuhona.

²⁰“Niiva mundu aliitsa khuvukula indovoshi nu khurumula murukwa wewe, ave murukwa musatsa inoho mukhali, ma murukwa mwenoyo akhutsili havundu ha yarumulilwa henaho, mundu wamurumula woyo aliitsa khusalilitswa.

²¹Navutswa aliitsa khuvula khusalilitswa, niiva murukwa mwenoyo aliitsa khuhona, niyakhamala litukhu lilala inoho kavili; shichila murukwa nu mulala khu miandu chiechie.

²²“Niiva vandu valiitsa khuva nivakwananga, valiitsa khutuuya mukhali waheelitsa nu khuhulula mwana wa yaheelitsa, navutswa avuli khusalila vutamanu, mundu ukholi kenako aliitsa khuvasitswa tsisenti tsiosi tsiu musatsa mwene mukhali mwenoyo, aliitsa khuviritsa, khulondokhana khu shia vakhalachi valiitsa khuva nivaviritsi.

²³Navutswa niiva mukhali mwenoyo mwene aliitsa khusalila, khusalila khu mundu mwenoyo khuliitsa khuva vulamu khu vulamu,

²⁴imoni khu moni, liino khu liino, mukhono khu mukhono, shilenje khu shilenje,

²⁵niiva aliitsa khusamba nu mulilu, khali ye mwene aliitsa khusambwa nu mulilu. Niiva aliitsa khumuha tsinguma, khali ye mwene aliitsa khunyola tsinguma, niiva aliitsa khumuha likuule khali, ye mwene aliitsa khunyola likuule.

²⁶“Niiva mundu aliitsa khurumula murukwa wewe musatsa, inoho mukhali imoni ma ihutuushi, aliitsa khukhola murukwa mwenoyo khuva muvoholole khu kuve nakwo murungu khu imoni ya yahutuula.

²⁷Niiva mundu aliitsa khumutong'ola liino, murukwa mwenoyo aliitsa khukholwa khuva muvoholole kuve nakwo murungu khu liino lia yatong'ola.

²⁸“Niiva shihunwa shilitsa khutuuya mundu, ma mundu mwenoyo akhutsi, shihunwa shienesho, shilitsa khuleswa na machina. Inyama yi shihunwa shienesho, shilitsa khunyanywa tawe; navutswa mundu washivaya aliitsa khuvula khusalilitswa.

²⁹Navutswa niiva shihunwa shienesho, shiliitsa khuva shianala khutuuya vandu shia khase khosi khandi mundu washivaaya yali wamenya niyavavoolelwa, navutswa wayambakhana khushivoha -- niiva shilitsa khutuuya mundu khandi akhutsi, shihunwa shienesho, shilitsa khuleswa na machina. Mundu washivaya mwenoyo aliitsa khwiirwa khandi.

³⁰Nikhali, niiva mundu washivaya aliitsa khuhuchililwa khuvasa, khu avuli khwiirwa, aliitsa khuvasa shivaso shiosi shitushili.

³¹Lilako yili, liliitsa khurumikha khandi khali niiva ichilishi, iliitsa khutuuya mwana wi shiyayi inoho mwana wi shikhana.

³²Niiva ichilishi iliitsa khutuuya murukwa musatsa inoho murukwa mukhali, mundu washivaya aliitsa khurunga mwene murukwa woyo ifetsa vitonye makhomi kavaka; ma ichilishi yeneyo ileswi na machina khutukha lwa iliitsa khukhutsa.

³³“Niiva mundu aliitsa khukhunula vwina vwi icho inoho aliitsa khuyeeva icho yindi, vuchila khuchikhunikha, ma shihunwa inoho ipunda ikwimu,

³⁴mundu mwenoyo aliitsa khurunga, shichila muruku kwenoko. Aliitsa khurunga tsisenti khu mwene muruku, ma inyama yu muruku kukhutsi kwenoko ive yeye.

³⁵Niiva ichilishi yu mundu wundi iliitsa khusalilitsa ichilishi yu wundi ma ikhutsi, vandu vavili venavo, valiitsa khukuulitsa ichilishi ishili mwoyo yeneyo, mavakavane shilala tsisenti tsia valiitsa khuva nivanyoli, nivamali khukuulitsa. Valiitsa khandi khukavana shilala inyama yu muruku kukhutsi kwenoko.

³⁶Navutswa niiva kali kamanyikhana vulahi ndi ichilishi yeneyo, yali yanala khutuuya tsindi shia khase khosi, khandi mwene yo yali wayambakhana khuchivoha, mundu washivaya aliitsa khurunga wundi woyo ichilishi ishili mwoyo; navutswa aliitsa khuvukula inyama yi ichilishi yakhutsa yeyo.