Read tsotso TSINGANU 19 Bible Online

TSINGANU 19 - tsotso bible

TSINGANU 19

¹Nu vulahi khuva mundu mumanani wi limenya lilahi, khuvira khuva mundu mukoyanu khandi muyiingwa wilomolominyanga vuvehi.

²Nu vutamanu mundu khuvula khuva nu vucheli; mundu uli vwangu mu likhola lielie alisikarila.

³Lwa mundu muyiingwa yitivitsanga khurulana khu vikholwa vievie viu vuyiingwa; alolelanga vurima Mwami Nyasaye.

⁴Miandu chileranga valina vanyishi vayia, navutswa mundu mumanani yilukhwangwa na valina veve.

⁵Mushiahidi wu vuvehi aliitsa khusalilitswa, khandi mundu wilomolominyanga vuvehi shianyala khwihonolokha tawe.

⁶Vandu vanyishi vayaanzililanga khumanyikhana khu vimilili; shia mundu wosi yenyanga khulomba vulina khu mundu uhaananga vihanwa.

⁷Mundu mumanani wahimwa na vamwavo veve; valina veve navo vamwilukhanga vatsia ihale wene! Khali navalomolomela makhuva ku khuvalera khuye, avulakhu khuli avanyola.

⁸Mundu wiyenyelanga vusitsa wayiyaanza mwene; woyo utsilililanga khwenya khuva ni limanya aliitsa khuva muhinda.

⁹Mushiahidi wu vuvehi aliitsa khusalilitswa; mundu uvoolanga makhuva ku vuvehi aliitsa khutivitswa.

¹⁰Nu vutamanu khu vandu vayiingwa khumenya mu limenya liu khwiyaanzilila, khandi nu vutamanu khushila muno murukwa khwamiha vimilili.

¹¹Mundu wacheliha avula vurima vu vwangu, khandi mundu namukholele shindu shitamanu, alekhananga na kenako.

¹²Vurima vu mwami avetsanga navwo vuli khuli muhumu kwi isimba, navutswa vulahi vwevwe vuli khuli liime khu vunyasi.

¹³Mwana muyiingwa achilanga tata wewe ativitswa, khandi mukhali wamenya nalembananga ali khuli imbula ikhuvanga ninyilila.

¹⁴Inzu nende miandu virulanga khu vivuli; navutswa mukhali wacheliha arulanga khu Mwami Nyasaye.

¹⁵Khukarahala khuchilanga mundu akona tsindolo tsinyishi; mundu mukaara alanyakhana shichila inzala.

¹⁶Mundu ulondanga malako ka Nyasaye alatsililila khuva mwoyo; woyo wambakhananga khukalonda alakhutsa.

¹⁷Mundu ukhonyanga mumanani yikopitsanga Mwami Nyasaye; naye aliitsa khumurunga shichila shikholwa shieshie shilahi.

¹⁸Uchelihitsi mwana wowo lisuuvilitswa nilishiliho; uvuli khumusalilitsa khali khumutivitsa.

¹⁹Mundu uli nu vurima vululu aliitsa khusalilitswa; Numurulitsa mu matiinyu, uliitsa khumurulitsamu khandi.

²⁰Niiva ulahulishitsa inganakani yu khonywangwa nende mechitso, litukhu lilala uliitsa khuva nu vusitsa.

²¹Mundu akanakananga vinyishi viu khukhola, navutswa lienya liu Mwami Nyasaye nalio likholekhanga.

²²Khuva musuuvilwa ni shindu shienyekhanga khurula khu mundu; Nu vulahi khuva mumanani khuvira khuva mundu muvehi.

²³Khuha Mwami Nyasaye luyali navwo vulamu vwatoto; mundu wu kholanga ndio mu vunyishi alahulila vulahi mu mmbili; shianyala khuvirila mu linyakhana tawe.

²⁴Mundu mukaara atuumbanga vutswa mu shiukhulia, navutswa avula tsingulu tsiu khulia.

²⁵Nusalilitsa mundu wi shihenye henye nalwo lwa mundu muyiingwa acheliha; chelihitsa mundu uli ni limanya khu atsililile khuva nu vucheli.

²⁶Mundu unyashitsanga tata wewe khandi akhunga mama wewe, nu mwana uchilanga tsisoni nitsinyolekha khandi mwononyinyi.

²⁷Yivi mwana wanje, lekha khukoyana navutswa ulondelele mivaalo, uvuli khulekhana na makhuva kachelihitsanga vandu.

²⁸Mushiahidi wakhamanya shindu akholelanga katoto shihenye henye, khandi mundu mutamanu wayaanza khwilomolominya vindu vitamanu.

²⁹Vandu vi shihenye henye valiitsa khusalilitswa, khandi vandu vayiingwa valiitsa khushutwa khu mikongo chiavo.