Read tsotso ISAYA 12 Bible Online

ISAYA 12 - tsotso bible

ISAYA 12

¹Khulitukhu lienelo, muliitsa khuvoola, “Khusanditsanga yivi Mwami Nyasaye, shichila khali niiva wambukulila vurima, vurima vwovwo vwamanya nuvucheha, nuneminya mwoyo.

²Ni kilikali, Nyasaye neye umbonyinyanga; nasuuvila muye, vuchila khuria; shichila Mwami Nyasaye neye umbetsanga tsingulu nende vunyali, khandi neye muhonyinyi wanje.”

³Muliitsa khuteeha matsi numuli nu vuyaanzi, khurula mu visiima vihaananga vuhonyinyi.

⁴Khulitukhu lienelo, muliitsa khuvoola, “Khusanditsi Mwami Nyasaye, khusaale khu lira lielie. Landitsili vandu vi tsimbia tsindi vikholwa vievie; vooleli vandu khuli lira lielie liheelwa vukhumi.

⁵Mwitsominyile Mwami Nyasaye mu tsinyimbo, shichila wakhola vindu vi tsingulu; yaka koosi kamanyikhane shia havundu hosi khulilova.

⁶Munyi vandu vamenyanga mu Sayoni, mulaanjilile ikulu numwimba tsinyimbo tsiu vuyaanzi, shichila woyo wi tsingulu wumenyanga na munyi, ni Nyasaye Mutakatifu wa Israeli.”