Read tsotso TSABURI 65 Bible Online

TSABURI 65 - tsotso bible

TSABURI 65

¹Yivi Nyasaye, utushili khwitsominyilwa mu Sayoni, vandu valiitsa khukhurweshitsila ka vakhulaaka,

²shichila nivi uhulilanga lisaala lieru. Nivi wa vandu voosi valiitsa khwitsakhu,

³shichila vwoni vwa vakhola. Lwa vutamanu vweru vukhukuuranga, nivi ukhusemehanga khurula mu vwoni.

⁴Ali ni ikhaavi mundu wa yivi mwene warovola nulera himbi, khumenya havundu hoho hatakatifu. Khuliitsa khuhulila vulahi mu vulahi vu munzu mwomwo, nilili Litempeli liolio litakatifu.

⁵Nivi ukhuchipanga khuvirila mu vuhonyinyi mu vikholwa viovio viu khurishitsa; nivi lisuuvilitswa li vindu viosi vili mwoyo khulilova, khali shia havundu hosi mu inyanza.

⁶Nivi wasimiikha vikulu mu makono kavio khuvirila mu tsingulu tsiotsio; uli nu vunyali vunyishi!

⁷Nivi wasinjilitsa lihilikana li inyanza nende liyooko lia maruundu; khali shileeche shia vandu.

⁸Vandu voosi khulilova varia vikholwa viovio; nivi uchilanga vandu nivava nu vuyaanzi, khuraanjila ivukwi khutsia khutukha imbo.

⁹Nivi ulindanga shivala lwa ukhuvitsanga imbula, ulombanga lilova liva linuulu khandi liama viraakwa. Witsulitsanga muchela kwokwo na matsi; uchilanga viraakwa nivimeela mu shivala shienesho. Nindi wu kholanga shivala.

¹⁰Ukhuvitsanga imbula inyishi mu milimi, uchishinditsa na matsi ki imbula; ushinditsanga lilova ni imbula numeelitsa viraakwa.

¹¹Nivi uchilanga lichesa lilahi nilivaho khumuhika, vuhinda vwayitsula shia havundu hosi ha wavirilanga.

¹²Lwayilu lu khwayitsamu lwa yitsula miruku, khali vikulu via yitsula vuyaanzi.

¹³Lwayilu lu khwayitsamu lwa yitsula makondi, inganu yamanga mu luhoongo. Shia shindu shiosi shilaanjililanga nu vuyaanzi.