Read tsotso TSABURI 138 Bible Online

TSABURI 138 - tsotso bible

TSABURI 138

¹Mwami Nyasaye, nivi wasanditsanga nu mwoyo kwosi; khwitsominyilanga mu tsinyimbo imbeli wa vanyasaye.

²Sikamanga imbeli wi Litempeli liolio litakatifu; ninzitsominya lira liolio, shichila vuyaanzi vwovwo nu vwi mihika ni mihika khandi khuli uli musuuvilwa; shichila lira liolio nende likhuva liolio viaheelwa vunyali khuvira vindu vindi viosi.

³Lwa nakhulilila, wanjipa; khali numeeta tsingulu tsiu khundinyinya.

⁴Yivi Mwami Nyasaye, vami voosi khulilova valiitsa khukhwitsominya, shichila vamali khuhulila makhuva koko.

⁵Valiitsa khukhwitsominyila mu tsinyimbo shichila vikholwa viovio yivi Mwami Nyasaye; lwa vukhumi vwovwo vuli ni tsingulu tsinyishi.

⁶Khali niiva yivi Mwami Nyasaye uli ikulu ihale wene khuvira vindu viosi, ukhonyanga vandu vateteshele; khali nuli ihale wene wamanya vandu vilola.

⁷Khali nimbirila mu vutiinyu, nivi unindanga vulahi; nivi uhinganyinyanga vatsiku vaanje vu vurima vululu; numbonyinya khuvirila mu tsingulu tsiotsio.

⁸Mwami Nyasaye, nivi utsitsanga khundweshitsila shia shindu shiosi shia walaaka; Mwami Nyasaye, vuyaanzi vwovwo nu vwi mihika ni mihika. Urweshitsi muhinzilu kwa yivi mwene waraanga.