Read tsotso TSABURI 45 Bible Online

TSABURI 45 - tsotso bible

TSABURI 45

¹Makhuva malahi muno kayitsula mu mwoyo kwanje; lwa nombelanga mwami lwimbo yulu. Lulimi lwanje luli khuli ikalamu yukhuhandika yu muhandichi wechela khuhandika.

²Nivi uli ni likoondo lilahi muno khuvira vandu voosi; lilomoloma liolio ni li tsimbavasi. Nyasaye wakhukasitsa shia khase khosi.

³Yivi wi tsingulu, yiyachishi shivavi shioshio; mu vukhumi nende vunyali.

⁴Utsililile khukhola ku khuchenyinya khutukha lukuura vatsiku vovo, shichila khulinda katoto khandi likhola liu vulunji! Tsingulu tsiotsio tsitsitsanga khukhukhonya khukuura!

⁵Mivanu chiocho ni miuchi, chiliviranga mioyo chia vatsiku vovo; vandu vi tsimbia tsindi vakwitsanga imbeli wowo.

⁶Shisoko shioshio shiu vwami shiliho mihika ni mihika. Wamihanga vandu vovo khuvirila mu katoto.

⁷Wayaanza likhola liu vulunji, wayambakhana vutamanu. Nako kachila Nyasaye, uli Nyasaye wowo, nakhuvekha makura, khukhukhola khuva nu vuyaanzi vunyishi khuvira vami vandi voosi.

⁸Tsinguvu tsiotsio tsihuunyanga mwayu mulahi kwa manemane, udi nende kasia; vandu vakhwimbilanga tsinyimbo tsi vilili, mu tsinzu tsiu vwami tsiasiaywa na miino ki tsinzeku.

⁹Vaana vi shikhana vu mwami ni valala khu vakhali vaheelwa luyali, khali muruchi wi shikhali yikhalanga khuluveka lu mukhono kwokwo musatsa, niyifwali vindu vialombwa khu itsahabu indahi ya Ofiri.

¹⁰Mwiha wu mwami, hulila makhuva kaanje, ukanakanekhu! Uhulishitsi na maroyi koko: Ulekhane na vandu vovo nende vandu vi inzu ya tata wowo.

¹¹Likoondo liolio lilahi lichilanga mwami nakhwikomba; lwa ali muruchi wowo, khutukha umuhe luyali.

¹²Vandu vi litaala lia Tiro valiitsa khukhulerela vihanwa; vandu vi miandu valiitsa khukhuyaanzitsa.

¹³Mwana wi shikhana wu mwami ali ni likoondo lilahi muno! Ikaanzu yeye yanaavwa khurula khu tsimbusi tsi itsahabu.

¹⁴Ahilwangwa khu mwami niyifwali inguvu yi tsimbusi tsinyishi, vakhana veshie vamuheeleshitsanga; nivahilwa khuye.

¹⁵Vahilwangwa nivali nu vuyaanzi nivasangala, lwa vinjililanga mu inzu yu mwami yu vwami.

¹⁶Mwami wanje, uliitsa khwivula vaana vi shiyayi vanyishi valiitsa khwamiha mu vwiyangu vwa vakuuka vovo, uliitsa khuvamihitsa shia havundu hosi khulilova.

¹⁷Niitsa khuchila vandu vi likhula liosi valikhuminya lira liolio; vandu vi tsimbia tsindi valakhwitsominywa mihika ni mihika.