Read tsotso TSABURI 77 Bible Online

TSABURI 77 - tsotso bible

TSABURI 77

¹Ndilanga tsikhwili nu mwoyo kwosi khu Nyasaye; ndilanga nayaanza ambulishitsi.

²Nindi mu vutiinyu khavanga Mwami Nyasaye; njinganga mwikulu makhono kaanje vuchila khuvwa tsingulu vutukhu vwosi nisaala, navutswa shinyala khuleminywa mwoyo tawe.

³Lwa nganakananga khulondokhana khu Nyasaye, nzirulilanga; lwa mparakhu, khutsanga mwoyo.

⁴Anombanga ndeminya mu vutukhu vwosi; mbendanga mwoyo, mbula khuli nomoloma.

⁵Nganakananga khulondokhana khumatukhu kavira manzitsushitsa mihika chiali chia khale.

⁶Navwelela mu tsinganakani mu vutukhu vwosi; mparakhu, khandi yaka nako ka nireevana mwene:

⁷“Mwami Nyasaye aliitsa khukhwambakhana shia khase khosi? Shialiitsa khuyaanzitswakhu na khutsi khandi tawe?

⁸Anyala khuva wakhuyaanza khutsi? Lilaaka lielie linyala khuva lishili khurweshitswa?

⁹Nyasaye anyala khuva wayivilila khukhulolela tsimbavasi? Vurima vwevwe vwamulomba wayambakhana khukhuvela tsimbavasi?”

¹⁰Nalwo lwa navoola, “Shindu shisalilitsanga muno ni yishi -- ndi Nyasaye Uli Ikulu khu Viosi wamala khuvwa tsingulu.”

¹¹Yivi Mwami Nyasaye, niitsa khwitsushitsa vikholwa viovio viu khuchenyinya; nakanakanakhu viloleshitsu viovio via wakhola mumatukhu kakhale.

¹²Niitsa khukanakanakhu shindu khu koosi ka wakhola; niitsa khuparakhu vikholwa viovio viu vunyali.

¹³Yivi Nyasaye, shia shindu shiosi shia wu kholanga ni shitakatifu. Khali nyasaye wundi avulakhuho wi tsingulu khuli yivi.

¹⁴Nivi Nyasaye wu kholanga viloleshitsu; nivi wamanyinya vunyali vwovwo mu vandu vi tsimbia tsindi.

¹⁵Nivi wahonyinya vandu vovo khuvirila mu tsingulu tsiotsio, vitsukhulu va Yakobo nende Yosefu.

¹⁶Khuli mundu akhulolanga aria, nindio khandi matsi kakhulola nikaria; toto, khali luliiva lwi inyanza lwatechela.

¹⁷Imbula yakhuva khurula mu malesi; likulu liahilikana mwikulu, tsimbeni tsi likulu nitsihemukha shia havundu hosi.

¹⁸Likulu liolio liahilikana khuli likaare liolio liu muliihe, ma tsimemo tsi tsimbeni nitsihemukha shia havundu hosi mu shivala; shivala shiatechela khandi nishinuya.

¹⁹Nivi wavirila mu inyanza; wambukha inyanza yu luliiva, navutswa ha wavirila shihalolekha tawe.

²⁰Nivi wimilila vandu vovo khuli mwayi, Musa nende Haruni khuvasinjilila.