Read tsotso TSABURI 142 Bible Online

TSABURI 142 - tsotso bible

TSABURI 142

¹Saalanga khu Mwami Nyasaye khukhonya; ndilanga tsikhwili khuye ambele tsimbavasi.

²Khulila khwanje khuhulilikhananga imbeli wewe; muvoolelanga vutiinyu vwanje vwosi.

³Lwa mbetsanga ninakhakhutsa mwoyo, neye wamanya ka kenyekhanga khole. Vatsiku vaanje vamali khureeka mireeko, munjila yanje yambirilamu.

⁴Lwa mbenzanga mu tsimbeka tsianje; mundu avulakhuho unyala khukhonya, mundu avulakhuho unyala khuninda. Mundu avulakhuho umbendelanga mwoyo.

⁵Yivi Mwami Nyasaye, khulililanga tsikhwili ukhonye; Mwami Nyasaye, nivi wa nzilushilakhu; Nivi wosi wa nyenyanga mu shivala shia vandu vashili mwoyo.

⁶Uhulishitsi khulila khwanje, shichila ndi mundu muteteshele; umbonyinyi khurula khu vandu vanyashitsanga, shichila vali ni tsingulu khumbira.

⁷Ndulitsa mucheela, nzililile khwitsominya lira liolio! Vandu vi likhola liu vulunji valiitsa khwiyunga ninzi, shichila vulahi vwovwo vwa wu kholelanga.