Read tsotso AYUBU 35 Bible Online

AYUBU 35 - tsotso bible

AYUBU 35

¹Nalwo lwa Elihu yavoola,

²“Ukanakananga kenako ni katoto? Usuuvilanga nu vulahi nuvooli uvula vutamanu imbeli wa Nyasaye?

³Nikhali umureevanga, ‘Nu vukhala shina khwinzi, khandi ni shina shianyola nimbula khukhola vwoni?’

⁴Khali nakhuchipa yivi halala na valina vovo.

⁵Heenzikhu mwikulu! Mamulole khuli malesi kali ihale wene khu munyi!

⁶Niiva muliitsa khukhola vwoni, kasalilitsanga Nyasaye munjila shina? Niiva vwoni vwenyu nu vunyishi, kanyala khumunyashitsa munjila shina?

⁷Niiva muli valunji, ni shina shia muheetsanga Nyasaye, inoho ni shina shianyolanga khurula khu munyi?

⁸Vutamanu vwenyu vunyashitsanga mundu khuli munyi, khandi likhola liu vulunji ka mukholanga kakhonyanga mundu vutswa.

⁹“Lwa vandu vatambitswangwa muno valilanga tsikhwili; valaanganga mundu khuvahonyinya.

¹⁰Navutswa mundu avulakhuho uvoolanga, ‘Ni hena ha Nyasaye wanoonga ali, uvaheetsanga lisuuvilitswa nivali mu vutiinyu vunyishi;

¹¹ukhwechitsanga khuvira tsinyama tsiu mbulimu, nu khukhukhola khuva nu vusitsa khuvira manyonyi?’

¹²Vandu valilanga tsikhwili nivenya khukhonywa, navutswa Nyasaye shiachipanga tawe, shichila vayilola khandi ni vatamanu.

¹³Ni kilikali, vukhala vwosi vuvulakhuho khali nivalila tsikhwili; Nyasaye Uli Ikulu khu Viosi shialolanga inoho khuvahulila tawe.

¹⁴Anyala khuvahulishitsa munjila shina lwa uvoolanga ndi shiumulolanga tawe, khandi makhuva koko kali imbeli wewe; khandi neye ulindililanga!

¹⁵Ukanakananga Nyasaye anyala khuvula khusalilitsila mu vurima vwevwe, khandi vwoni khuye ni shindu tawe.

¹⁶Ayubu alomolomanga mu shikhaya; makhuva keke manyishi kavula vucheli.”