Read tsotso TSABURI 136 Bible Online

TSABURI 136 - tsotso bible

TSABURI 136

¹Nu vulahi khusanditsa Mwami Nyasaye, shichila nu mulahi; shichila vuyaanzi vwevwe nu vwi mihika ni mihika.

²Nu vulahi khusanditsa Nyasaye wa vanyasaye vandi voosi; shichila vuyaanzi vwevwe nu vwi mihika ni mihika.

³Nu vulahi khusanditsa Mwami Nyasaye wa vami vandi voosi; shichila vuyaanzi vwevwe nu vwi mihika ni mihika.

⁴Neye wonyene wu kholanga viloleshitsu viu khuchenyinya; shichila vuyaanzi vwevwe nu vwi mihika ni mihika.

⁵Neye waloonga likulu khuvirila khu limanya lielie; shichila vuyaanzi vwevwe nu vwi mihika ni mihika.

⁶Neye waloonga lilova khu luliiva lwa matsi; shichila vuyaanzi vwevwe nu vwi mihika ni mihika.

⁷Neye walomba liuva nende mweli nende tsinyining'ini; shichila vuyaanzi vwevwe nu vwi mihika ni mihika;

⁸liuva khwakha mbasu; shichila vuyaanzi vwevwe nu vwi mihika ni mihika.

⁹Mweli nende tsinyining'ini khwakha mu vutukhu; shichila vuyaanzi vwevwe nu vwi mihika ni mihika.

¹⁰Neye wiira vaana vi shiyayi vu khuraanga khwivulwa va Vamisri; shichila vuyaanzi vwevwe nu vwi mihika ni mihika.

¹¹Neye warulitsa Vaisraeli mu shivala shia Misri; shichila vuyaanzi vwevwe nu vwi mihika ni mihika;

¹²khuvirila khu vunyali vwevwe nende tsingulu; shichila vuyaanzi vwevwe nu vwi mihika ni mihika.

¹³Neye wavukhanyinya Inyanza Imuuchi; shichila vuyaanzi vwevwe nu vwi mihika ni mihika.

¹⁴Neye wachila Vaisraeli nivakhalakanyila mu inyanza; shichila vuyaanzi vwevwe nu vwi mihika ni mihika;

¹⁵navutswa yinikha Mwami wa Misri nende mukaanda kwa vasikali veve mu Inyanza Imuuchi; shichila vuyaanzi vwevwe nu vwi mihika ni mihika.

¹⁶Neye wimilila vandu veve khuvirila mu shiangalangwi; shichila vuyaanzi vwevwe nu vwi mihika ni mihika.

¹⁷Neye wiira vami vi tsingulu; shichila vuyaanzi vwevwe nu vwi mihika ni mihika.

¹⁸Neye wiira vami vali nivamanyikhana muno; shichila vuyaanzi vwevwe nu vwi mihika ni mihika.

¹⁹Neye wiira Sihoni, wali nali Mwami wa Vaamori; shichila vuyaanzi vwevwe nu vwi mihika ni mihika;

²⁰khali Ogu, wali nali Mwami wa Bashani; shichila vuyaanzi vwevwe nu vwi mihika ni mihika.

²¹Navukula shivala shiavo naha vandu veve; shichila vuyaanzi vwevwe nu vwi mihika ni mihika.

²²Nahaana khu Israeli, nali murumishi wewe, shichila vuyaanzi vwevwe nu vwi mihika ni mihika.

²³Neye wakhwitsushitsa lwa khwakuura; shichila vuyaanzi vwevwe nu vwi mihika ni mihika;

²⁴Neye wakhuhavina khurula khu vatsiku veru; shichila vuyaanzi vwevwe nu vwi mihika ni mihika.

²⁵Neye uheetsanga shia shindu shiosi shili mwoyo shiukhulia; shichila vuyaanzi vwevwe nu vwi mihika ni mihika.

²⁶Musanditse Nyasaye wu mwikulu; shichila vuyaanzi vwevwe nu vwi mihika ni mihika.