Read tsotso ISAYA 1 Bible Online

ISAYA 1 - tsotso bible

ISAYA 1

¹Shitabu yishi shili na makhuva khu malolo ka Isaya mwana wa Amozi yalola, khu lusomo lwa Yuda nende litaala likali lia Yerusalemi. Kakholekha mumatukhu ka vami Uzia, Yotsamu, Ahazi, nende Hezekia vamihanga Yuda.

²Mwami Nyasaye avoolanga, “Uhulishitsi yivi likulu, reeka maroyi yivi lilova; shichila inzi mwene naleela vaana nu khuvavilushitsa navutswa vamali khumbinganyinya.

³Ihili yamanya mwene wachivaya, khali ipunda yamanya ha muruchi wayo achiayitsanga; navutswa Vaisraeli vakorwa, vandu vaanje vavuli limanya.”

⁴Wooyi! Muli khu vutiinyu munyi vandu vuluhia lukholanga vwoni, munyi mwalitohitswa nu vutamanu, vaana vivulwa mu vandu vatamanu, vandu vatundana mu likhola liavo! Munyi mwayivilila Mwami Nyasaye, mwachaya Nyasaye Mutakatifu wa Israeli; mwavirana naye khandi mwakalukha inyuma.

⁵Shichila shina mutsilililanga khwenya khunyashitswa? Shichila shina mutsilililanga khuhingana? Muli ni tsinguma khu mirwi, khandi mwasalila mwoyo kwosi.

⁶Khuraanjila hasi khu indekeye khutukha khu murwi muvulakhu hali halamu, navutswa hayitsula tsimbala, makuule, nende mavimba karoonyanga masahi, nako shikochitswangwa inoho kavohwa ni shindu, inoho kavekhwa makura tawe.

⁷Shivala shienyu shiasang'alala, mataala kenyu kasambwa nu mulilu; vacheni vamunuulanga shivala shienyu numurelekhu tsimoni, shiasang'alala, khuli litaala liativitswa lia Sodomu.

⁸Vandu va Sayoni valekhwa khuli litiili mu mulimi kwi misabibu, khuli shiniikha mu mulimi kwa kakumba, shilolekhanga khuli litaala liavotokhanwa.

⁹Nikakhavele Mwami Nyasaye wi Mikaanda Chiliihe shiyakhuleshela vandu khwakhavele khuli litaala lia Sodomu, khwakhavele khuli litaala lia Gomora.

¹⁰Munyi vamihi va Sodomu, muhulile likhuva liu Mwami Nyasaye! Munyi vandu va Gomora, hulishitsi mechitso ka Nyasaye weru!

¹¹Mwami Nyasaye avoolanga, “Misango chienyu minyishi chili nu vukhonyi shina khwinzi? Vihanwa viu khusambwa via mamiiko nende shivana shi miruku mikhomeelu vimali khundukha; Shinyanzililanga masahi ki tsichilishi tsienyu, inoho ka makondi kenyu, inoho ki tsimbuli tsikhole tsienyu tawe.

¹²Lwa mwitsanga khwinzi khusaala, ni viina wamuvoolela mumulerele vindu yivi, numuseneeka mu lwanyi lwanje vutswa?

¹³Muvuli khunderela vihanwa ni vi shikhaya vutswa; vubani vwenyu vwa musambanga vwasiinya muno. Shinyala khuyaanzitswa ni Milukha chiu Mweli Khwilavushitsa Vuyia chienyu, matukhu kenyu ki Lisabato nende vituma vienyu vi idini tawe, shichila ni mitamanu.

¹⁴Shinyanzitswangwa ni Milukha chiu Mweli Khwilavushitsa Vuyia chienyu nende milukha chindi chiaviritswa tawe. Ni misiko militoho khwinzi; mbula tsingulu tsiu khutsililila khwikhutsila.

¹⁵Lwa muchinganga mwikulu makhono kenyu khusaala khwinzi, niitsa khulekha khumwitsushitsakhu; khali niiva muliitsa khusaala mu vunyishi, niitsa khulekha khuhulishitsa; shichila mwasuundula shisahi shinyishi.

¹⁶Mwisinji na matsi mulave; leshi khukholela vikholwa vitamanu numulola! Mulekhane ni likhola litamanu,

¹⁷Mweche khukhola malahi; mukhave khuli murweshitsa vwatoto, muhavine vatambwitswangwa, mukholele vavisandu lienya liavo, rweshitsili vakhutsakhali ka venyanga karweshitswi.”

¹⁸Mwami Nyasaye avoolanga, “Hambi, leshi khukhonyane inganakani. Khali niiva vwoni vwenyu vuli khuli masahi, muliitsa khulavu khuli machina ki imparafu; khali niiva vuli khuli vumuuchi muno, muliitsa khulava khuli ipamba.

¹⁹Niiva mulirulitsa khulonda malako kaanje konyene vutswa, muliitsa khulia vindu vilahi vicheswangwa mu milimi;

²⁰navutswa niiva mulachaya malako kaanje nu khumbinjitsa, muliitsa khutivitswa ni shivavi; shichila inzi Mwami Nyasaye mali khuvoola.”

²¹Lolikhu khuli litaala likali liu vusuuvilwa lilolekhanga khuli mukhali mulaaya! Liali liarweshitsa mu vunyishi katoto, likhola liu vulunji liakholekhanga mulio, navutswa nunundi vulumindi vwayitsula mulio.

²²Ifetsa yenyu yakwa ikutu, idivai yenyu yatsukanyinywa matsi.

²³Vamihi venyu ni vahingani, khandi ni valina vi vihuuvi. Shia mundu wosi wayaanza khuheelwa asoya, khandi vilukhachilanga khuheelwa vihanwa. Vayambakhana khulinda vavisandu nu khuhulishitsa mukhutsakhali nayaalwangwa mushiina.

²⁴Khulwa yako, Mwami Nyasaye wi Mikaanda Chiliihe, uli Nyasaye wa Israeli avoolanga, “Ni kilikali, nzitsanga khumuvukulila vurima; nu khuvanzila mwene vatsiku vaanje.

²⁵Niitsa khumukhola likhuva; niitsa khusisulula ikutu yenyu nu munyu khumukhola khuva vanihu.

²⁶Niitsa khumukalushitsila vakhalachi khuli kakholekhanga muliraanga, khandi vakhonyani vi inganakani khuli mumatukhu kakhale. Nikamali khwikholekha, nalwo lwa muliitsa khulaangwa ‘Litaala likali li likhola liu vulunji’, ‘Litaala likali liu vusuuvilwa.’ ”

²⁷Litaala likali lia Sayoni liliitsa khuhonyinywa mu vwatoto, khandi yavo vamenyanga mulio nivikanila valiitsa khuhonyinywa munjila yi likhola liu vulunji.

²⁸Navutswa vandu vahingana nende vooni valiitsa khutivitswa khulala, khandi yavo vambakhana khulonda malako ku Mwami Nyasaye valiitsa khumululwa.

²⁹Muliitsa khuheelwa tsisoni shichila miseno chiachilanga numuyaanza; nu khuheenditswa mwoyo shichila milimi chia mwarovola.

³⁰Muliitsa khuniala khuli musala ku museno kwavungulukha masambu, khuli mulimi kwahangalala kwakhaama matsi.

³¹Vandu vi tsingulu valiitsa khukwa khuli vunyasi vumakanu, mihinzilu chiavo khuli tsisasi tsiu mulilu; vo voosi halala ni mihinzilu chiavo viliitsa khusambwa khulala, vuchila mundu unyala khutsiminya mulilu.