Read tsotso TSABURI 63 Bible Online

TSABURI 63 - tsotso bible

TSABURI 63

¹Nyasaye, nivi Nyasaye wanje, nivi wakhavanga. Nzikombanga khukhulolakhu khuli mundu uhulilanga vuluhu; ndi nu vuluhu khuli shivala shiahangalala, shivula matsi mwichendanyama.

²Mali khukhulolela Havundu Hatakatifu hoho, khulola tsingulu tsiotsio nende vukhumi vwovwo.

³Lwa vuyaanzi vwovwo vwavira vulamu vwovwo, nzitsanga khukhwitsominyila mulilomoloma.

⁴Niitsa khukhusanditsa khumatukhu koosi kashili mwoyo, niitsa khuchinga ikulu makhono kaanje khusaala khu yivi.

⁵Niitsa khuva nu vuyaanzi khuli mundu wikuri mu mulukha kwi lilia, khukhwitsominyila mulilomoloma liu vuyaanzi.

⁶Ningoni khu shitali khwitsushitsanga; khali khukanakananga mu vutukhu vwosi,

⁷shichila nivi wakhonyanga, khali khwimbilanga nu vuyaanzi nindi mushiniikha shi tsimbaha tsiotsio.

⁸Mbandanga khu yivi, tsingulu tsiotsio nitsininda.

⁹Navutswa vandu vakhavanga khunziira, valiitsa khuyeveelwa mu vilindwa;

¹⁰valiitsa khwiirwa ni shivavi, vivwe viliitsa khulia mivili chiavo.

¹¹Navutswa mwami aliitsa khwikhoyela mu Nyasaye; voosi visuuhanga khuvirila mu lira lielie valamwitsominya; navutswa vandu vavoolanga vuvehi valiitsa khuhonjelitswa.