Read tsotso ISAYA 21 Bible Online

ISAYA 21 - tsotso bible

ISAYA 21

¹Yili nalio likhuva khu shiangalangwi shili khuluchinga lwi inyanza. Museeri aliitsa khurula mu shiangalangwi, khurula mu shivala shiayanza liihe; aliitsa khumukwana narula ikuvanda khuli shihungutsi.

²Mali khumanyinywa malolo ku khurishitsa; malolo ku mundu uyaayanga vindu lwa ayaayanga, malolo ku mutivitsi utivitsanga. Munyi Vaelamu, tikulushi mutsi mukwane; Munyi Vamedi, votokhani mataala! Nyasaye alativitsa linyakhana liosi lia Babilonia yachila numunyola.

³Ka nalola khandi nimbulila mu malolo kenako karishitsanga khandi kachilanga nisalila vululu, isalila khuli yu mukhali ahulilanga niyivula mwana. Mbulilanga nisalila vululu, khali mbendanga mwoyo shinyala khulola tawe.

⁴Nyakhananga mu mwoyo kwanje, vuri vungumile; nzikombanga shivala shimwame vwangu, navutswa nishimali khumwama shikwitsanga shisuundi shiu khurishitsa.

⁵Virecheshitsa lilia, vaala hasi tsishiuka tsiu khwikhalakhu; vandu nivaraanga khulia nu khung'wa. Nonoho mundu yalaanjilila, “Munyi vimilili, sinjili vwangu! Yiyaavali tsingavo tsienyu!”

⁶Nalwo lwa Mwami Nyasaye yambolela, “Tsia uvoolele mulindi alindiho, lekha avoole havulavu shia alolanga nishikholekha.

⁷Lwa alolanga vandu nivanini khu tsifarasi, shia vavili, halala na yavo vali khu tsipunda nende tsingamia, muvooleli ahulishitsi, ahulishitsi munjila indahi yene.”

⁸Nalwo lwa mulindi mwenoyo yalaanjilila, “Mwami, sinjile khu munaara kwasinjilakhu, shia vuli khase khosi ninindaho mbasu, khandi naho hambonganga vutukhu vwosi.”

⁹Loli, shituma shia vasikali shitsanga, vanini shia vavili khu tsifarasi. Vavoolanga, “Litaala lia Babilonia liativitswa! Liativitswa! Vifwanani viosi via nyasaye wavo viasiuvwa hasi ni viatikhana!”

¹⁰Yivi Israeli, vandu vaanje, munyi va mwahulakwa nu khwilula khuli imu, mali khumuvoolela ka nahulila khurula khu Mwami Nyasaye wi Mikaanda Chiliihe, uli Nyasaye wa Israeli.

¹¹Yili nalio likhuva liu Mwami Nyasaye yalomoloma khulondokhana khu Edomu. Mbulilanga mundu nananga khurula Edomu, navoola, “Yivi Mulindi, mbolelakhu kuvutukhu, shindu shicheni shikholeshekhu mu vutukhu? Mulindi, shindu shicheni shinyala khuva ni shikholeshekhu mu vutukhu?”

¹²Khulwa yako, mulindi yamuvoolela, “Vushetsanga, ma vutukhu vutukha khandi. Nikava wenyanga khureeva umanye, khareeve; unyala khukalukha khandi.”

¹³Yili nalio likhuva lia Nyasaye yalomoloma khu shivala shia Arebia. Munyi vandu vamurulanga mu lusomo lwa Dedani, mulakona nunundi mu shisakha shi Shiangalangwi shia Arebia,

¹⁴Munyi vandu vamenyanga Tema, muhe vandu vu vuluhu matsi ku khung'wa, muhaane shiukhulia khu vandu vilushila mu shivala shienyu;

¹⁵shichila vilukha khu vavuli khwiirwa ni shivavi, shivavi shiasomolwa khurula mushiula; khuvula khuleswa nu vura khandi khurula muliihe lilulu muno.

¹⁶Mwami Nyasaye yali nambolele, “Muhika mulala nu kushili khuvwa, nikali khuli matukhu ku mundu wasamulitswa, nalwo lwa vukhumi vwosi vwa vandu vi tsimbia tsia Kedari vuliitsa khuva nuvuvwele.

¹⁷Ni isavu inditi yonyene ya vasikali iliitsa khurikala khu vandu va Kedari vakwanilanga vura; shichila inzi Mwami Nyasaye, uli Nyasaye wa Israeli mali khuvoola.”